Heimildarritgerð um körfubolta mann og upphaf körfubolta.

tek enga ábyrgð á stafsetningar-, málfars- og innslátarvillum.

einkunn upp á 8.
munið ef þið getið fundið þetta þá getur kennarinn lika gert það(það getur verið slæmt að stela af netinu í framahaldskóla)

Njótið lestursins.





Upphaf körfuboltans
Líf LeBrons var mikið mótað af gjörðum kanadísks manns sem var uppi seint á 19. öld. James Naismith bjó og starfaði í Bandaríkjunum sem kennari. Þegar hann „bjó“ til körfubolta gerði hann ráð fyrir að það væru níu manns í liði því hann kenndi bekk sem innihélt 18 nemendur. Hann ákvað að nota ferskjukörfur sem mörk og setti þær á sitthvorn enda salarins í 3,05 metra hæð og eru þær ennþá í þeirri hæð. Honum fannst líka þurfa reglur eins og í örðum íþróttum og studdist hann við reglur úr ruðningi og örðum íþróttargreinum. Ein af hugmyndum hans var að snerting yrði lítil enda var salurinn lítill og gólfið hart. Hinar reglurnar voru:
1. Það má kasta boltanum í hvaða átt sem er með annað hvort
báðum eða annarri hönd.
2. Það má slá boltann frá í hvaða átt sem er með annað hvort báðum
eða einni hönd, en aldrei með hnefanum.
3. Leikmaður má aldrei hlaupa með boltann. Hann þarf að kasta
honum frá þeim stað sem hann greip hann.
4. Það þarf að halda á boltanum á milli handanna. Handleggurinn eða
líkaminn má ekki vera notaður til þess að halda á honum.
5. Það má ekki ýta, halda, slá eða fella andstæðinginn. Fyrsta brot
leikmanns mun gilda sem villa, annað brot gerir það að verkum að
hann má ekki vera inná þangað til næsta karfa er skoruð. Ef það var
talið að þetta hafi verið gert í þeim tilgangi að meiða þá þarf aðilinn
að sitja út allan leikinn.
6. Villa flokkast undir það að slá boltann með hnefanum, brota á nr. 3
og nr. 4 og síðan það sem talað var um í nr. 5.
7. Ef annað hvort liðið fær á sig þrjár villur í röð, án þess að hitt liðið
fái á sig villu í millitíðinni, þá gildir það sem stig fyrir hitt liðið.
8. Karfa er það þegar boltanum er kastað frá jörðinni inní körfuna
og hann helst þar, hitt liðið má ekki trufla boltann í netinu. Ef
boltinn er á horninu á körfunni og andstæðingarnir færa við honum
þá gildir það sem karfa.
9. Þegar boltinn fer útaf, þá á að kasta honum inn á og fyrsta manneskjan
sem snertir hann á að spila honum. Sá sem kastar honum inná fær
5 sekúndur til þess að gera það. Ef hann tekur lengri tíma en það þá fær
hitt liðið innkastið í staðinn.
10. Tímavörður á að telja villurnar og láta dómarann vita ef það eru
komnar þrjár villur í röð. Hann er dómarinn á leikmennina. Hann getur
dæmt menn úr leik frá því sem sagt er í nr. 5.
11. Dómarinn er dómari á boltann. Hann ákveður hvenær boltinn fer
útaf, hvaða lið á boltann og á að halda tímann. Hann á að ákveða hvenær
karfa var skoruð og telja stigin.
12. Tíminn á leiknum er tvisvar sinnum 15 mínútur með 5 mínútna pásu
á milli.
13. Liðið sem skorar fleiri körfur vinnur leikinn.
Þegar James Naismith var að alast upp í Kanada fór hann oft í leik þar sem hann átti að kasta steini í spýtu og þar fékk hann hugmyndina um að leikmenn þyrftu að skjóta í boga til að hitta í mark, ef leikmenn brutu af sér þurftu þeir að bíða þangað til það var skorað næstu körfu en það gat verið langur tími því oft var ekki skorað nema fjórar til sex körfur í leik. Í reglum hans var líka þannig að allar körfur gáfu eitt stig.
En margt hefur breyst í gegnum tíðina og nokkrar reglur hafa breyst og nýjar komið inn, til dæmis má nefna að það má taka þrjú skref án þess að drippla boltanum en ef þú dripplar boltanum máttu halda áfram að labba eins og þú vilt. Leiktíminn í NBA deildinni er núna 4 sinnum 12 mínútur en ekki 2 sinnum 15 og hefur lengd hvers leiks rúmlega tvöfaldast síðan James ákvað reglurnar.
Vinsældir körfubolta byrjuðu snemma og árið 1896 varð fyrsti háskólaleikurinn, hann var haldin í háskóla í Iowa. Það tók 40 ár þangað til að leikurinn varð að Ólympíuíþrótt og þá varð hann þekktur útum allan heim. Körlum var fyrst veitt heimsmeistaratitill árið 1950 en konum 1953. National Basketball Assoiation oftast kallað NBA-deildin var stofnað árið 1946 og þá tóku ellefu lið þátt í þeirri deild. Nú eru kominn 30 lið sem taka þátt í deildinni.
Atvinnuhættir LeBron Raymone James
En nóg um hann, ég á að vera segja frá öðrum James, körfuboltamanninn James, James sem fæddist þann 30. desember 1984 í Akron í Ohio fylki í Bandaríkjunum. James sem fór í St. Vincent-St.Mary High School sem er kaþólskur einkaskóli sem hleypir inn báðum kynjum og þar eru elstu merki um að hann hafi spilað körfubolta. Sá James fór strax í körfuboltann þegar hann byrjaði í skóla og tók þá góðu ákvörðun að spilaða með körfuboltaliði St. Vincent gangfræðiskólans. Hann var valin þrisvar sinnum „Ohio Mr.Basketball“ fyrst árið 2001 og síðast árið 2003.
En það var ekki bara gaman hjá honum í skólanum því hann tók við gjöfum frá búðinni „NEXT“ og þess vegna þess á fór hann í 2 leikja bann og liðið hans þurfti að gefa frá sér einn leik sem það vann, ef það hefði ekki gerst þá hefði liðið frá St. Vincent-St.Mary High unnið alla sína leiki það tímabil. James kláraði gagnfræðiskólann með 2,657 stig fyrir körfur, 892 „rebounds“ (sem er þegar boltinn kastast til baka í staðinn fyrir að fara hringinn) og 523 „assists“ þegar hann sendi á annan leikmann sem síðan skoraði.
En tíminn breytist og mennirnir með og þegar hann útskrifaðist úr St. Vincent-St.Mary High School fór hann að spila fyrir „Cleveland Cacviliers“ sem er eitt af liðunum sem taka þátt í NBA- deildinni. „The Cleveland Cavaliers“ líka þekktir sem „Cavs“ koma frá Cleveland Ohio.
Þeir eru í dag á sínum þriðja heimavelli sem þeir kjósa að kalla „Quicken Loans Arena“ og eins og flest íþróttarlið í Bandaríkjunum hafa þeir lukkudýr, þetta tiltekna lukkudýr kom fyrst fram 5 nóvember 2003 en fyrir hann var ísbjörn sem hét „Whammer“ lukkudýr þeirra er hundur sem þeir kjósa að kalla „MoonDog“, persónan Moondog er ekki bara mikilvæg fyrir liðið heldur fyrir alla borgina. Hann er best þekktur fyrir að henda boltanum aftur fyrir sig og reyna að hitta í körfuna og brjálaða hollustu til „Cavs“. Þeir hafa spilað í NBA-deildinni síðan 1970.


