SirK fyrir 19 árum, 10 mánuðum Fjöldi lestra: 1004

Leikmenn í nýjum liðum

Í gær var seinasti séns til að skipta leikmönnum í NBA deildinni á þessu leiktímabili og eins og vanalega var slatti af skiptum. Ég ætla að segja mínar skoðanir á þeim og ég tek það fram, ég tek launaþakið ekkert með í þessum pælingum en ég veit einfaldlega of lítið um það. Tölurnar í svigunum er stigaskor leikmannanna á leiktímabilinu.

Kings - Sixers
Stærstu skiptin voru á milli Sacramento Kings og Philadelphia 76ers þegar stjörnuleikmaðurinn Chris Webber (21.3) fór ásamt Michael Bradley (1.5) og Matt Barnes (3.8) fyrir Brian Skinner (2.0), Corliss Williamson (10.8) og Kenny Thomas (11.3).
Ég held að þetta hafi verið skynsamleg skipti fyrir bæði lið. Þrátt fyrir að Chris Webber sé frábær leikmaður og sé búinn að eiga mjög gott ár eru búin að vera vandamál á milli hans og Sacramento liðsins í langan tíma. Hann er líka ekki beint vinsælasti leikmaðurinn í Sacramento borg og það var bara tímaspursmál hvenær hann færi. Sixers græða á því og ef hann stendur sig vel með þeim ættu þeir að bæta annars lélegan árangur sinn verulega.
Kings fá tvo fína leikmenn, þá Corliss Williamson og Kenny Thomas. Það var eitthvað sem þeim vantaði, að styrkja bekkinn.

Hornets - Sixers
Hornets fá Glenn Robinson fyrir Jamal Mashburn og Rodney Rogers (9.2).
Frekar skrýtin skipti. Glenn Robinson og Jamal Mashburn auðvitað báðir góðir leikmenn en hvorugur þeirra er búinn að spila leik í vetur og spurning hvort þeir muni spila eitthvað meira yfir höfuð í NBA. Rodney Rogers er eini leikmaðurinn þarna sem er virkur og skrýtið að Hornets láti hann frá sér, staðan þeirra er nú fyrir ömurleg. Kannski eru þeir bara búnir að gefast upp.

Rockets - Bucks
Reece Gaines (2.6) fer til Bucks ásamt tveimur annarar umferðar valréttum fyrir Zendon Hamilton (3.2) og Mike James (11.4).
Frekar ómerkileg skipti. Houston fær enn einn miðlungs PG og Zendon Hamilton sem er reyndar fínasti backup leikmaður. Reece Gaines er ómerkilegur leikmaður.

Cavs - Celtics
Jiri Welsch (7.5) fer til Cavs fyrir fyrstu umferðar valrétt.
Cavaliers fá hérna mjög góðan backup fyrir LeBron. Welsch er hin fínasta skytta og á örugglega eftir að nýtast þeim vel.

Knicks - Houston
Houston aftur mættir og hérna fá þeir Vin Baker(1.4), Moochie Norris (2.6) og annarar umferðar valrétt fyrir Maurice Taylor(7.8).
Maurice Taylor er ágætur leikmaður og mun styrkja Knicks undir körfunni. Vin Baker er hins vegar útbrunninn eftir of margar meðferðir og Moochie Norris, sem var lítið annað en klippingin er búinn að losa sig við “afróið”.
Knicks koma betur út úr þessum skiptum leikmannalega séð.

Celtics - Hawks
Boston fá Antoine Walker (20.4) í skiptum fyrir Gary Payton (12.1), Tom Gugliotta (1.3), og fyrstu umferðar valrétt.
Stór skipti. Antoine Walker kominn aftur til Boston og á eftir að styrkja þá verulega. Þeir þurfa samt að finna sér nýjan PG nú þegar Payton er farinn. Marcus Banks er langt frá því að vera byrjunarliðs PG.
Þetta er fimmta liðið hans Paytons á þremur árum. Vonandi nær að hann að klára ferilinn hérna. Hann er það góður leikmaður að maður vill ekki sjá hann klúðra endanum á ferlinum svona illa. Ég veit ekki hvort Hawks eiga eftir að græða mikið á honum. Hann er auðvitað ennþá frábær leikmaður en þarf held ég að líka við liðið til að spila upp á sitt besta.

