Ég hafði heyrt mikið af slæmum hlutum um þessa mynd áður en ég sá hana en ég ákvað að blása á þá gagnrýni og fara á hana í gær. Leikstjóri er enginn annar en snillingurinn Tim Burton, sem að hefur gert margar myndir góðar.

Myndin fjallar um ungan flugmann (Mark Whalberg) sem að vinnur aðallega með simpansanum sínum að hinum ýmsu verkefnum, en á þessum tíma sem myndin gerist eru apar þjálfaðir til þess að gera mörg flókin verkefni eins og að fljúga litlum geimförum. Áhöfn skipsins sem hann flýgur á fer að óttast rafeindastorm sem að óðfluga vex, og ákveða því að senda út einn simpansa til þess að taka skönnun af honum. Því miður lendir simpansinn í óhappi og flugmaðurinn fer á eftir honum, með þeim afleiðingum að hann lendir í einhvers konar tímasvelg og brotlendir á óþekktri plánetu þar sem hann er tekinn af greindum öpum ásamt hóp annara manna.

Ég ætla kannski ekki að fara út í tæknilegu atriðin, en ég ætla samt að gefa henni einkunn, þ.e. 75% fyrir að vera svona gríðarlega óvenjuleg, hún minnir mann á önnur verk hans Tim Burtons :)