Ég dreifði spólunni á Laugarásvideo, Videoheima, Sesar Video, James Bönd, Grensásvideo og Tröllavideo. Það er líka hægt að kaupa hana í Videosafnaranum, sem í raun kjörið, þar sem spólurnar þar kosta bara 500 kall.

Það eru myndir þarna eftir unga íslenska kvikmyndagerðarmenn, t.d. Snorra B. Jónsson og Helga Má Erlingsson.

Fyrir þá sem vilja gefa út myndirnar sínar þá er bara um að gera að hafa samband við mig (rokkvi@lagmenning.is) og sýna mér þær. Það eru ekki ennþá nein áform um að gefa út Cult 3, en ef kvikmyndagerðarmenn koma til mín með nógu margar góðar myndir, þá yrði það væntanlega gert eins og skot.

Það er bara alls ekki mér að kenna að það séu svona fáir leikstjórar með myndir á Cult 2. Ég auglýsti eftir myndum, bæði á lágmennning.is og á huga.is þannig að hver sem er gat sent mér myndir.

Ég fékk eina mynd sem er helíti góð, en fékk hana bara of seint. Hún verður þá á Cult 3 ef Cult 3 verður gefin út.

Ég komst í samband við Helga Má Erlingsson og Snorra B. Jónsson í gegnum vini mína og vini vina minna, sem þekktu þá og ég spurði þá hvort þeir ættu góðar myndir á spóluna.

Það er ekki klíkuskapur sem ræður því hvaða myndir fara á Cult spólurnar, því ég er opinn fyrir myndum frá hverjum sem er og ég hef líka hafnað myndum frá vinum eða kunningjum mínum, sem voru annað hvort ekki í réttum stíl fyrir spóluna eða hreinlega of lélegar.

Fólk er bara soldið feimið við að koma til manns með myndirnar að því er virðist vera, en það mun vonandi lagast í framtíðinni - alla vegana er ég búinn að fá eina mynd eins og ég sagði og það er allavegana góð byrjun :)