Warriors - Hornets
Hornets fá Speedy Claxton (13.1) og Dale Davis (3.1) fyrir Baron Davis (18.9).
Hornets henda enn einni stjörnunni frá sér. Davis er reyndar búinn að spila mjög lítið vegna meiðsla í ár og Hornets þarf sárlega að styrkja leikmannahópinn. Samt held ég að þeir hafi tapað á þessum skiptum. Davis er frábær leikmaður þegar hann er heill og hann á eftir að komast í gott form.
Claxton er samt góður leikmaður og það verður gaman að sjá hann í Hornets þar sem hann ætti að fá meiri leiktíma.

Knicks - Spurs
Spurs fær þá Jamison Brewer (1.7) og Nazr Mohammed (10.9) fyrir Malik Rose (6.3) og tvo fyrstu umferðar valrétti.
Spurs ætla greinilega að verða meistarar. Hér fá þeir Nazr Mohammed sem er búinn að eiga sitt besta tímabil hingað til í ár. Rose er mjög sterkur varnarmaður en kominn af bestu árunum.

Nuggets - Warriors
Eduardo Najera (4.2), Luis Flores (2.1) og fyrstu umferðar valréttur til Denver í skiptum fyrir Nikoloz Tskitishvili (1.5) og Rodney White (5.6).
Frekar ómerkileg skipti. Najera skiptir aftur um lið og Tskitishvili prófar nýy lið en hann hefur alls ekki staðið undir væntingum eftir að hafa verið valinn fimmti 2002.

Heat - Bobcats
Steve Smith (7.9) fer til Heat í skiptum fyrir Malik Allen (5.9) og fjárupphæð.
Malik Allen á eftir að styrkja vörn Bobcats eitthvað en ég er hræddur um að Smith eigi eftir að týnast í sterkum leikmannahóp Miami Heat.

—-

Svo vil ég benda á að á næstu dögum mun koma upp kubbur hingað á áhugamálið þar sem verður hægt að sjá videoklippur af körfuboltaklippum. Þetta hefur lengi legið fyrir hjá mér en mig hefur bara alltaf vantað íslenskt vefsvæði til að hýsa þær. Þau mál eru komin í lag svo að þetta ætti að koma á næstu dögum.
En til þess að þetta virki þarf ég ykkar hjálp með því að senda á mig flottar klippur. Ég er með slatta í tölvunni en mun samt ekki nenna að halda þessu uppi ef það verða aðeins klippur frá mér sem verða á þessu.
Þess vegna er um að gera að senda á mig klippur emailið er milkpunch@gmail.com

HotWaX fyrir 19 árum, 10 mánuðum

Bobcats???

(\_/)

Fyrra álit

wbdaz fyrir 19 árum, 10 mánuðum

Þú segir það sjálfur að þú hafir ekkert mikið vit á launaþakinu svo að það eru nokkrir hlutir sem ég get bætt við í sambandi við þessi trade.

Kings - Sixers
Kings tóku nokkra styttri samninga fyrir dýrslegan samning Webber (3 tímabil eftir en á samtals 66 milljón dollara, launaþakið fyrir eitt tímabil er ca 45 milljón dollarar svo þetta er ansi góð sneið af því). Svo Kings voru ekki bara að losa sig við Webber útaf óvinsældum og meiðslum, heldur líka af fjárhagslegum ástæðum. Þeir samningar sem þeir tóku til baka renna allir út áður en samningur Webber.

Hornets - Sixers
Hreint launaþaks trade, Hornets losa sig við 10 milljónir á næsta ári sem hefðu annars farið undir launaþakið (Mashburn) og fá samning sem er að renna út, svo þeir losna við tvo stóra samninga og er talið að þeir verði það langt undir launaþakinu að þeir geti boðið einhverjum free agent “max samning”, t.d. Redd eða Ray Allen. (Sjá líka Baron Davis tradeið). Sixers losa sig við fýlupúkann Stórhund og fá í staðinn Rogers sem vill þó spila, þó að samningur Mashburn gildi undir launaþakið fyrir næsta ár skiptir það Philly litlu enda verða þeir líka með stóra samninga Iverson og Webber og voru því aldrei á leiðinni að vera undir launaþakinu í sumar. Peningalega séð breytir þetta litu fyrir Philly þar sem tryggingarnar borga líklega 80% af launum Mashburn.

