Man nú ekki betur en að margir hafi haldið fram sömu rökum um það að Sega væri slíkt stórveldi í leikjatölvugeiranum að það væri ekki séns að þeir myndu nokkurn tímann hætta að framleiða leikjatölvur, en allt getur gerst.

En varðandi athugasemdir þínar á “Sony og MS” aðdáendur þá tel ég mig ekki vera slíkan, frekar en Nintendo aðdáanda. Ég á sjálfur PSX, PS2, NES, N64,Game Cube, Game Boy, GBA SP og Sega Dreamcast og ætla að fá mér Nokia N-Gage og/eða X-Box um jólin. Ég lít ekki á leikjatölvur sem trúarbrögð og mér er alveg sama hver framleiðir það sem ég kaupi (innan velsæmismarka) og ég held engu blindu trausti við eitthvað fyrirtæki, sérstakleg ef því er skítsama um neytendur sína eins og Nintendo virðist vera.

“Mér finnst alveg mest leiðinlegt að einhver einstaklingur geti ekki glaðst yfir því að GC seljist af og til betur en PS2 í Japan”´

Hvergi í svari mínu mátti lesa það að ég samgladdist ekki Nintendo fyrir aukna sölu í Japan. Fyrir mig sem Nintendo neytenda er það mjög slæmt ef þeir hætta að framleiða eða supporta Game Cube svo ég vona það innilega að svo verði ekki.

Ég hef mikinn áhuga á leikjatölvum, ekki aðeins leikjum heldur einnig markaðinum- hvernig hann þróast og hvað bíður handan við hornið og fynnst mér margt benda til þess að Nintendo muni einmitt fara sömu leið og Sega. Þetta get ég rökstutt hafirðu áhuga á því en þá freka sem grein heldur en nöldur á korkakerfinu, enda yrði það texti í lengri kantinum. (eins og þessi sé ekki nógu langur segja væntanlega margir ; ) )

“Ég veit ekki hvað það er langt síðan þetta byrjaði “Nintendo fer sömu leið og Sega” en ekkert hefur enn gerst og mun ekki gerast á næstunni, ef einhvern tímann”

Ef þú telur það að fara á 9 árum frá því að vera stærsti framleiðandi leikjatölva niður í það þriðja og tapa tvisvar fyrir byrjanda þá metur þú þetta á einhvern annan hátt en ég. Ég er einmitt orðin frekar þreittur á því að hlusta á Nintendo aðdáendurnar garga ár eftir ár að “við stútum Play station í næsta console stríði, við stútum þeim næst” en síðustu 9 árin hefur það einmitt ekki tekist, og ég hef ekki trú á því að það takist.

“The day we stop making consoles is the day we stop making games”

Varðandi þessa frægu setningu þá tel ég það afskaplega ólíklegt að ef svo illa vildi til að Nintendo færi sömu leið og Sega að þeir myndi hætta framleiðslu leikja því þrátt fyrir allt er Nintendo fyrirtæki og eini tilgangur þess er að þéna peninga fyrir hluthafana, sem fæstir hafa nokkurn áhuga á tölvuleikjum.
Annars hefur mér alltaf fundist hálf sorglegt hvernig Nintendo aðdáendur varpa þessu oft fram eins og þeir sé voða sáttir að ef svo illa færi að Nintendo myndi hætta að framleiða leikjatölvur þá finnst þeim einhver huggun í því að allavega fengju þessir helvítis PS nörrar sko ekki að spila Mario eða Zelda á Play Station, og þeir væntanleg ekki heldur.

Smá heimsyfirráð eða dauði fílingur á þessu if you ask me.