Hvað er það sem er svona formúlukennt hjá Spielberg.
Eiga góðir leikstjórar alltaf að vera óskiljanlegir og ná illa til áhorfenda.
Steven Spielberg veit alveg hvað áhorfendur vilja og það er það sem hann gerir.
Þú segir að það verði að gefa Peter Jackson aðeins meiri tíma, ég bara skil ekki afhverju. Hann er búinn að gera nákvæmlega það sama og Coppola en það er að gera ótrúlega þrennu kvikmynda(reyndar er sú þriðja ekki kominn en ég er nær öruggur að hún standist væntingar miðað við að þær voru allar gerðar á sama tíma).
Nefndu mér þessar stórkostlegu myndir, fyrir utan Godfather, sem skera Coppola frá Jackson.
Málið er bara að þú ert svona gaur sem ert of fastur í gömlu tímunum.
Ég segi svo að David Lean hafi ekki gert nógu margar góðar myndir og það eina sem þú segir á móti er:
“David Lean!?!?!? Ertu að grínast? Þú hefur greinilega ekki kynnt þér hann nóg. Hann sendi frá sér 20 myndir og allar eru þær frábær og flestar algjör meistaraverk.”
Þú talar ekkert um hvaða myndir eru svona góðar hjá honum. þú reynri ekkert að sannfæra neinn hérna að þú hafi rétt fyrir þér.
Komdu með annað svar og segðu mér hvaða myndir hjá David Lean eru svona stórkostlegar. Ég bíð bara á meðan.
Nú finnst mér það mín skylda að telja upp þessar góðumyndir sem Spielberg gerði og það geri ég….

Jaws(ótrúlega vel heppnuð mynd sem sló svo eftirminnilega í gegn með einni stærstu sumaropnun allra tíma)

Close encounters of the third Kind(góð mynd með Richard Dreyfuss í aðalhlutverki)

ET(mynd sem sló svo eftirminnilega í gegn. Skildi engann eftir ósnortinn. Hver man ekki eftir fræga atriðinu þegar strákurinn og ET svífa á hjólinu).

Schindler´s List (sannkallað meistaraverk. Þarna sýnir Spielberg að hann getur tekið að sér allskonar myndir. Vel heppnað að hafa myndina svarthvíta.)

Jurassic Park(3 stjörnu mynd. Frábærar tæknibrellur og mjög vel heppnuð mynd þó leikararnir hafi ekki verið framúrskarandi en samt stóðu þeir sig ágætlega.)

Saving Private Ryan(virkilega góð mynd. Spielberg sýnir enn og aftur hversu góður leikstjóri hann er. Með frábæran hóp leikara sem hann teflir vel fram og útkoman sést.)

A.I. (sumum finnst hún góð en öðrum léleg(ég) en hún hefur alveg fengið ágæta dóma hjá þessum dómnefndum en meikaði það ekki hjá almúganum)

Minority Report(ég fíla þessa mynd í tætlur. Þarna tekur hann ekki mikinn séns með leikaraval og velur Tom Cruise en sá sem stal senunni fannst mér vera leikarinn Colin Farrell. Sá er á hraðri uppleið. Myndin er vel gerð og góð í alla kanta. Tæknibrellur frábærar og góður söguþráður. Þeir sem ná ekki þessari mynd hafa bara ekki verið að fylgjast með því þessi mynd er frábær og sýnir hvað Spielberg er frábær.)

Catch Me If You Can(þetta er hreint meistarastykki. Leikstýrir af tærri snilld. Christopher Walken er tilnefndur til Óskarsverðlauna fyrir leik sinn og í fyrsta sinn hef ég gaman af leik Di Caprio. Tom Hanks er svo ávallt traustur í sínu hlutverki. Þessi mynd er algjört must að sjá. Hún hefur farið framhjá frekar mörgum en hérna er á ferðinni mjög góð mynd sem er kannski of löng en sögufléttan er svo skemmtileg að ég held að engum leiðist á þessari mynd.)

kveðja rampage