eot fyrir 23 árum Fjöldi lestra: 702

Skoðanakönnunin "Hver er besti leikstjórinn".

Afsakið, en hver samdi þessa skoðanakönnun?

Eða frekar, hverjum datt í hug þessir valmöguleikar?

Af þeim 17 mönnum sem okkur gefst færi á að kjósa get ég talið ekki fleiri en 6 menn sem eiga einhvern raunverulegan rétt á því að vera þarna og mun fleiri leikstjóra sem eru það ekki. Ég skal fara stuttlega yfir þá leikstjóra sem listaðir voru…

Steven Spielberg: Jú, ég get verið sammála því að hann eigi stað á þessum lista þó svo að hann sé ekki í miklu uppáhaldi hjá mér.

Peter Jackson: Þessi maður er snillingur. Algjör snillingur. En besti leikstjórinn? Hann er ekki búinn að vera í bransanum í 15 ár og hefur ekki gert meira en 8 myndir til þessa. Hann er kannski framtíðarkandídat en mér finnst það fullsnemmt að telja hann með. Bíðið allaveganna eftir Lord of the Rings…

James Cameron: Annar snillingur en er orðinn að svolitlum mógúl - ekki mikill leikstjóri í honum lengur, hann a.m.k. virðist ekki hafa mikinn áhuga á því að gera e-r myndir lengur, er bara að fjárfesta í hinu og þessu. En hann á svo sannarlega skilið að vera á listanum.

Ridley Scott: Listamaður af guðs náð og sjálfur mundi ég telja hann með 10 uppáhaldsleikstjórum mínum. Svolítið umdeildur fyrir venjulegan almenning, en hvaða snillingur er það ekki?

Frank Darabont: Ha? FRANK DARABONT? Nei, ég held ekki. Maðurinn hefur ekki gert nema þrjár kvikmyndir í fullri lengd: Shawshank Redemption sem var frábær, ofmetnu klisjutunnuna The Green Mile og svo The Majestic sem er ekki einu sinni komin í bíó í USA. Hann er ekki besti leikstjóri allra tíma og kemur alls ekki til greina.

Luc Besson: Evrópski “listamaðurinn” Luc Besson er, eins og Cameron, svolítið upptekinn við að fjárfesta o.s.frv. og höfum við ekki séð neitt frá Besson síðan Joan of Arc. Þar á undan kom The Fifth Element. Getum við kallað manninn sem sendi frá sér þessar tvær skítabombur besta leikstjóra allra tíma? Jafnvel þótt hann hafi gert Leon, The Big Blue og Subway? Ok, kannski er Fifth Element algjört skoðanaatriði, en Besson á ekki skilið þetta pláss.

Robert Zemeckis: Ég dýrka Robert Zemeckis en hann er ekki með betri leikstjórum okkar tíma, og ég held að hann yrði ekki sáttur við þann titil sjálfur. Af öllum myndunum sem hann hefur gert þá stendur aðeins ein upp úr sem virkilega góð og það er Contact - og jafnvel hún fékk ekki fullkomið hylli gagnrýnenda og áhorfenda. Back to the Future myndirnar, Who Framed Roger Rabbit og Death Becomes Her eru allar mjög skemmtilegar ævintýramyndir, Forrest Gump er nútímaklassík alveg eins og Romancing the Stone, en Cast Away var misheppnuð og þrátt fyrir marga góða spretti í What Lies Beneath þá var sú mynd algjört vanity project þar sem Zemeckis setti sjálfan sig og myndavélina í aðalhlutverk.

Jonathan Demme: Af hverju ætti hann að vera hérna? Út af Silence of the Lambs? Allt í lagi, það er sanngjarnt, en hvað annað hefur hann gert? Married to the Mob. Philadelphia. Beloved. BELOVED! Þessi maður er ekki svo góður leikstjóri.

Quentin Tarantino: Frábær leikstjóri en hefur bara gert þrjár myndir. Ekki nóg. Bíðum eftir Kill Bill og næstu tveimur, þremur myndum og sjáum svo til.

Stanley Kubrick: Langbesti leikstjórinn á þessum lista. Ég held að ég þurfi ekki að útskýra ástæðuna.

