Russel Crowe vann fyrir stuttu bresku óskarsverðlaunin fyrir leik sinn í kvikmyndinni “A Beautiful Mind”. Þakkaræðan hans var lengri en nokkur sem hafði verið í sýningunni, þar á meðal fór hann með langt ljóð eftir írskan höfund, eftir að útsendingin var orðin alltof löng var ákveðið að klippa ræðuna hans aðeins til. Daginn eftir réðst Russel inn í skrifstofu framleiðanda útsendingarinn í BBC, Malcolm Gerrie, og öskraði á hann blótsyrðum og hótaði öllu illu, meðal annars því að hann mundi sjá til þess að Malcolm mundi aldrei vinna aftur í neinu Hollywood tengdu. Hann henti víst stólum og fleiru um koll áður en hann fór úr skrifstofunni. Brian Grazer, sem framleiddi myndina, og Ron Howard, sem leikstýrði henni hafa báðir beðist afsökunnar á hegðun leikarans.

Russel er tilnefndur til sömu verðlauna í bandaríska óskarnum en er talið að allir möguleika hans hafi horfið eftir hegðun hans. Sagt er að meðlimir academyunnar séu lítið hrifnir af þeim tilnefndu sem halda að þeir séu meira en þeir eru í raun og veru og engin sem kemur óskarnum við vilji fá sömu meðferð og Malcom Gerrie fékk. Í viðtali við dagblaðið “Sydney Morning Herald” sagði Crowe að hann sæi lítið eftir því sem hann gerði.