Ég ætla nú ekki að spá neitt alveg strax. Ennþá slatti í tímabilið og ég ætla að bíða og sjá hvernig sumarleikirnir þróast.

En allaveganna, í sambandið við nýliðana, þá er ég alveg sammála því að Lebron dæmið er ofblásið, en það gerir Lebron ekki að ofmetnum leikmanni. Spurningin er bara hvort hann standist hinar ofblásnu kröfur Cleveland búa, sem eru nú þegar orðnar óraunhæfar. Cleveland sem er gamalt ABA er eitt yngsta, lélegasta og minnsta félag deildarinnar. Cleveland hafa ekki átt leikmann sem þeir geta haldið upp á síðan Brad nokkur Daugherty var uppi með sitt ónýta hné. Núna allt í einu kemur King James eins og himnasending fyrir áhangendur Cleveland sem fyrir nokkrum árum síðan voru örugglega búnir að gleyma því að í Cleveland væri NBA lið.

En pælið aðeins í Cleveland liðinu. Djöfull er það athyglisvert og ótrúlega hæfileikaríkt. Ricky Davis, Lebron, Kevin Ollie, Dajuan Wagner, Darius Miles, Carlos Boozer, Ilgauskas og JR Bremer. Þvílíkt verkefni sem bíður þeirra að búa til spilandi lið úr þessum mönnum/strákum.

En þessi mánuður verður mjög athyglisverður. Mjög margir leikmenn og lið eru ennþá spurningamerki og ég býð spenntur eftir næstu dögum þegar æfingaleikirnar fara að rúlla.