Rockets - Bucks
Bucks fá til baka samning sem er að renna út, sem hjálpar þeim í sumar við að vera undir launaþakinu. Þeir stefna á að gera nýjan samning við Redd og þurfa þessvegna gott pláss undir launaþakinu.

Knicks - Houston
Knicks taka til baka 3 ára samning en gefa frá sér tvo 2 ára samninga, Houston er s.s. að spara (og losa sig við Taloyr sem var orðinn ansi fúll á mínútuleysi).

Celtics - Hawks
Hawks fá auka fyrstu umferðar valrétt, sem er meira en þeir hefðu fengið fyrir Walker þegar hann verður samningslaus í sumar (s.s. ekkert).

Warriors - Hornets
Hornets losa sig við langann samning Baron og fá í staðinn samning sem er að renna út, sem kemur þeim undir launaþakið í sumar.

Knicks - Spurs
Spurs losa sig við 4 ára samning Rose og taka tvo 2 ára samninga til baka. Það ætti að hjálpa þeim að fjármagna nýjan samning við Tony Parker, sem að mig minnir þarf framlengingu í sumar eða næsta sumar.

Fyrra álit

jois fyrir 19 árum, 10 mánuðum

Það er alveg rétt hjá Wbdaz að hjá þessum liðum sem treiduðu góðum leikmönnum þá er þetta mikil spurning um peninga. Eins og Adam Smith sagði, eins gróði þarf ekki að vera annars tap.

Kings tóku góða og stóra ákvörðun með því að skipta Webber og svo virðist sem stuðningsmenn Kings séu sáttir við að losna við Webber. Eina sem ég velti fyrir mér hvort þeir hefðu getað fengið betri leikmenn og betri samninga fyrir Webber, en svo virðist ekki vera að önnur félög hefðu viljað fá hann. Chris Mullin GM hjá Warriors, sem er mikil vinur Webber, sagði að þeir hefðu ekki velt því fyrir sér að treida fyrir Webber. Ég held að fá félög hefðu hugsað sér að fá Webber, útaf meiðslum hans og risa risa samningi hans. Sixers varð nánast að gera það til að halda Allen Iverson góðum. Enda hefur AI síðan þá brosað út að eyrum.

Í tilviki Warriors og Hornets þá er þetta líka spurning um peninga auðvitað. Ég held samt að Baron Davis sé það góður leikmaður og það ungur að hann sé þess virði. Ef Hornets væri betra lið þá hefðu þeir líklega ekki losað sig við hann. En þeir eru eitt fátækasta lið deildarinnar og aðeins 14 þ manns mæta á leiki þeirra svo þeir mega ekki við háum launum. Davis var búinn að segja rétt fyrir skiptin að honum virtist sem Hornets vildi ekki hafa sig lengur. Þar er illa farið með einn allra besta PG í deildinni sem er aðeins á sínu 6. ári. Davis er svolítið meiðslagjarn, en hann er í vandræðum með bakið á sér sem hefur gert það að verkum að hann hefur misst svona mikið úr síðustu 3 árin. Hann missti þó ekki einn leik úr á sínu 3 fyrstu árum. Einnig segja sumir að hann þurfi að losna við slatta af kílóum til að hann losni við bakmeiðslin, en maðurinn er 190 cm og 100 kíló.

En lið eins og Hornets og Warriors sem eru það slök geta ekkert samið við góða leikmenn í sumar. Ray Allen, Redd, Big Z og fleiri stórmenni munu bara hlægja að þeim. Hornets græða peninga á því að losna við Davis en þeir eiga erfitt með að fá betri leikmenn til sín, nema auðvitað í gegnum draftið. Þeir vonast til að fá t.d. Chris Paul.

