Nei, ég er ekki selten. En vegna breytingar á fyrirkomulaginu kemur það í minn hlut að semja triviu númer 4. Það er STRANGLEGA BANNAÐ að leita sér að upplýsingum á internetinu við svörun spurninganna. Gjööööööriði svo vel:

1. Í hvaða söngleik koma persónurnar Claude, Sheila og Berger fyrir og hvaða stríð geisar í honum? (2)
2. Þann 27. febrúar var leikritið Equus frumsýnt á West End og beittu framleiðendurnir einkar sniðugri aðferð til þess að ná athygli fjölmiðla. Hvaða aðferð var þetta? (tvö atriði) (2)
3. Hvaða landsþekkti leikari vann nýlega þrjú Grímuverðlaun og í hvaða flokkum? (2)
4. Tilvitnun:
"Með sannleik, með trú,
með því hvernig hann grét?
Með brunninni brú,
Sem hún eftir sig lét?”
Úr hvaða söngleik er þessi tilvitnun og hvaða ár var hann síðast settur upp á Íslandi? (2)
5. Ef leikari stendur „uppsviðs vinstri“ á sviði, hvort er hann aftast til hægri, aftast til vinstri, fremst til hægri eða fremst til vinstri (séð frá áhorfandanum)? (1)
6. Hvaða barnasýningu mun Gunnar Helgason leikstýra á næsta leikári og hvað heitir aðalpersónan? (2)
7. Fylltu inn í: Leiksýningin Eilíf hamingja er fyrsta íslenska ______________dramað. (1)
8. Hvað heitir eina einleikjahátíðin á Íslandi (haldin um sumartímann á Ísafirði og í kring) og hvað heitir forsprakki hennar (fornafn og millinafn)? (2)
9. Hvað er lénið að vefsíðu Þjóðleikhússins? En Borgarleikhússins? (2)
10. Nefnið tvo af leikurunum á þessari mynd:
MYND

Jæja… svo er það bara sigurvegarinn í þetta skiptið sem fær að gera næstu triviu :)