Irvin Kershner: Enn og aftur verð ég að lýsa undrun minni á vali þeirra sem það áttu. Irvin Kershner? AF HVERJU? Er það útaf Empire Strikes Back? Ef svo er þá ættuð þið að vita það að George Lucas er náttúrulega eini sanni leikstjóri ALLRA Star Wars myndanna þó svo hann sé aðeins titlaður fyrir tveimur (til þessa), rétt eins og Jerry Bruckheimer er réttur leikstjóri allra Bruckheimer myndanna. En það útskýrir samt ekki tilveru Kershners á þessum lista. Maðurinn hefur ekki gert eina góða mynd fyrir utan Empire. Robocop 2 og SeaQuest DSV? Ég held ekki.

Bryan Singer: Ólíkt Peter Jackson og Quentin Tarantino er Bryan Singer nýliði sem á ekki skilið allt þetta fúss í kringum sig. Jú, The Usual Suspects var góð, en Apt Pupil var það ekki og X-Men var frekar slöpp.

George Lucas: Ohhhhh! Af hverju George Lucas? Hann er ekki með betri leikstjórum allra tíma, punktur basta! Ég nenni ekki einu sinni að fara út ástæðurnar. Er Star Wars það eina sem þið sjáið?

Guy Ritchie: Guð minn almáttugur, nei! Guy Ritchie er tilgerðarlegasti og ofmetnasti kvikmyndagerðarmaður samtímans. Snatch var HRÆÐILEG!

Frank Darabont: Já, ég held að ég hafi talað um þennan mann hér fyrir ofan. Einhver mistök í gangi hjá ykkur sem gerðuð þessa könnun. Ég legg til þess að þið bætið við einhverjum leikstjóra sem á plássið skilið, t.d. Martin Scorsese.

Friðrik Þór Friðriksson: Auðvitað þarf a.m.k. einn íslenskur leikstjóri að vera nefndur og auðvitað er það Friðrik Þór. Ég geri mér grein fyrir því að þessi maður er dýrkaður og dáður af mörgum kvikmyndaunnendum, innlendum jafnt sem erlendum, en ég skil það bara ekki. Ofmetinn karakter að mínu mati.

Paul Weitz: Paul hver? Ég efast um að nokkur manneskja viti hver þetta er en hann gerði einmitt hinar frábæru American Pie og, ummm, Down to Earth. Ég býst við því að þetta nafn hafi verið brandari, en miðað við hina leikstjórana sem komu til greina þá get ég ekki verið viss.

Jæja, þá þegar það er búið þá ætla ég að nefna nokkra leikstjóra sem vantar inn á þennan lista. Ég veit að hægt væri að nefna mun fleiri en ég mundi ekki eftir fleirum í augnablikinu, þið getið kannski bætt við listan.

Þeir augljósu (í stafrófsröð):
Woody Allen
Robert Altman
Kathryn Bigelow
Tim Burton
Charlie Chaplin
Joel Coen
Francis Ford Coppola
David Cronenberg
Brian DePalma
Alfred Hitchcock
Spike Lee
David Lynch
Martin Scorsese
Oliver Stone
Orson Welles

Þeir alveg-jafnaugljósu-en-kannski-of-gamlir-eða-erlendir-til-að-þið-gætuð-hafa-munað-eftir-þeim leikstjórarnir:

David Lean
Sam Peckinpah
Sergio Leone
Sergei Eisenstein
Billy Wilder
Federico Fellini
Bernardo Bertolucci
Dario Argento
Francois Truffaut
Ingmar Bergman
Fritz Lang
Mike Leigh
Roman Polanski
John Ford
John Huston

Og ef þið viljið einhverja skemmtilega nýliða sem eiga sinn stað skilinn þá get ég nefnt:

David Fincher (Se7en, Fight Club)
Baz Luhrmann (Strictly Ballroom, Romeo+Juliet, Moulin Rouge)
Cameron Crowe (Jerry Maguire, Almost Famous, Vanilla Sky)
Tarsem (The Cell)
Spike Jonze (Being John Malkovich.
Steven Soderbergh (Out of Sight, Traffic, Erin Brockovich osfrv.)