Fyrra álit

wbdaz fyrir 19 árum, 10 mánuðum

Það hlær nú enginn að liðum sem bjóða manni 10-15 milljón dollara í árslaun, sérstaklega þegar bæði Cleveland og (sérstaklega) Seattle eru í vandræðum með að semja við sína menn. Að geta bent á að annað lið sé tilbúið að borga svo og svo mikið hjálpar oft í samningaviðræðum við níska stjóra og ef ekki þá eru það góðir aurar í vasann.
Þó geri ég ekki ráð fyrir að Iglauskas sé að fara frá Cleveland, ekki meðan þeir hafa Lebron.
Svo er nú Shareef Abdul Rahim í boði líka í sumar, sem og Eddie Curry, Tyson Chandler og Kwame Brown :D

Fyrra álit

jois fyrir 19 árum, 10 mánuðum

Satt, líklega fer Big Z ekki neitt. Merkilegt hvað 20 ára strákur hefur mikið aðdráttarafl.

Ég átti reyndar við “heita” leikmenn eins og Allen, Big Z og Redd, en ekki meðalmenn eins og Kwame og Rahim.

Ég hef reyndar lítið heyrt um hvort Curry eða Chandler verða áfram. Úr því að þeim var ekki skipt og þeir voru ekki ofarlega í umræðunni þá geri ég ráð fyrir að Bulls haldi í þá. Bulls eiga nóg af peningum og enginn ástæða til annars en að leyfa þessu unga liði að þroskast - eða hvað. Maður veit svo sem ekki.

Ég held að þótt að lið eins og Hornets og Warriors geta boðið 10-15 m þá geta önnur lið það líka. Þegar um mjög góða leikmenn er að ræða þá fara þeir ekki til Warriors eða Hornets ef þeir geta farið eitthvað annað.

Fyrra álit

wbdaz fyrir 19 árum, 10 mánuðum

Það eru reyndar ekki mörg lið sem geta boðið “free agents” 10+ milljónir, held að það séu Hornets (nærri 20), Atlanta og Cleveland (sem vilja samt líklega ekki binda mikla peninga útaf Lebron), svo eru Seattle og Clippers eitthvað nálægt 10 milljónum líka (Seattle mega bjóða Ray Allen max samning af því að hann er hjá þeim, en gætu ekki boðið öðrum jafn mikið).
Abdur Rahim er nú enginn meðalmaður, hann getur alveg skorað 15-20 stig per leik með ca. 50% nýtingu og sæmilegri vörn. Kwame er heldur ekki meðalmaður, nær því að vera undirmálsmaður, en það eru engu að síður margir sem hafa áhuga á honum í sumar, enda hefur (eða hafði í það minnsta) stráksi mikla hæfileika.

Fyrra álit

jois fyrir 19 árum, 10 mánuðum

Rahim er kannski góður meðalmaður, meðalmaður er hann. Það er ekkert afrek að skora 15-20 stig með Hawks, Vancouver og Portland.

Kwame er efnilegur, en hingað til hefur hann ekkert sýnt sem bendir til annars en hann verði efnilegur í mörg ár. Í mesta lagi mjög slakur meðalmaður.

Fyrra álit

kamalflos fyrir 19 árum, 9 mánuðum

ætlaði að fá að svara WBDAZ aðeins varðandi Kings - Sixers trade-ið: Kings voru ekki að læka fjárhagslega byrði sína voðalega mikið - kannski um 10 milljón $ á 3 árum, sem er c.a. 3 mills á ári, sem er nú ekki mikið. Þeir voru aðallega að losa sig við Webber, því honum og Peja kemur ekki vel saman.
Leikmennirnir sem þeir fá í staðinn eru líka vanmetnir og góðir leikmenn sem auka dýpt liðsins. Webber er sprunginn og þetta voru líklega bestu leikmennirnir sem hægt var að fá fyrir princeton sóknina sem Sacto spilar. GMinn hjá kings gerir fá mistök, sanniði til.

