Bruce Campbell er mörgum vel kunnur, enda gerði hann garðinn frægann í Evil Dead 2, sem að allir þekkja og elska. Allaveganna vinir mínir, enda lét ég þá horfa á hana. Var þeirri mynd leikstýrt af Sam Raimi, en Bruce Campbell uppgötvaði hann í “High School” og kynnti hann fyrir góðvini sínum Scott Tabert.

Gerðu þeir mikið af stuttmyndum, og lék Bruce alltaf aðalhlutverkið, þar sem hann var fjallmyndarlegur kvennaljómi, sem fáar stúlkur gátu staðist. Fannst Bruce það góð tilbreyting, þar sem aðeins nokkrum árum áður hafði hann borgað ungri telpu peninga fyrir að fá að þukla á brjóstum. Var þetta góð breyting þar sem allt hans fé fór í kvikmyndum á menntaskóla árunum. Eftir menntaskólann gerði Sam og Rob stuttmynd sem fékk mikið lof, og sannfærði Bruce þá báða um að það að gera heila kvikmynd, hryllingsmynd. Gerðu þeir tvær prufur, Super 8 mm mynd um gaur sem hrellti konu innandyra, sem leit út á 32mm filmu sem að hún hefði verið skotin í Snjóstormi.

Seinni myndin var Into the Woods, sem var nokkurnveginn forsmekkur af Evil Dead. Mörg sömu þemun og aðstæður komu fyrir, nema í þetta skiptið var indjánagrafreit kennt um í stað ritsins Necronomicon og Candarínskra djöfla.

Seinna fóru þeir svo út í skóg og tóku upp Evil Dead með alvöru leikurum sem voru reknir úr Film Actors Guild fyrir að vinna fyrir minna en lágmarkslaun. Heppnaðist myndin svo vel samt, að á aðeins þrem árum borgaði hún sig upp, og komu kappar út á sléttu og gátu endurgreitt fjárfestunum.

Við klippinguna á Evil Dead kynntist Sam Raimi Coen bræðrunum, og ákváðu þeir saman að gera hina þekktu mynd Crimewave, líkaði Bruce Campbell ekki við myndina, en gerði sem greiða við Sam, enda sá hann mikla hæfileika í unga drengnum. Myndinni var illa tekið og kom flestum á óvart, en ekki Bruce.

Sannfærði Bruce vini sína í framhaldi þess að nú væri góð hugmynd að gera framhald af Evil Dead, þar sem hann fengi tvær stúlkur og vélsagarhönd. Í fyrstu var Sam efins en Bruce gaf sig hvergi og innan hálfs árs voru þeir aftur komnir út í skóg. Nema annann skóg.

Varð sú mynd jafnvel vinsælli og borgaði sig líka upp þannig þeir komu út á sléttu, fylgdi Bruce þeirri mynd eftir sem Jack Forrest í smellinum Maniac Cop þar sem hann barðist við ódauðann Robert Z'Dar, þrátt fyrir tilraunir lögreglustjórans Shaft (Richard Roundtree). Eignaðist Bruce þar fáa vini, enda var hann drykkfeldur á því tímabili og lennti í eitt skipti í slagsmálum við Robert Z'Dar á setti, eftir það var reynt að halda honum aðskildum frá öðrum leikurum, jafnvel á meðan tökum stóð.

Þrátt fyrir lélega hegðun á tökustað, flaug ferillinn hans af stað, og lék Bruce í fjölda allra mynda, skyldi við konuna sína og giftist aftur áður en hann ákvað að Ash kallinn úr Evil Dead þyrfti að láta sjá sig aftur. Samþykkti hann fimm sekúndna hlutverk án nokkurra lína í Darkman til að koma framleiðslu Evil Dead 3 af stað. Þróaðist nafnið á þeirri mynd fljótt yfir í Bruce Campbell vs. Army of Darkness, tökur tóku skammann tíma, lærði Bruce skylmingar og hestreiðar undur snöggt og fullkomnaði loks listina að berjast við sjálfan sig. Er þessi mynd oft ekki talin vera jafn góð og Evil Dead 2, en það er bara því hún er það ekki.

Eftir Army of Darkness, hægði Bruce á sér, og fór að leika í sjónvarpi að mestu, lék kúrekann Brisco County Jr., birtist í annarri Coen bræðra mynd sem að heppnaðist betur, enda hlustuðu þeir á leiðbeiningar Bruce meðan á tökum stóð.

Stuttu seinna byrjaði Sam að skjóta kúreka mynd sína, og ákvað Bruce að koma í heimsókn, hafði hann enn og aftur fallið á flöskuna góðu sem hafði eyðilagt fyrsta hjónabandið og endaði í slag við Pat Hingle, sem lék Horace kráareigandann. Þurfti Sam að láta öryggisverði fylgja vini sínum út af settinu. Tók Bruce sig virkilega til í andlitinu eftir þetta atvik. Lék hann í ýmsum myndum og þáttum, en voru þeir að mestu ómerkilegir miðað við fyrri störf.

Árið 2002 sýndi hann hinsvegar heimsbyggðinni aftur, hversu máttugur leikari hann er, en hafði hann dregið Don Coscarelli með sér af AA fundi og aftur á bak við myndavél. Gerðu þeir litla mynd um Elvis að berjast við Múmíu með hjálp frá John Fitzgerald Kennedy, sem hafði verið málaður svartur, byggt á hinni frábæru smásögu Joe R. Lansdale úr Writer of the Purple Rage. (Coscarelli gerði aðra mynd fyrir Masters of Horror byggt á On and Off a Mountain Road, úr sömu bók) Sýndi Bruce að hann gæti auðveldlega leikið gamlan karl með krabbamein á typpinu. Sýndi hinn sálugi Ossie Davis Jr. líka hvers hans var megnugur jafnvel rétt áður en hann rann út.

Hefur Bruce Campbell einnig gefið út tvær metsölubækur, If Chins Could Kill, Confessions of a B-Movie Actor, sjálfsævisaga og einnig framhaldið Make Love the Bruce Campbell way.