Þá er ég búinn að létta þessu af mér. Hvað finnst ykkur? Ætti ekki að gera nýja könnun?

sigzi fyrir 23 árum

þetta er þér greinilega mikið hjartans mál.
Ég er eiginlega sammála þér með þetta en það er ekkert að gera með það núna. Við bíðum bara eftir næstu könnun og bíðum eftir betri leikstjórakönnun.

Flott hjá þér að skrifa um þetta, greinin þróaðist útí fínar umsagnir um aðalleikstjóranna í bransanum í dag :)

Fyrra álit

Ratatoskur fyrir 23 árum

Ég hef ekki alveg sama kvikmyndasmekk og þú en er fullkomlega sammála því hvaða leikstjórar eiga skilið að vera á þessum lista og hverjir ekki…

Fyrra álit

asgeirbj fyrir 23 árum

Þarna kom listinn sem ég var að bíða eftir. Glæsilegt. Persónulega valdi ég nú Kubrickinn vegna Full Metal Jaket og Clockworth Orange. Annars er James Cameron líka einn af mínum uppáhalds leikstjórum. Svo má heldur ekki ganga fram hjá Spielberg.
Síðan uppá síðkastið hef ég horft á nokkrar Woody Allen myndir, maðurinn sem margir hata en hafa ekki séð nem eina mynd með, hann er nokkuð góður fynnst mér. Síðan er líka Martin Scorcese einn af mínum uppáhaldleikurum. Annars inn á nýliðalistann hefði mátt bæta inn mínum uppáhalds “nýliða” Alex Proyas (the crow, dark city) Crow er náttúrulega bara snilld en dark city fannst mér slappari.

Fyrra álit

[Notanda eytt] fyrir 23 árum

Ég er nokkuð viss um að sveinbjo, sá sem gerði þessa könnun hafi látið sitt persónulega álit vera til þess að nöfnin hafi komið þarna í.

Allavegana, hér eru þeir sem ég vill hafa í svona könnun.

Nafn: Afhverju
Steven Spielberg: E.T., Jaws, Indiana Jones..
James Cameron: Terminator 2, Aliens, Abyss
Frank Darabont: Shawshank Redemption, Green Mile
Robert Zemeckis: Back to the Future, Who Framed Roger Rabbi, Forrest Gump
Stanley Kubrick: The Shining, 2001, Full Metal Jacket
Robert Altman: MASH, The Player
Tim Burton: Batman, Ed Wood
Charlie Chaplin: The Great Dictator, Modern Times
Joel Coen: Fargo, Hudsucker Proxy, Raising Arizona
Francis Ford Coppola: Peggy Sue Got Married, Apocalypse Now, Godfather
Alfred Hitchcock: The Birds, Psycho, North by Northwest
Martin Scorsese: Taxi Driver, Raging Bull
Oliver Stone: JFK, Nixon
Orson Welles: Citizen Kane, Othello
David Lean: Bridge Over River Kwai, Lawrance of Arabia
Steven Soderbergh: Traffic, Erin Brockovich

Fyrra álit

[Notanda eytt] fyrir 23 árum

Þið eruð að gleima MATRIX bræðrunum, held ég, ég bara man ekki hvað þeir heita…

Fyrra álit

bogus fyrir 23 árum

Neip ég skildi þá viljandi útundan ;)

Fyrra álit

[Notanda eytt] fyrir 23 árum

Snatch var góð að mínu mati, frísk mynd.
Washowsky bræður(eða whatever) eiga ekkkert heima á lista með þesssum þar sem þeir hafa gert um 3 myndir og segjir það ekkert um hversu góðir leikstjórar þeir eru.

Fyrra álit

bogus fyrir 23 árum

Verð að ranta aðeins meira um Ang Lee. Ég var að horfa á The Chosen, BMW stuttmyndina hans og jamm hún er helber snilld. Hrikalega flottar tökur og loka punkturinn er alveg brilliant, svona með hliðsjón af því hver næsta mynd hans verður.

Fyrra álit

[Notanda eytt] fyrir 23 árum

Til bmson

Ég skildi þá vilijandi eftir, þeir hafa leikstýrt 2 myndum og aðeins 1 er fín.