Svo var það 76ers - Hornets:

Þarna hefuru rétt fyrir þér. Jim O'Brien er að taka til baka Rodney Rogers, sem spilaði fyrir hann í Boston þegar liðið komst í ECF(sem voru góðir tímar). Það kæmi mér ekki á óvart að RR yrði Resignaður í sumar, þar sem 76ers fara ekki undir launaþakið á næstunni, ég held að þeir eigi svokallaða Early Bird rights á RR, eftir þessi skipti. Hann kann Harters vörnina hans O'Brien og er vanur hörkunni, þannig að þetta ætti að rætast. Hornets losa sig undan Mashburn og fá Glenn í staðinn, til þess að hreinsa undan launaþaki sínu. 76ers voru semsagt að taka inn 2 ára samning fyrir 1 árs samning - til þess að krækja sér í Rogers, for the playoff push.. Launaþak 76ers er hvortsemer í molum.

Celtics - Hawks
Þarna skiptir Danny Ainge í rauninni á first round pick fyrir Antoine Walker. Sagan segir að hægt sé að resigna Walker fyrir 8 milljón dollara, maður veit þó ekki… Boston er með frekar mikla peninga varða í leikmönnum og veit ég ekki hvort að þeir muni resigna Payton og Walker báða..
Þetta first round pick er verra pickið á því ári sem boston ákveður að nýta sér Lakers eða Cleveland pickin (sem þeir eiga) - Lakers pickið er lottery protected í ár, þannig að allt bendir til þess að ekki verði hægt að nota það. Þannig að Hawks fá ekkert pick frá boston í ár, þar sem þeir eiga bara eitt pick. Ef að Boston notar Lakers pickið á næsta ári (þá er það top 10 protected minnir mig) þá fær Atlanta verra pickið af þessum tveimur. Árið 2007 kemur clevland pickið inn í myndina (ég er ekki með protectionið á hreinu varðandi það pick) - en ef Boston ætti þá 3 first round picks, myndi Hawks fá VERSTA pickið af þeim.

Tony Parker þarf framlengingu í sumar - þannig að þessi skipti koma því í rauninni ekki við. Þeir vildu bara held ég fá Nazr Mohamed til þess að styrkja sig, losna líka undan HRIKALEGUM samningi við Malik Rose.

Hvað varðar Hornets liðið, þá er ég ekkert svo viss um að þeir nái sér í einhverja menn af viti. GMinn hjá þeim sagði að free agent cropið í ár væri ekki nógu sterkt. Spurning hvort þeir séu ekki bara að fara að selja liðið og vilji halda samningum í lágmarki?
Michael Redd segist vilja enda feril sinn hjá Bucks og ég er ekki viss um að Ray Allen vilji fara til Hornets. Talað er um sign and trade við NY - þar sem Jamaal Crawford og Kurt Thomas kæmu í staðinn fyrir hann. Ég gæti trúað því að Ray Allen reyni að agítera fyrir einhverju stærra liði en Hornets.

Hordur1:
Houston fengu Mike James og Moochie Norris, hvorugur er í raun pjúra point guard. Mike James er betri en Norris, en James er streaky skotmaður.

Einnig vil ég benda þér á að Houston þurfa ekki að resigna Yao fyrren eftir næsta tímabil í fyrsta lagi. 2006-2007 er qualifying offer upp á rúmar 7 milljónir. Þeir þurfa ekki að fara undan þakinu til þess að resigna eigin menn. Sjáðu bara NY Knicks, þeir eru langt yfir þakinu.

JOIS:
Tskitishvili er slakur leikmaður! Hann var valinn 4 í nýliðavalinu á sínum tíma, BARA útaf potential. Menn voru hrifnir af því að hann hafði verið í Ballet með körfunni og átti að vera svaka hreyfanlegur, þetta er bara klassískt Ivan Chiriaev dæmi. Ég held að Mullin hafi bara verið að reyna að losa sig undan Najera samningnum.

Hvað Hawks varða, þá veit ég ekki hvort þeim verði einhverntíma bjargað. Bogut gæti jú snúið öllu við hjá þeim, alveg einsog Lebron gerði hjá Cavs..hversu lengi höfðu þeir sökkað?
Maður veit aldrei…Curry + Bogut + Harrington gæti verið svaðalegur frontcourt..með Joðin tvö í loftinu hehe..

