Ronaldinho kominn til Manchester United!
Manchester United gekk í gærkvöldi frá kaupum á Brasilíumanninum Ronaldinho frá Paris Saint Germain á 9 milljónir punda. Peter Kenyon framkvæmdastjóri liðsins var í París í gær þar sem gengið var frá þessu. Þetta kemur fram í ensku dagblöðunum The Sun og Guardian í dag. Þar segir einnig að Barcelona sé nánast búið að ganga frá kaupum á David Beckham frá Man Utd en Florentino Perez forseti félagsins reyndi í gærkvöld að hringja í hann til að fá leikmanninn til að semja við félagið.

Með komu Ronaldinho er Man Utd talið vera byrjað að eyða þeim 30 milljónum punda sem koma úr sölunni á Beckham. Næst er talið líklegt að Harry Kewell verði keyptur á 7 milljónir punda, þá nýr markvörður á um 8 milljónir punda og reyndur varnarmaður.