Má nefna að ég skildi Guy Ritchy og Ang Lee líka viljandi efti

Fyrra álit

kattamat fyrir 23 árum

Fín grein en ég get ekki sagt að ég sé alveg sammála þér, það er fáránlega alhæfing að segja að sumir leikstjórar séu ekki góðir eða þess virði að vera á best of listanum. Líka þótti mér það frekar slæmt að þú dæmir vissa leikstjóra aðeins út frá þeim myndum sem að þú hefur séð. Allavega út frá þeim sem þú taldir upp.

*Common sense is the collection of prejudices acquired by age eighteen.*

Fyrra álit

Kjarrval fyrir 23 árum

Varðandi George Lucas þá getur maður bara sagt að Star Wars myndirnar eru snilld. Hann eyddi rosalegum tíma í að gera myndirnar og eyddi eins miklum pening og hann gat í að fullkomna atriðin. Sem dæmi er The Phantom Menace, sem margir því miður láta hrapa í einkunn EINGÖNGU útaf Jar Jar Binks, þá lét hann meira að segja klára öll atriðin sem voru klippt úr myndinni. Það eru mjög fáir leikstjórar sem eyða tíma í aðgera það.

Annars er ég alveg sammála með allt hitt, eins og Friðrik Þór Friðriksson, hann er ekki smá ofmetinn.

Fyrra álit

bogus fyrir 23 árum

Fín grein og ég er sammála þér í flestum atriðum nema þegar kemur að því að Bryan Singer og Guy Ritchie séu slappir leikstjórar. Ég viðurkenni það að þeir eru ekki meðal topp tíu en þeir eru ekki langt frá, sérstaklega Singer. Það sem m´r finnst verst er að það minnist enginn á minn uppáhalds leikstjóra, Akira Kurosawa. Sá eini á þessum lista sem á skilið að vera nefndur í sömu andrá og Kurosawa er Kubric. eot ég er ekkert smá sáttur við að sjá snillinga eins og Cronenberg, Lynch, Orson Welles, Peckinpah, Sergio Leone, Eisenstein, Fellini, Truffaut og Leigh á listanum hjá þér, þú ert smekk maður.

En undarlegt þykir mér að enginn nefni Ang Lee, ég hugsa að fáir leikstjórar hafi yfir að ráða jafn mikilli tækni og fölbreitni og hann. Gaurinn hefur gert austurlenskt fjölskyldudrama (Eat Drink Man Woman), vestrænt fjölskyldudrama (The Ice Storm), blöndu af báðum (Wedding Banquet), enskt búningadrama (Sense and Sensibility), einhverskonar vestra (Ride with the Devil) og stókostlega slagsmála/ástarsögu (Crouching Tiger, Hidden Dragon). Svo ekki sé minnst á það að næst mynd hans er The Hulk, THE HULK, b-myndar slugfest gallore súperhetjumynd. Fokk it, all hail Ang Lee, einn traustasti leikstjóri samtímans.
(OK sorry ég missti mig víst aðeins)

Fyrra álit

eot fyrir 23 árum

Eins og ég tók fram áður en ég byrjaði að telja upp þá eru þetta bara þeir leikstjórar sem ég mundi eftir á þessu augnabliki. Auðvitað hefði ég sett Kurosawa og Ang Lee á þennan lista hefði ég munað eftir þeim.

Og í sambandi við Bryan Singer þá viðurkenni ég það að ég var kannski svolítið harður við hann, greyið. Hann hefur mikla hæfileika en hann hefur, að mínu mati, ekki ennþá sannað sig sem verulega góður leikstjóri. Þið gerið ykkur grein fyrir því að þó The Usual Suspects hafi verið góð mynd þá getur vel verið að hún sé einstök. Apt Pupil var ekki næstum því eins góð og Suspects og svo er það X-Men.

