Ég er mikill Liverpool-maður og ætla alls ekki að fara að verja Heskey hér. Það hefur ekkert komið út úr honum undanfarið, hann bara hoppar og tæklar fram og aftur. Þegar hann er í liðinu er leikkerfið að þruma boltanum upp í loft og Heskey á að ná honum. Eftir það gerist svo ekki neitt. Þó að það sé ánægjulegt að hann hafi loksins skorað þá er ég ekki alveg sáttur við það. Mér finnst það réttlæta tilveru hans í liðinu en hann hafði átt að vera löngu búinn að víkja fyrir skapandi leikmönnum eins og Litmanen, eða jafnvel Anelka. Það er ólíkt betra spil sem fæst þegar Litmanen er inn á. Ég væri til í að hafa Owen, Anelka og Litmanen saman í liðinu. Litmanen yrði þá svona frjáls miðjumaður og myndi mata Owen og Anelka af boltum. Hvorki Murphy né Smicer eru að skila einhverju svo það má alveg fara að gera breytingar. Það er í raun óþolandi og óskiljanlegt hve þolinmóður Thompson (Houllier) er varðandi ákveðna leikmenn.