Afsakið, SBS, ég vildi bara verja hann sphinx hérna aðeins. Silence of the Lambs er ekki framhald af Manhunter, ekki nema þá alveg ótrúlega óskilt og sjálfstætt framhald. Málið er bara það að Silence var gerð sem sjálfstæð mynd, hún átti aldrei að verða neitt framhald og var ekki gerð sem slík. Þó svo að sömu persónur séu í tveimur eða fleiri mismunandi myndum, þá þýðir það ekki að myndirnar séu framhaldsmyndir. Ekki ætlar þú að halda því fram að Jackie Brown og Out of Sight séu framhaldsmyndir þó svo að Michael Keaton leiki sömu persónuna í báðum myndunum? Ég geri mér grein fyrir því að Hannibal Lecter leiki stærra hlutverk í öllum þremur Harris-bókunum, en Silence of the Lambs er svo sannarlega ekki framhald af Manhunter. Hún er það sem ég mundi kalla áframhald, eða continuation, en í kvikmyndalegum skilning er hún ekki það sem kallast “sequel”. Samkvæmt “The Complete Film Dictionary” eftir Ira Koningsberg er framhaldsmynd kvikmynd sem heldur áfram að segja sögu persónu eða persóna úr annarri mynd. Silence of the Lambs heldur ekki áfram með sögu Hannibals Lecter, í Silence er aldrei minnst á atburðina úr Manhunter og þess vegna rýfur hún öll tengsl við þennan svokallaða “forvera”. Bókin var framhald, myndin var það ekki - hún er byggð á allt öðrum forsendum. Jay and Silent Bob dæmið sem sphinx tók hér áður er einmitt gott dæmi um þetta. Persónurnar Jay og Silent Bob hafa verið í öllum myndum Kevin Smith en ekki er hægt að kalla þær framhaldsmyndir. Nenni ekki að skrifa meir, ef þú ert ekki sammála þessu láttu mig þá vita og ég skal grafa þig niður með kvikmyndafræðilegum hugtökum og allskonar leiðinlegum staðreyndum!