Myndir eins og X-Men eða Star Wars - Episode 1 er alltaf erfitt að tala um eða gagnrýna vegna þess að þrátt fyrir “alvöru” gæði þeirra eiga aðdáendurnir alltaf eftir að kaffæra gallana. Ef þið virkilega horfið á X-Men þá hljótið þið að sjá það að hér er á ferðinni alvarlega gölluð mynd. Flott og vel gerð, en samt sem áður gölluð. Það var margt gott við hana en hún einfaldlega virkaði ekki. Ef Bryan Singer heldur áfram að gera góðar myndir í framtíðinni þá má vel vera að hann eigi rétt á þessari tilnefningu, en mér - og ég endurtek: MÉR - finnst hann ekki vera þess verður núna.

og Guy Ritchie? Ég ætla ekki að afsaka það. Mér finnst hann hreint og beint ömurlegur leikstjóri. Lock, Stock… var mjög skemmtileg mynd og allt svoleiðis en Snatch var bara endurtekning á henni. Það sem fór í taugarnar á mér, fyrir utan lélegt handritið og hryllilegan leikinn, var glötuð leikstjórn Ritchies - hann er svo tilgerðarlegur að hann er að deyja! Hann kann kannski að compósera ramma og velja áhugaverð sjónarhorn en tímasetning hans, margar ákvarðanir og hvernig hann klippir þær… þetta er allt saman hræðilegt. Eina ástæðan fyrir vinsældum hans er einhver ömurlegur brandari, þ.e. Vinnie Jones. Þessi nýja “ubersvala” breska stjarna er ennþá ömurlegri en Ritchie. Sáuði hann í Gone in 60 Seconds? Ég held að ég hafi aldrei á ævi minni orðið vitni að jafnaumkunarverðri frammistöðu á ævi minni. Og svo þessi nýja pæling að allar erlendar myndir séu betri en amerískar myndir - pælingin sem ég tel að liggi að baki vinsældum Ritchies - fer líka ofsalega í taugarnar á mér. Þetta er auðvitað oft rétt en ekki alltaf. Ekki halda það að allar erlendar myndir séu betri en amerískar myndir - það er einfaldlega ekki rétt. Gott, nýlegt dæmi er Yamakasi sem er ömurleg mynd, skrifuð af - hey! - Luc Besson. Snatch er annað dæmi. Hún er kannski bara bresk en það er alveg nóg fyrir wannabe-kúltúristana; hún er a.m.k. ekki frá USA og þá hlýtur hún að vera góð. Og svo talar Brad Pitt skringilega í henni. hahahaha. Hann er svo góður leikari… GUÐ MINN ALMÁTTUGUR! Tilgerðin og sjálfsblekkingin sem liggur að baki þessum skoðunum er mér ofviða. Ég get ekki orða bundist lengur. Þetta verður að hætta. Guy Ritchie er ÖMURLEGUR. Hann er HRYLLILEGA ÖMURLEGUR! Og breska “nýbylgjan?” Hvað er það núna? Bresku nýbylgjunni lauk með Trainspotting, sem var mjög góð. Þessi “nýbylgja” sem við erum að sjá núna eru allt afsprengi Tarantinos - þetta eru breskar wannabe Tarantinomyndir, og ekki einu sinni það lengur: Núna eru þetta breskar wannabe Guy Ritchiemyndir sem er verra. Þetta eru 3rd generation wannabemyndir, ég hef það á tilfinningunni að bandaríska unglingahrollvekjutímabilið sem átti sér stað á níunda áratugnum sé að fara að endurtaka sig og nú með breskum krimmamyndum þar sem allir eru óheppnir, ljótir og það eru ofsalega fyndið. Eftir 10 ár á fólk eftir að horfa til baka og hata þessar myndir - horfa á þær aftur og sjá það sem fólk sem horfir á Friday the 13th Part 2 aftur eftir 10 ár sér, þ.e. ÖMURLEGLEIKA OG VIBBA! Og hana nú!

Vá… ég ætlaði ekki að, svo að ég noti nú Ritchie-frasa, verða svona “emotional”, en þetta er eitthvað sem ég hef lengi þolað illa og varð bara að koma frá mér. Jæja, sendið mér nú öll hatursbréfin.

Fyrra álit

[Notanda eytt] fyrir 23 árum

Eot, þó ég hafi ekki verið sammála með allt er ég alveg sammála með Guy Ritchie, mér fannst Lock, Stock… góð en Snatch var bara endurtekning á henni. Nema verri gerð á alla staði.

