og Nash er með “Amare og Stoudamire”
Ég hélt nú að þetta væri sami maðurinn :P
Áttu ekki við Shawn Marion ? :)

Þetta er ágætis punktur svo sem. Það er ansi leiðinlegt að þurfa að líta framhjá Allen Iverson eins og hann hefur verið að spila. Í vikunni sá ég hann spila gegn Bobcats. Hann var með 30 stig, 7 stoðsendingar og 7 fráköst í fyrri hálfleik bara! Það var bara fáranlegt að sjá það. Ef hann hefði haldið áfram þá hefði hann náð 60 stigum, 14 stoðsendingum og 14 fráköstum sem hefði bara verið vitleysa.

Málið er að það verður bara einn MVP fyrir valinu. Ef Iverson verður valinn þá verður litið framhjá Nash sem hefur stórbætt Suns liðið. Einnig verður litið framhjá Shaq sem hefur stórbætt Heat liðið. Þegar Iverson varð MVP fyrir nokkrum árum síðan þá var liðið hans að spila mjög vel og þá fékk hann MVP. Ef Duncan hefði ekki meiðst þá hefði hann verið tekinn framfyrir Iverson og sennilega verða í keppni við Shaq og Nash. Það er bara mjög ósanngjarnt að taka Iverson framfyrir Nash og Shaq að mínu mati. Iverson verður samt pottþétt í All NBA first team.

Ef þú ætlar að bara þessa leikmenn saman og byggja bara á tölfræði þá þarf að taka mun meira inn í þetta dæmi, ekki bara það sem lætur Iverson líta vel út. T.d. er hann með langflesta tapaða bolta í leik eða 4.63 sem er svakalega mikið. Einnig er skotnýting hans bara 42%. Einnig þá spilar hann miklu meira en Nash og Shaq því lið hans getur ekki rassgat og getur ekki hvílt hann. Þess vegna er Shaq og Nash ekki með eins háar tölur og Iverson. Ef við tölum um framleiðni í leik (efficiency per game) þá er Iverson bara númer 8 í röðinni í deildinni þegar tölfræðin er tekin saman. Efficiency per 48 minutes þá er Iverson númer 23, á eftir Ilgauskas, Mehmet Okur og Gooden og öðrum höfðingjum. Reyndar er Iverson og T-Mac með nákvæmlega sama efficiency per 48 min.

Miðað við að Suns eru efstir í deildinni eins og er og eiga 5 heimaleiki eftir þá held ég að þeir haldi efsta sætinu og þá verður Nash líklegur til að hreppa MVP eða a.m.k. komast nálægt því. En margir munu líta á þá staðreynd að Shaq hefur aðeins hlotið einn MVP hingað til sem er í rauninni fáranlegt fyrir leikmann sem hefur haft svona ótrúlega mikil áhrif á leikinn. Ég held þetta verði nánast hnífjafnt milli Shaq og Nash. Einn punktur í þessu er að þeir mundu báðir hljóta MVP. Mér finnst það eina rétta leiðin satt að segja. Þau rök sem hægt er að nota að Nash verði MVP er að vissu leyti líka hægt að nota að Shaq verði MVP. Báðir hafa þeir gjörbreytt sínum liðum og gert það að verkum að þessi lið eiga möguleika á sínum fyrsta NBA titli. Báðir þurftu að yfirgefa sín gömlu félög svona á vissan hátt gegn þeirra eigin vilja og þeir höfðu því ýmislegt til að sanna á þessu tímabili. Báðum tókst það og vel það.

Sumir hafa litið á það hvernig þeirra gömlu liðum hefur gengið eftir brottför Shaq og Nash. Það er að Lakers hefur fallið eins og spilaborg eftir brottför Shaq og Mavericks hafa staðið sig mjög vel eftir brottför Nash. En persónulega held ég að þetta segi alls ekki nógu mikið. Lakers misstu ekki bara Shaq, heldur líka Payton, Malone og Phil Jackson og fengu helling af nýjum leikmönnum og nýjan stjóra. Þessi blanda hefur engan veginn gengið upp hjá þeim.

Magic náði aldrei að skora yfir 26 stig í leik á tímabili. Þeir sem hafa náð 26 stig, 7 fráköstum og 7 stoðsendingum í leik á einu tímabili eru auðvitað Bird og Jordan auk Wilt Chamberlain og Oscar Robertson og kannski einhverjir til viðbótar. Ef LeBron nær að komast á þennan lista á sínu öðru ári þá er það alveg stórkostlegt afrek.

Gleymdi að nefna leikmenn eins og Duncan og Garnett sem eru að skila flottum tölum