Góðan og blessaðan!

Sem starfsmaður í Smárabíó langar mig að segja eitt vegna ásakanna um viðvaningshátt hér í umræðum á huga. Kvikmyndahúsið er svo þróað og nýtískulegt að það verður að minnsta kosti að gefa því tvær vikur til að fara að keyra smurt, ekkert annað bíó er með græjur í líkingu við það sem er í Smárabíó. Sýningarvélarnar eru gríðarlega magnaðar að sjá og myndi hver sem sæji þetta skilja hversu erfitt það er að læra 100% á þetta. Allt bíóið á að verða sjálfvirkt að lokum en eins og er er ekkert sjálfvirkt og þarf því sýningarstjórinn að muna fáránlega marga hluti á stuttum tíma eins og með ljósin sem einhver var að rövla yfir hér… og varðandi reykingarnar þá er bara einfaldlega orðið erfiðara um vik fyrir reykingamenn að fá athvarf fyrir þennan ósið og leyfi mér nú að efa að viðbrögðin hafi verið eins og einn notandinn vill meina. Ég var að vinna umrætt kvöld og sá ég þessi viðskipti ekki fara fram.
Meira segja starfsfólkið er þróað og nýtískulegt! ;)

Góða skemmtun í framtíðinni gott fólk!
Verið velkomin í Smárabíó!
don