Tímabilin hjá „Cleveland Cacviliers“
James hefur spilað 5 tímabil með þeim og kemur hér að
aðeins um það sem hann áorkaði á hverju tímabili.
2003-04 var hans fyrsta tímabil með „The Cavs“ og hans fyrsti leikur í atvinnumannaboltanum var á móti „Sacramento Kings“ James skoraði 25 stig, hjálpaði níu sinnum, náði 6 fráköstum, stal boltanum af leikmönnum hins liðsins 4 sinnum og hitti 60 % af skotum sínum af gólfinu. Og eftir þann leik afhjúpaði James æskudraum sinn, það að hann vildi vera eins og Jason Kidd. James hafði þá dáðst að Jason síðan hann var 10 ára. James lofsöng Jason og sagði að hann væri besti bakvörður sem væri á lífi í dag. Eftir leik á móti „New Jersey Nets“ varð James að yngsta leikmanni í deildinni til að skora 40 stig í leik en hann skoraði 41 stig. Þrátt fyrir það þá lækkaði meðaltal hans gífurlega frá árunum áður en hann náði að meðaltali 20,9 stigum á leik, hjálpaði 5,9 sinnum og náði 5,5 fráköstum á leik og með því slóst hann í hóp með Oscar Robertson og Michael Jordan með að ná að meðaltali 20 stigum á leik, hjálpaði 5 sinnum og náði 5 fráköstum á leik á sinni fyrstu leiktíð. Liðið auk umsvif sín með honum og vann 35 af 82 leikjum sínum. Þótt liðið hafi ekki komst í úrslitin þá var James valin nýliði ársins í NBA.
Annað árið með „The Cavs“ var James valinn á sinn fyrsta „All-Star“ leik og náði hann 13 stigum, hjálpaði 6 sinnum og náði 8 fráköstum. Þetta ár var James yngsti maðurinn í deildinni til að ná svokölluðu „triple-douple“. sem er þegar maður nær tveggja stafa tölu (10 eða hærri) í einhverjum þremur af eftirtöldu í einum leik: stigum, fráköstum, hjálpum, að stela boltanum eða koma í veg fyrir skot á körfu frá andstæðingi. Algengast er að einhver nái „triple-douple“ með því að ná 10 stigum, 10 fráköstum og hjálpa 10 sinnum. Meðaltalið hans var: 27,2 stig í leik, hjálpaði 7,2 sinnum, náði 7,4 fráköstum í leik og stal boltanum 2,2 sinnum í hverjum leik. En eins og árið áður náði lið hans ekki inn í úrslitin en það vann 5 leikjum meira en árið áður eða 42 sigra af 82 leikjum.


