Þessa mynd hefur mig lengi langað að sjá. Hvar fékkstu hana, á leigu?

Væri ekki bara mál að Bíó Reykjavík smelli Welles Maraþoni á? :)

Byrjar á Citizen Kane, svo yfir í Magnificent Ambersons o.s.fr. Ég mæti!

Þetta er klassísk mynd þrátt fyrir ótrúlega bjánalegt leikaraval. Þar fer fremstur í flokki Charlton Heston sem er hlægilegur í dökkum farða að leika mexíkana. Charlton er fínn á sínu þrönga sviði en þarna er hann sem sagt hlægilegur en það er hægt að venjast honum. Sama má segja um Betty Davis sem sígaunakonu. Það vantaði bara Marlon Brando að leika svartan mann. Þess má geta að Heston var einmitt nýlega valinn ofarlega á lista yfir versta og ótrúverðugasta hreim í kvikmynd fyrir einmitt arfaslaka mexíkanska hreimin sinn.

En þetta er aukaatriði. Aðalatriðið er að þetta er frábær noir mynd með öllu tilheyrandi morði, spillingu og óþverra. Orson Welles er stórkostlegur sem fordómafullur og spilltur lögreglutuddi. En þessi karaktersköpun hans lenti í 2 sæti yfir verstu skúrka kvikmyndasögunnar í nýlegri könnun (Svarthöfði var að sjálfsögðu númer 1). Það er skiljanlegt þar sem allt í hans fari er rotið til mergjar, hann er sveittur feitur og drykkfelldur og spillingin hreinlega drýpur af honum.

Kvikmyndatakan er stórkostleg, og nýtur sín sérlega vel í byrjunaratriðinu. Byrjunaratriðið er einmitt eitt flottasta atriði alla tíma. Allt smellur fullkomlega sama. Flæðið í atriðinu er yndislegt, blandað flottri tónlist Henry Mancini. Bjútífúl.

Þú getur líka fengið myndina í Vídeóheimum og Laugarásvídeó.

ÉG verð að sjá þessa. Góð grein og gaman hvernig þú skrifar um myndir á þann hátt að þær verða afar áhugaverðar og spennandi.
það er líka tilgangurinn með greinunum.