Mér finnst þessi mynd einmitt alveg stórfín. Mig grunar að ástæðan fyrir því að hún hlýtur slæmt umtal tengist vinsældum “the sixth sense”

Þ.e. vinsældir sixth sense drógu inn vitlausan markhóp á Unbreakable. Segjum sem svo að einhver frekar óþekktur leikstjóri hefði gert myndina, hefði hún líklega hlotið lof kvikmyndaáhugamanna, verið sýnd á kvikmyndahátíðum, þótt frumleg og svo framvegis, en aftur á móti hefðu miklu færri borgað sig inn á hana. En ‘Unbreakable’ fékk markaðsetningu sem einhverkonar ‘blockbuster’ og gat engan vegin staðið undir því.

Líkleg ástæða fyrir því að hún höfðaði ekki til fjöldans gæti verið að hún leggur svo mikla áherslu á persónusköpun á kostnað hraða og keyrslu. Ef Hollywood-maskínan hefði komist með puttana í myndina væri líklegt að fyrstu tíu mínúturnar hefðu farið í að kynna Jackson og Willis og svo væri restin digital tæknibrellur þar sem Willis myndi slást við fólk upp á húsþökum, fljúgandi eins og einhver Matrix hálfviti, hangandi í þyrlum, myndin væri öll í björtum litum og endirinn væri ‘showdown’ milli krafta Willis vs. snilli Jackson, og hver hefur ekki séð það áður?

Ég fagna kvikmyndagerð Shyamalan (þó svo að the Village sé ömurleg) vegna þess að hann leggur einmitt svo mikla áherslu á góða persónusköpun. Áhorfandinn fær samúð með persónunum. Það eru myndirnar sem sitja eftir, hinu gleymir maður um leið og ljósin kvikna.

Fyrst þegar ég sá þessa mynd varð hún strax uppáhaldsmyndin mín. Þegar ég tók hana upp þegar hún var í sjónvarpinu fannst mér hún enn betri.
Skil ekki af hverju fólk kallar hana lélega… En eins og þú sagðir pældi ég mikið þegar ég horfði á þessa mynd í annað til þriðja skiptið. En já, bara góð mynd :)

Ég horfði á myndina og mér finnst hún helvíti góð bara, ég pæli rooosalega mikið í bíómyndum og eyði stundum hálfri nóttunni í að hugsa um hitt og þetta atriðið, og ég hélt akkúrat áfram að hugsa um þessa mynd..Mér fannst endirinn samt svona, koma án þess að maður vissi, mér fannst hún voðalega endalaus einhvern veginn, en samt frábær mynd :)

Ég skrifaði einmitt um allar Symalan myndirnar hér á kvikmyndir í september og mér finnst Unbreakable eiginlega besta myndin hans. Sixth Sense og Signs eru jafngóðar þó. En mér fannst Village mjög slöpp.

Mér finnst Unbreakable alveg ágætis mynd og er ósammála um að hún sé versta mynd Shamalyans(?) því Signs er alveg hryllilga léleg mynd. Allir leikarar ýkja hlutina svo ógeðslega og allt á að vera svo óvænt að það er óþolandi.

Myndin finnst mér fín….

þegar ég sá trailerinn úr myndinni var ég í bíó í Frakklandi (að horfa á Fellowship of the Ring með frönskum texta)
þar heyrði ég Bruce Wilis og töffarann Samuel L. Jackson mæla á frönsku…
vakti það ómælda kátinu og hlátur meðal okkar Íslendinga.
Fransmennirnir litu á okkur líkt og þroskahefta.

en aftur að myndinni.
Hún er voðalega þung í áhorfi og sumt fólk verður eflaust þreytt á að horfa á hana. Sagan er fín og hugmyndin frábær.
Bruce Willis vann sér inn stig hjá mér með þessari mynd.
Samuel var líka fínn.

Mér finnst þessi mynd snilld og eitt af mínum uppáhalds atriðum í kvikmyndasögum er þegar hann er að lyfta. Mér fynst þessi mynd frábær og þetta er ekki bersta myndin hans.

Mér fannst myndin fín en ekki nálægt Sixth Sense að gæðum, kemst þá kannski aðeins nær Signs.

Annars fannt mér byrjun myndarinnar frábær, svona fyrsti hálftíminn. Þegar myndin var um það bil hálfnuð fannst mér myndin vera farin að taka sig óþarflega alvarlega. Endirinn var einnig flottur og kannski fyrirsjáanlegur en kom þó líklega einhverjum á óvart.

3/4

Hef ekki séð The Village.

Ég er persónulega mjög ósáttur við viðtökurnar sem myndin fékk. Eins og einhver sagði í svari sínu, fólk var að búast við Sixth Sense og gerir það enn og það kemur bara niður á myndunum hans en þetta er ekki sú umræða.

Sjálfur er ég fremur mikið fyrir bíómyndir og ofurhetjur. Ég held því mikið upp á þessa mynd þar sem að M. Night Shyamalan er í þessari mynd að gera nýja ofurhetju. Ósköp hversdagslegur maður fær lífi sínu snúið við þegar hann kemst að því að hann hefur ofurhetjukrafta.

Það var upphaflega hugmyndin hjá M. Night Shyamalan að gera þetta að “trílógíunni sinni”. Myndirnar áttu að heita og fjalla í meginatriðum um:
Unbreakable - Upphaf ofurhetjunnar, hetjan rannsakar krafta sína, erkióvinurinn kynntur og baráttan hefst. Ofurhetjan ekki enn búinn að sætta sig við ofurhetjuhlutverkið.
Breakable - Ris sögunnar (ofurhetjunnar), baráttan stendur sem hæst, erkióvinurinn hrindir af stað illri áætlun. Hetjan er neydd út í ofurhetjuhlutverkið.
Broken - Lok ofurhetjunnar. Erkióvinurinn gefst upp, hetjan dregur sig til baka og hættir ofurmennisleiknum, líklegast eitthvað stórvægilegt sem veldur því

Eins og sjá má á þessu átti Unbreakable upphaflega bara að vera kynning á ofurhetjunni… en sökum daprar gagnrýni neyddist M. Night Shyamalan að hætta við þennan draum sinn um trílógíu og reyna að framkalla sjokkerandi mynd í stíl við Sixth Sense því það er það sem áhorfendurnir vilja fá…

Ég er mjög ósáttur… ég hefði viljað sjá þessa trílógíu í heild sinni…

Mér finnst þetta frábær mynd og bara vissi ekki að hún væri talin versta mynd hans Shyamalans.
Mér t.d. finnst Sign mun verri þó að hún sé frábær. Enn já það er alveg örugglega til andstæðan við svona veikburða einstaklinga.

já, mér finnst einmitt Sixth Sense og Unbrakeable betri. Var bara búinn að heyra alltof mikið um Signs og Village, mér fannst trailerarnir segja of mikið þar sem hadritin eru frekar þunn (samt vel unnið með þau). Svo þær voru undir mínum miklu væntingum.

Nennir einhver að segja mér hvað er svona boðskapurinn og það “sniðuga” í Sign? Er það ekki bara “Það gerist ekkert af tilviljun” ?

Já, ég er einmitt mjög sammála þér. Mér finnst þessi mynd bara fjandi góð. Mun betri en Signs, sem mér finnst ekkert sérstök og svo á svipuðu róli og Sixth Sence. The Village á ég eftir að sjá. Vona samt að Shaylaman taki sér eitthvað aðeins ´öðruvísi´ fyrir næst, gaman að sjá hvernig honum tækist til með það.