Tímabilið 2005-06 var hann aftur valin í „All-Star“ leikinn og leiddi hann bestu leikmennina úr austrinu til sigurs með 122 stigum gegn 120. Og hann var valin „All-Star MVP“ , en það er gefið til þeirra sem stóðu mest upp úr á árinu, þegar hann var aðeins 21 árs og 51 dags gamall. Hann var nefndur leikmaður vikunnar 3 vikur í röð og 5 sinnum yfir allt tímabilið. Hann skoraði 35 eða fleiri stig í níu leikjum í röð og er með því 3 maðurinn til að gera það síðan 1970. Meðaltalið hans var: 31,4 stig í leik, hjálpaði 6,6 sinnum og náði 7 fráköstum í leik og varð því yngsti maður í NBA sögunni til að ná að minnsta kosti 30 stigum í meðaltal fyrir hvern leik. Liðið komst í úrslitin og vann 50 leiki af 82. Í úrslitunum lék hann gegn „Washington Wizard“ og í þeim leik náði hann „triple-douple“ með 32 stigum, hjálpa 11 sinnum og ná 11 fráköstum, „Cavs“ vann þann leik 97 á móti 86 stigum.
Tímabilið 2006-07 endaði James með meðaltalið: 27,3 stigum í leik, hjálpaði 6 sinnum og náði 6,7 fráköstum í leik sem varð til þess að hann var annar maðurinn í sögu NBA að ná meðaltalinu fyrir 3 samfleytt ár yfir 27 stigum á leik, hjálpaði 6 sinnum og náði 6 fráköstum á leik. Það var skoðun Marv Albert að frammistaða James var „ein besta stund í sögunni“. Hann skoraði 50 stig í einum leik og komast í „All-NBA“ liðið.
Tímabilið 2007-08 en og aftur tók hann þátt í „All-Star“ leiknum. 19 febrúar 2008 náði hann sínu 5 „triple-douple“ á því tímabili, með að ná 26 stigum, hjálpa 11 sinnum og ná 13 fráköstum í einum leik, eða sínu 15 yfir heildina. Þegar hann var aðeins 23 ára og 59 daga varð hann að yngsta leikmanni sem var búin að skora 10 þúsund stig yfir ferill sinn. „Cavs“ unnu 45 af 82 leikjum sínum þá leiktíð.
Tímabilið 2008-09 frá 10 mars til hins 13 náði James 3 „triple-douple“ einu á móti hverju eftirtöldu liði „Miami Heat“, „Los Angeles Clippers“ og „Phoenix Suns“ sem gerir hann að forystumanninum í deildinni fyrir þennan hlut.
Síðla árs 2007 var LeBron í fyrsta sæti yfir topp 20 sem afla sér fjár á löglegum grunni undir 25 ára aldri, hann var með 27 milljónir dala í árslaun og hann hugsaði um að tala stöðu hjá evrópsku körfuboltafélagi fyrir 50 milljónir í árslaun en hann hætti við það.

Verðlaun og heiður
Listi yfir stærstu verðlaun hans:
• NBA Rookie of the Year: 2004
• NBA All-Rookie First Team: 2004
• NBA Scoring Champion: 2008
• 2 sinnum NBA All-Star Game MVP: 2006, 2008
• 5-sinnum NBA All-Star: 2005, 2006, 2007, 2008, 2009
• 4-sinnum All-NBA:
o Fyrsta lið: 2006, 2008
o Annað lið: 2005, 2007
• Brons medalíu með bandaríska landsliðinu, 2004 sumar ólympíuleikarnir.
• Gull medalíu með bandaríska landsliðinu, 2008 sumar ólympíuleikarnir.
• Brons medalíu með bandaríska landsliðinu, 2006 FIBA heimsmeistarakeppnin
• Gull medalíu með bandaríska landsliðinu, 2007 FIBA Ameríska meistarakeppni

Hér að ofan hef ég aðeins talað um James eins og hann sé bara körfuboltamaður og geri ekki annað en annað kemur upp á ef maður fer að skoða bakgrunn hans, LeBron á nefnilega 2 börn með ástinni sinni úr gagnfræðiskólanum, hann hefur komið fram á forsíðu Vogue og hann studdi Barack Obama þegar hann var að reyna að komast í forsetastólinn.