nei, ekki í skífunni

Já, ég ætlaði að panta leikinn frá amazon.co.uk eða play.com en hætti síðan við. Ég sé núna ferlega mikið eftir því.

Ég er allaveganna ákveðinn í að sleppa að versla PES3 frá skífunni. Skv. BT, Expert og Elko á nú að vera stutt í að leikurinn komi og ég ætla að athuga þessar búðir núna e.hádegi í dag. Ef ég fæ ekki leikinn í dag þá fer ég að brjóta hluti. Ef ég verð ekki kominn með leikinn fyrir helgina þá held ég áfram tæta allt og bramla.

Ég hringdi í BT áðan og þeir vissu ekki mikið. Leikurinn var allaveganna ekki kominn þar og strákurinn gat ekkert svarað hvenær eða hvort hann komi, ég hef samt mesta trú á BT mönnum, þó svo að þeir séu heitir undir FIFA 2004 þá trúi ég því varla að það sé ástæðan. Vonandi fá BT hann fljótlega og vonandi vonandi getur maður spilað þennan helvítis leik um helgina. Þetta er algert vonleysi, ef ég hefði vitað að þetta yrði svona þá hefði ég annaðhvort pantað hann eða fengið einhvern til að kaupa hann erlendis og koma með hann hingað. Þá væri ég núna búinn að spila hann í nokkra daga.

Ég hringdi líka í Elko og Expert og þar bjuggust menn við honum eftir helgi!!! Sem þýðir sennilega að hann kemur eftir þarnæstu jól hjá þeim ef hann kemur yfir höfuð. Eina jákvæða var að alls staðar sögðust menn voðalega hissa yfir því hve margir væru að hringja út af þessum leik. Þeir skildu bara ekkert í þessu. Svei mér þá, það mætti halda að þessir sölumenn séu alveg tómir. Einhver allra vinsælasti leikur í PS2 og þeir höfðu ekkert hugsað sér að selja hann. Eitt orð: Hálfvitaskapur!