Ekkert verður af því að George Burley taki við knattspyrnustjórn Stoke City en upp úr samningaviðræðum slitnaði í gærkvöldi. Nánast var frágengið að Burley tæki við stjórn liðsins en eftir tapleikinn gegn Watford í gærkvöldi tilkynnti Burley stjórn Stoke að hann hygðist ekki taka við liðinu.

Ekki er ljóst hvað sneri hugi Burley en það er athyglisverð tilviljun að á sama tíma sagði Terry Yorath upp störfum hjá Sheffield Wednesday og er talið líklegt að Burley vilji frekar fara til Uglanna heldur en að taka við Potters.

Stoke er því aftur komið á byrjunarreit í leit sinni að knattspyrnustjóra en þeir eru þó nokkrir öflugir á lausu sem stendur. Tveir hafa sérstaklega verið orðaðir við stöðuna, Bryan Robson og Peter Reid, fyrrum Sunderland stjóri. Gunnar Gíslason stjórnarformaður Stoke flaug utan í gær en verður frekari frétta að vænta á næstu dögum.
<br><br>BF1942: [IN[2Lt]undirko