Nei…

Að sjálfsögðu myndi hann ekki láta úr sér svona vitleysu. Að búa til mynd sem væri aðallega fyrir þá sem lesið höfðu söguna áður ???
Tekjurnar af svoleiðis mynd myndi varla borga upp kostnaðinn.

Ó nei… Kvikmyndin hans Peter Jackson er fyrir bæði þá sem lesið hafa bókina og eru tilbúnir til að sjá 3-klst. útgáfu hans á bókinni og líka fyrir þá sem ekkert þekkja bækurnar.
Aðaláætlunin er að gera góðan ævintýrabálk byggðan á Hringadróttinssögu sem allir hafa gaman af, bæði gallharðir Tolkien aðdáendur og þeir sem aldrei hafa lesið bækurnar.


Kvikmyndirnar eru í raun að vissu leyti frekar gerðar fyrir þá sem ekkert þekkja bækurnar enda er þetta kjörin leið til þess að sýna stytta útgáfu sögunnar á kvikmyndaformi og kynna þar með ævintýraheim Tolkiens enn frekar.
Tolkien aðdáendur skilja kannski frekar sum atriði og mikilvægi þeirra en þeir sem ekki hafa lesið bækurnar áður fá mun heilsteyptari kvikmynd enda hefur sagan verið einfölduð talsvert.