Fyrra álit

jois fyrir 19 árum, 10 mánuðum

Góður!

Sixers treiduðu Big dog fyrir Masburn og Rogers því þeir skiptu svo mörgum framherjum fyrir Webber. Big dog og Mashburn eru báðir gott sem búnir að vera. En Rogers mun verða sæmilegasti varamaður Sixers fyrir Webber. Hornets ætla greinilega að byggja upp á nýtt. Þeir vonast eflaust til að Dan Dickau fari að sýna hvers vegna hann var svona góður hjá Gonzaga. Ef heppnin verður með þeim geta þeir nælt í Andrew Bogut eða Chris Paul í draftinu.

Ég fatta ekki alveg af hverju þú segir að Claxton fái fleiri mínútur núna, því hann var byrjunarmaður hjá Warriors og spilaði e-r 35 mín í leik. Þeir hafa nefnilega stundum notað hann á Fisher saman inn á.

Ég er náttúrlega hæst ánægður með að B. Diddy sé kominn til Warriors. Fyrsti almennilegi leikmaður þeirra síðan ég veit ekki hvenær. Vonandi að bakið sé ekki að trufla hann. En hann var óánægður hjá Hornets og sagði á dögunum að honum liði sem félagið vildi ekki hafa hann. Warriors náðu að styrkja liðið sitt og yngja það á einum degi. Ég skora á önnur lið að toppa það. Davis er 26 ára, Skita er 21 árs og White 24 ára.

Tskitishvili (Skita) er leikmaður með mikla möguleika. Sjö fet, evrópskur og getur skotið þriggja stiga. Hljómar kunnuglega. Hann er í deildinni vegna samlíkingar við Dirk. Hann er eingöngu 21 árs. Chris Mullin virðist hafa trú á honum, hann er enn mjög ungur ásamt Rodney White. Svo það voru sniðug skipti, þótt það gæti vel verið að báðir leikmennirnir nái sér ekkert á strik. Þessi skipti gætu reynst mjög drjúg. Þótt Najera hafi verið vinsæll þá sakna þeir hans ekkert.

Payton er með samning út sumarið. Hann mun druslast til að spila með þeim þangað til og síðan fer hann frá þeim. Ekki möguleiki að Payton spili mikið með Hawks. Ekki gleyma að Payton vildi varla spila með Celtics, því efast ég um að hann verði ánægður að spila með Atlanta Hawks sem er bara aum afsökun fyrir NBA félag. Sagt var að Payton hafi verið að reyna að semja við Boston um framlengingu. Spurning hvað hann gerir eftir sumarið. En Celtics bættu byrjunarliðið sitt á kostnað breiddarinnar og á kostnað PG. Reyndar er ég svolítið hiss á þeim að losna við svona marga leikmenn á einu bretti fyrir Antoine Walker. Það er leikmaður með svo miklar hæfileika sem hann hefur sóað í eitthvað rugl eins og að bomba þristum í hvert skipti sem hann fær boltann.

Þetta var mjög spennandi dagur í gær, sérstaklega fyrir mitt lið Warriors.

Fyrra álit

jois fyrir 19 árum, 10 mánuðum

Reyndar var ég að lesa það rétt áðan að Payton mun jafnvel fara til Celtics aftur. Því Hawks hafa í raun ekkert við Payton að gera auk þess sem Hawks hefur engan metnað til nokkurs hluts, jafnvel munu Hawks kaupa Payton út og þar með gæti Celtics nælt aftur í Payton.

Fyrra álit

SirK fyrir 19 árum, 10 mánuðum

Claxton var að spila 32 mín í leik með Warriors. Þar var Derek Fisher fyrir og þótt að þeir voru oft saman inn á tók Fisher frá honum e-r mínútur. Í Hornets ætti ekki að vera nein samkeppni um PG svo að ég býst við því að mínútunum muni eitthvað fjölga hjá honum. Hann á það líka skilið, búinn að standa sig mjög vel í ár.

