Það ættu allir að kannast við Rottweiler sem er skipuð BlazRoca(Erpur Eyvindarson), Bent(Ágúst Bent Sigbertsson), Þossi(Þorsteinn Lár Ragnarsson), Lúlli(Lúðvík Páll Lúðvíksson) Dj Gummó(Eiríkur Ragnarsson, sem er hættur að ég held), og Rottweiler hundar voru að gefa út DVD disk þarsem hægt er að sjá ýmislegt sem þeir hafa gert um árin frá útkomu samnefndrar plötu sem fór í platínum.

Heimildarmyndin sýnir feril þeirra frá byrjun þegar þeir unnu músíktilraunir að útgáfu Þú Skuldar. Í myndinni lýsir Þossi því þegar hann er að kúka, þeir eru að lýsa hversu góðar fyrirmyndir þeir eru(sést best þegar Á móti sól gaurarnir eru að taka flipp), stofnun xxxR, þeir hringja í Gísla(who?) sem “Fokking skuldar” og margt fleira. Erpur talar undir og það er einsog Johnny naz sé mættur því maður getur fátt annað en hlegið af þessu.

Aukaefni disksins er mjög hressandi. Þar er frjálst flæði þar sem að ýmsir rapparar láta flæða og það er mjög skemmtilegt, m.a. Dóri DNA, djöbblasýra er mjög hressandi þar sem að hundarnir eru í flugvél að taka mynd af rassinum á flugfreyju, Blaz og Bent eru úti að fokka í þjóðverja að þeir heiti Gay Thugs on Drugs og svona, og Erpur er að taka sýrukast með flösku af einhverjum sora. Síðast en ekki síst er málið útí Eyjum þarsem Árni Johnsen og Rottweiler eru að rífast, þegar Árni kippir programminu þeirra úr sambandi.

Svo er líka saga Rottweiler á disknum og myndböndin við:

Af xxxR:
Sönn íslensk sakamál - myndbandið sem var bannað í sjónvarpi, hresst
Bent Nálgast - hresst lag
XXX - ásamt Omar Suarez.

Af Þú skuldar
Drekk alla undir borðið - Rónar í góðum fíling
Rabies Canis - Hressandi, lagið sem er á Rímnamín, en samt ekki myndbandið sem var sýnt í sjónvarpi
Blautt malbik í Reykjavík - Ron Jeremy leikur í myndbandinu og Ron og Erpur eru að “leika” í Jizzmaster 3, og þetta myndband var líka bannað.

Annað:
Feilnóta - Úr myndinni 1. Apríll, og þetta er Drum and bass lag sem erpur er að fíla sig með. Hresst

Þessi diskur er algjör snilld, og allir sem fíla Rottweiler fari út í BT og kaupi diskinn.
***** af *****