Fyrra álit

Swarez fyrir 23 árum

Kiddo.
Quentin Tarnatino hefur bara leikstýrt þremur myndum. Reservoir Dogs, Pulp Fiction og Jackie Brown. Allar hinar myndirnar sem þú nefndir hefur hann annað hvort skrifað eða framleitt, fyrir utan kaflan sem hann leikstýrði í Four Rooms. Næst þegar þú ætlar að “koma þessu á hreint” vertu þá viss um að “vitneskjan” þín sé ekki algjört kajftæði.
Guy Ritchie er mjög góður leikstjóri, báðar myndirnar hans hafa sannað það, plús BMW stuttmyndin sem hann gerði. Ef þið ásakið hann um að gera sömu hlutina tvisvar hvað með Daren Arnonowsky? Ef þið hafið séð Pi og Requiem for a dream þá vitið þið hvað ég er að tala um.

Fyrra álit

Kiddo fyrir 23 árum

óþarfi að bíta og brjálast(hvað sem það þýðir)
En eins og ég tók fram er ég engin kvikmyndaexpert. En ég er nokkuð viss um þessa mynd með spænsku stelpunni, hún hét jú curdled eða eitthvað eins og lovisa sagði… og hann leikstýrði víst From Dusk til Dawn, annars skal ég éta hattinn minn… ég minnist þess samt ekki að hafa drullað yfir guy ritchie, svo taktu því bara rólega félagi, ég var ekkert að sækjast eftir einhverju bulli.

- Kiddó

Fyrra álit

[Notanda eytt] fyrir 23 árum

Nei, hann leikstýrir ekki From Dusk till Dawn.

Fyrra álit

eot fyrir 23 árum

Kiddo: Ég get LOFAÐ þér því að Tarantino leikstýrði hvorki From Dusk Till Dawn né Curdled.

Hann LÉK og SKRIFAÐI From Dusk…

Hann FRAMLEIDDI Curdled.

Robert Rodriguez leikstýrði From Dusk Till Dawn og Reb Braddock leikstýrði Curdled.

Ef þú trúir okkur ekki farðu þá á imdb.com og flettu því upp, eða horfðu á creditlistana á myndunum…

Fyrra álit

Laggs fyrir 23 árum

Spielberg er snillingur, án efa sá besti í Hollywood í DAG. Nokkrar ástæður: Jaws, Close Encounters, E.T., Indiana Jones, Jurassic Park, Saving Private Ryan, A.I.
Því miður hef ég ekki séð allar Spielberg myndirnar eins og hann “vinur” minn IndyJones. Ég ÞARF að sjá þær allar.

kveðja,
Jonsi

PS. já og endilega kíkiði á Bleika fílinn á síðunni minni hér á huga, það hafa kannski ekki allir húmor fyrir þessu og þeir eiga þá bara ekkert að vera að commenta um Bleika fílinn! Þetta er framhaldssaga og eru fyrstu 2 kaflarnir komnir.

takk fyrir,
Jonsi

Fyrra álit

Kiddo fyrir 22 árum, 12 mánuðum

Þá verð ég bara að biðjast afsökunar á fávisku minni ;)
Kemur ekki fyrir aftur lofa því, jæja ég er farinn að borða vissan hatt…

- Kiddó

Fyrra álit

Swarez fyrir 23 árum

Villtu franskar með hattinum þínum?

Robert Rodriguez leikstýrði Dusk og Reb Braddock leikstýrði Curdled.
Ég var ekki að skjóta á þig með Guy Ritchie.

Fyrra álit

cyrez fyrir 23 árum

Tarantino er yfirburðar leikstjóri

Fyrra álit

Gandalfur fyrir 23 árum

Ég er sammála þér að mestu leyti. Valdi sjálfur Kubrick. Annars snýst þetta alltaf um persónulegt mat. Svo finnst mér nú varla hægt að gera svona könnun. Það verða alltaf einhver nöfn útundan og þá verður einhver ekki ánægður með könnunina.