Já og svo sé ég að ég gleymdi að minnast á hörku skipti. Keith van Horn til Dallas fyrir Alan Henderson og Calvin Booth.

Fyrra álit

jois fyrir 19 árum, 10 mánuðum

Já, ég held samt að Claxton fari ekki að spila mikið meira en hann gerði hjá Warriors. Dan Dickau er miklu meira efni heldur en hann auk þess sem Dickau er að ná sér á strik. Einnig þá er varla hægt að nota Claxton sem SG því hann getur ekkert skotið. Dickau er prototype PG. En það skiptir ekki máli, það er til einskis að tjá sig um Hornets liðið á þessari leiktíð. Þeir eru löngu búnir að játa sig gjörsigraða og reyna héreftir að ná í góðan draft pick.

Fyrra álit

hemmi1 fyrir 19 árum, 10 mánuðum

Það mun taka mann smá tíma að átta sig á þessu öllu saman, ótrúlega miklar breytingar. Það var tímaspursmál hvenær Kings gerðu stór skipti, þeir voru eiginlega tilneyddir. Málið fyrir þá núna er að byggja liðið meira upp í kringum Stojakovic, láta hann finna fyrir mikilvægi sínu, og gera svo stórann samning við hann í vor. Annars fer hann pottþétt, og ef hann færi til Lakers, sem Divac mundi sækjast eftir, held ég að ég skæri mig á púls. Það er auðvitað eftirsjá í Webber, en ég er samt nokkuð ánægður með skiptin og Kings hafa hingað til yfirleitt gert skipti sem koma vel út. Sixers ættu að verða skemmtilegt lið með Iverson og Webber, kominn tími til að Iverson fái stjörnu við hliðina á sér.

Fyrra álit

oldnews fyrir 19 árum, 10 mánuðum

hvað mega klippurnar vera stórar, ég á nokkar en þær eru frekar stórar, hræddur um að það sé ekki hægt að senda via email

SUuup

Fyrra álit

SirK fyrir 19 árum, 10 mánuðum

Klippurnar þurfa að vera undir 50 mb.

Fyrra álit

timmi fyrir 19 árum, 10 mánuðum

Payton fer til Boston aftur. Atlanta eru búnir að vera og hafa ekkert að gera með.

Fyrra álit

TrioOfDeathFHIH fyrir 19 árum, 10 mánuðum

Ég er ekki sammála ég meina hversu oft hafa lið dottið svona niður en komið sterkt inn eftir nokkur ár. Ég meina kannski verða Atlanta heppnir í nýliða valinu og þá eru þeir ekkert búnir að vera og eins og sagt Það kemur dagur eftir þennan dag.

Fyrra álit

jois fyrir 19 árum, 10 mánuðum

Það kemur dagur eftir þennan dag vissulega, en í tilviki Hawks þá kemur bara ömurlegt tímabil eftir þetta ömurlega tímabil og svo koll af kolli. Þeir hafa verið ömurlegir í mörg ár. Núna nennir enginn að styðja þá lengur og þeir skipta öllum sínum bestu leikmönnum í burtu.

Fyrra álit

Hordur1 fyrir 19 árum, 10 mánuðum

Houston þurftu að losna við Taylor til að losna undir launaþakinu, þeir ætla nefnilega að gera stóran samning við Yao núna eftir þetta tímabil.

En ég hef áhyggjur af Houston liðinu, Yao er alls ekki nógu agressive, hann skýtur ekki nógu mikið, alls ekki nógu mikið en samt er hann með alveg frábæra nýtingu.

Houston fengu líka pure-a point guard vegna þess að Sura er meiddur. Vona að hann standi sig, man ekkert hvað hann heitir.

Fyrra álit

Sjuddi fyrir 19 árum, 10 mánuðum

já hawks eru algjörlega búnir að ræpa í buxunar

meira segja kvein willis er búinn að fá leið á að spila með þeim

Xbox Gametag : Sjuddi

Fyrra álit

Körfubolti

Körfubolti

Ofurhugar

Stjórnendur

Hverjir eru inni

Greinar

Leikmenn í nýjum liðum

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi