Man Utd. er illa statt eins og þessi frétt segir:

Man. United verður án sjö fastamanna þegar liðið mætir svissneska liðinu Basel í Meistaradeildinni í vikunni. Juan Sebastian Veron mætir að vísu aftur til leiks en núna hefur Lauren Blanc bæst við sjúkralistann. United verður örugglega án eftirfarandi leikmanna: David Beckham, Rio Ferdinand, Roy Keane, Nicky Butt, Gary Neville og David May.
Líklegt er að Ferguson tefli fram nokkrum ungum leikmönnum og verða eftirtaldir að öllum líkindum í hópnum: Luke Chadwick, Kieran Richardson, Lee Roche, Danny Pugh, Daniel Nardiello og Paul Tierney.

Basel hefur lagt mörg stórlið að velli í Meistaradeildinni í vetur og því hafa United-menn vissulega ástæðu til að hafa áhyggjur af leiknum. Man. United lagði hins vegar Newcastle að velli um helgina í frábærum leik og var þá án áðurnefndra lykilmanna.