Fylkir og KR skildu jöfn, 1-1, í jöfnum og spennandi leik í 17. umferð Símadeildarinnar. Ómar Vald kom okkur yfir á 52. mín. með góðu skoti úr teignum eftir hornspyrnui Finns. Jón Skaftason jafnaði fyrir KR á 87. mín. einnig með góðu skoti úr teig. Eins og ofar segir var leikurinn jafn og spennandi. Hvorugt liðið fékk mörg færi í leiknum og voru leikmenn frekar pirraðir og spenntir. Dómari leiksins, Gylfi Orrason, átti fullt í fangi með að stjórn á leiknum. Eitt afar umdeilt atvik átti sér stað seint í seinni hálfleik er við fáum innkast á vallarhelmingi KR. Sævar tekur innkastið og sendir á Steingrím sem er kominn einn innfyrir á móti markverði KR, sem brýtur gróflega á honum. Dómarinn dæmir KR innkastið. Afhverju vitum við ekki en einhver sagði að innkastið hafi ekki verið tekið á réttum stað! Hingað til hafa menn fengið leiðbeiningu frá dómurum hvar þeir eiga taka innkastið. Með þessum dómi sannaði dómarinn það fyrir KR-ingum að hann hefur ekkert á móti þeim.

Lið okkar manna barðist vel í leiknum og hrós skilið fyrir erfiðan leik. Leitt var að ná ekki að klára leikinn en svona er þetta bara. Sigur hefði ekki verið ósanngjarn.

Alli þjálfari fékk brottvísun fyrir mótmæli undir lok leiksins og stýrir því ekki okkar mönnum í síðasta leik.

Áhorfendamet var sett á þessum leik en 4850 manns urðu vitni af leiknum. Fyrra metið var 2950.

Spennan heldur því áfram fram í síðustu umferð en þá leikum við gegn í ÍA uppi á Skaga og KR fær nýfallna Þórsara í heimsókn.

Við verðum því að fjölmenna uppá Akranes á laugardaginn til að styðja okkar menn og vonum að sjálfsögðu að við förum með bikarinn í gegnum göngin á heimleiðinn.


Tekið af www.Fylkir.com