Þessi grein er Copy-Paste af http://www.boltinn.is

Southampton er í vandræðum því áhangandi liðsins hljóp inn á St Marys völlinn og geri sig líklegan til að ráðast á Lee Bowyer í leik liðanna í síðustu viku. Bowyer skoraði sigurmark Leeds í leiknum en þá hljóp kauði inn á völlinn og ætlaði að rjúka í markaskorarann. Það tókst hins vegar að yfirbuga kauða áður en hann náði til Bowyers.
Knattspyrnusambandið bíður eftir skýrslu varðandi málið en Dýrlingar segjast vissir um að sleppa við sekt, þetta hafi bara verið eitt einstakt atvik og á því hafi verið tekið. Rupert Lowe sagði: “Það líkar engum að sjá áhangendur reyna að stofna til vandræða á vellinum. En þetta var aðeins einn maður og hann náðist áður en hann gat gert nokkuð af sér. Við höfum gert allt sem hægt er til að koma í veg fyrir að slíkt gerist en því miður reyndist það ekki nóg. Við vonum hins vegar að það verði litið á þetta sem undantekningu.”