Fyrra álit

ingiber fyrir 23 árum

Þú segir að Guy Ritchie sé ofmetnasti leikstjórinn, það er bara kjaftæði. Þó svo að þér finnist snatch leiðinleg, þá hefur það ekkert með leikstjórnina að gera. Myndin er snilldarlega vel leikstýrð, hversu erfitt heldurur að það sé að leikstýra þessari mynd og lock, stock and two smoking barrels? Þú kannski fílaðir bara ekki handritið, eða kannski fannst þér sagan ganga of hratt í myndinni, en þannig er sagan skrifuð og þannig kemur leikstjórinn sögunni á framfæri. Þetta fannst þér kannski bara leiðinlegt við myndina en ekki segja að hann sé lélegur.
Gott dæmi um Ang Lee, ég get ekki hugsað mér að horfa á sense and sensebility, því ég fíla ekki svona ástarmyndir, en myndin er samt ekkert illa leikstýrð. Oft er það bara sagan/handritið sem er leiðinlegt, höfðar kannski ekkert til manns, og þá þýðir ekkert að kenna leikstjóranum um það, því það er ekki alltaf leikstjórinn sem skrifa handritið.

“When seagulls follow the trawler, it is because they think that sardines will be thrown into the sea.” - Eric Cantona

Fyrra álit

eot fyrir 23 árum

Um hvað ertu að tala? Það sem ég þoldi ekki við Snatch var einmitt leikstjórnin. Hún var viðbjóðsleg og ekki mönnum bjóðandi. Hins vegar var sagan líka léleg. Það að sagan hafi verið sögð hratt fór ekki í taugarnar á mér - í Moulin Rouge er sagan sögð á ljóshraða og það virkar mjög vel - það sem fór í taugarnar á mér við söguna í Snatch var að sagan var svo ómerkileg og léleg. Mér fannst þetta leiðinlegt við myndina og ég ætla svo sannarlega að segja að hann sé lélegur.

Fyrra álit

Kiddo fyrir 23 árum

Ég er enginn kvikmyndaexpert en ég held að Quentin Tarantino hafi leikstýrt fleiri en bara 3 myndum.

From Dusk til Dawn 1,2 og 3
Four rooms
Reservoir Dogs
Einhver mynd um spænska stelpu sem vill drepa fólk, man ekki hvað hún hét samt…
Og auðvitað my personal favourite: Pulp Fiction.

Vill ekki vera að kvarta og kveina bara koma þessu á hreint… :)

- Kiddó

Fyrra álit

lovisa fyrir 23 árum

þessi um spænsku stelpuna hét hún ekki curdled :) ég held það….eitthvað svoleiðis allaveganna…

Fyrra álit

[Notanda eytt] fyrir 23 árum

Kevin Smith!

Hættiði þessu helvítis væli alltaf. Sá sem gerði könnunina sagði nöfnin sem að hann fílaði. Það búa yfir 300hundruðþúsundmanns á þessu skeri.. ef að þið getið ekki haldið vatni yfir því að fólk sé með mismunandi kvikmyndasmekk, leikstjórasmekk, þá getiði einfaldlega hoppað uppí næstu flugvél til hollywood og farið að elska Michael Bay ásamt öllum hálvitunum þar.

Rúnki

Fyrra álit

axiom fyrir 23 árum

Ég vill ekki vera að kvarta og kveina heldur en Tarantino gerði að ég held bara handritið fyrir fyrstu From Dusk Till Dawn myndina, Four Rooms voru 4 stuttmyndir og hann leikstýrði vissulega einni þeirra, hann framleiddi held ég bara Curdled og þú gleymdir Jackie Brown.

Bara að koma þessu á hrein…:)

Fyrra álit

cactuz fyrir 23 árum

Mig langaði að skjóta aðeins inn hér öðrum nýliða sem er að gera góða hluti. Hann heitir Paul Thomas Anderson(Hard Eight,Boogie Nights og Magnolia) annars er David Fincher alltaf uppáhaldið mitt. Þið eruð líka að gleyma meistara Tim Burton þrátt fyrir að Apaplánetan hans var ekkert til að hrópa húrra yfir þá á hann samt margar snilldarmyndir.

Fyrra álit

lilbitch fyrir 23 árum

Slappaðu aðeins af vinur minn, þetta er bara álitsmál hver er besti leikstjórin, leikarinn og myndin. Ef þú hefur svo mikla skoðun á þessu máli búðu þá sjálfur til skoðanakönnun.

Þess má geta að ég er ekki kynþáttahatari, ég hata alla jafnt.

Fyrra álit

TheCure fyrir 23 árum

Tim Burton!!!!

Fyrra álit

Gud fyrir 23 árum

Af hverju ertu með Soderbergh sem nýliða???
Sex,lies and Videotypes!(89). ´

Og hvað í andskotanum finnst þér Kathryn Bigelow
hafa afrekað?? uhhh, leikstýra Ingvari ??

Og hvað Pedro Almodóvar??

Eða Mike Nichols( Catch 22)??

John Singleton!! Hughes Hermanos!!

Y más otros!!

Fyrra álit

eot fyrir 23 árum

Soderbergh, þrátt fyrir að hafa komist á kortið fyrir 12 árum, tók sér soldið langa pásu og varð svo frægur aftur. Soderberghinn sem við erum að sjá núna - þ.e. Out of Sight-, Erin Brockovich-, Traffic-, osfrv.-Soderberghinn er alls ekki sá sami og árið 1989.

Að kalla hann nýliða er kannski rangt, en hann er bara nýbyrjaður að lofa góðu. Rétt eins og Baz Luhrmann sem kom fyrst á sjónarsviðið 92-93 en er bara núna nýverið byrjaður að fá einhverja virðingu.

Hvað hefur Kathryn Bigelow gert? Near Dark, Point Break, Strange Days… Allt eru þetta snilldarmyndir, þá sérstaklega Strange Days sem er með betri spennumyndum sem ég hef séð. Ég er hvorki búinn að sjá The Weight of Water né K:19, en þær lofa báðar góðu. Að setja hana á þennan lista var smá sjálfselska af minni hálfu en hún á samt betur við en flestir þeir sem voru á listanum.

Ef þú skilur ekki af hverju Mike Leigh er þarna þá skil ég ekki hvað þú ert að gera á þessari umræðu.

Pedro Almodóvar er líka einhver sem ég mundi setja á þennan lista, ég gleymdi honum bara í hita leiksins.

Mér finnst John Singleton ekki eiga skilið plássið og ég hef ekki hugmynd um hver Hughes Hermanos er.

Fyrra álit

Gud fyrir 23 árum

Ég var nú ekkert að skrifa um Mike Leigh!!!
Mike Nichols, sem gert hefur Catch 22,the Graduate og Who´s Afraid of Virgina Woolf ofl.

Og hvað hefur á móti Singleton??

Þér hættir til að hallmæla einstaklingum sem þér hafið augljóslega hefur ekki mikla þekkingu á. Þér alhæfir all nokkuð og það ku sýna svo ekki verður um villzt hverzu mikið þjóðfífl, þér eruð í raun. Takið yður saman í andlitinu ellegar þér eigi á hættu að líta út líkt og fávís lafsi.

Fyrra álit

eot fyrir 23 árum

Ha? Hahaha! Góði Guð, þú ert alveg æðislegur.

Ég hef ekkert á móti Singleton, per se, en hann er ekki með betri leikstjórum allra tíma, því miður. Og fyrirgefðu Leigh/Nichols mistökin - ég er ekki mikill aðdáandi Mike Nichols en hann má svosem alveg vera á þessum lista.

Og hvenær hef ég hallmælt einstaklingum sem ég hef (augljóslega) ekki mikla þekkingu á? Ég vil svo sannarlega fá að vita það.

Í sambandi við alhæfingar mínar: Allar þessar alhæfingar tengjast persónulegum skoðunum mínum, s.s. Guy Ritchie er fífl. Mér finnst það en ég ætla ekki að byrja að skrifa “mér finnst að…” fyrir framan allar persónulegar skoðanir mínar. Ef þú hefur sterka skoðun á einhverju þá áttu ekki að fela þær eða veikja þær með sleikjuhætti eins og “mér finnst” o.s.frv. setningum fyrir framan.

Ég hef líka mjög gaman af því að ég skuli vera þjóðfífl fyrir það eitt að alhæfa. Þjóðfífl er ég máski en ef ástæðan er alhæfing þá er ég hræddur um, minn kæri vin, að þú hafir fallið ofan í sömu gryfju með þessum orðum þínum.

Þá verðum við bara þjóðfífl saman, hvað svo sem það þýðir!

Fyrra álit

Kvikmyndir

Kvikmyndir

Ofurhugar

Stjórnendur

Hverjir eru inni

Greinar

Skoðanakönnunin "Hver er besti leikstjórinn".

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi