Það eru nú svo sem engin stig farin í vaskinn ,enda engin stig í boði í UEFA keppninni, og fyrir leikinn hefðu allir poolarar verið mjög sáttir við 2-2 jafntefli. Auðvitað er maður svolítið svekktur yfir því að þeir skyldu ekki ná að halda þessu og maður bölvaði tréverkinu í hljóði eftir leikinn en 2-2 jafntefli eru engu að síður mjög góð úrslit og gott veganesti fyrir seinni leikinn. Ég er á því að Houllier hafi gert taktísk mistök undir lokin með þvi að setja McAllister inná fyrir Murphy. Skiptingin var algerlega óþörf og gerði ekkert nema riðla leik liðsins aðeins til og það kostaði okkur mark. Það var gaman að sjá Barmby halda áfram markaskorun sinni í Evrópukeppninni en hann er nú búinn að skora fyrsta mark Liverpool í öllum þremur útileikjunum í keppninni til þessa. Barmby sagði einmitt að ein helsta ástæða þess að hann skipti yfir til Liverpool (fyrir utan þá að hann hefur alla tíð verið poolari) væri sú að hann vildi spila í Evrópukeppni og sá draumur hans er heldur betur að rætast.
Þegar öllu er á botninn hvolft verður að teljast líklegt að Liverpool komist áfram í næstu umferð UEFA keppninnar því Olympiakos hefur ekki unnið leik á útivelli í Evrópukeppni síðustu fjögur ár.

Þeir hefðu getað verið þeir fyrstu til að leggja þá á heimavelli en allt gekk fyrir ekki. Seinni leikurinn er þó eftir og hefur Liverpool vænlega stöðu fyrir hann

ég á ótrúlega erfitt með að skilja þessa vörn okkar. við vorum með bestu vörnina á englandi í fyrra og svo núna er þetta eins og í 10-11 í lágmúlanum, opið allan sólarhringinn. næsta lið sem er búið að fá fleiri mörk á sig en við er southampton í 15 sæti eða eitthvað svoleiðis, svo er hann vinur okkar westerweld ekki búinn að vera neitt frábær. við erum ekki nógu “jafngóðir” þetta er allt of óljóst hjá okkur, þurfum að sýna jafnan árángur.

Burt með Houllier, hann er gallagripur og á að vera einhverstaðar annars staðar en hjá bezta og frægasta félagsliði í heimi.

Liverpool eru greinilega bara svona lélegir…