Á frekar að loka augunum og leyfa bara Alta hægt og rólega að gera íslenska landliðið að einhverju drasli? Sem það reyndar nú þegar er, þökk sé honum…

Tillögur, Bjarni Jóhannesson væri töluvert betri kostur, það held ég að sé engin spurning nú eða að fá einhvern erlendan til að þjálfa þetta lið..

Það er munur á því að vera með landslið sem er að nálgast það að geta náð 2 sæti í riðli og ná þá umspili um að komast á HM-EM eða þá lið sem er að berjast um 3-4 sæti!!!
Það er nebblega munurinn á Landsliði Guðjóns Þórðarsonar og Atla Eðvaldssonar!
Við erum komnir með stórann hóp af góðum knattspyrnumönnum en samt er komið aftur þetta concept að einhverjir leikmenn eiga fast sæti í liðinu. Guðjón var þó óhræddur við að henda leikmönnum út ef þeir voru ekki að standa sig!

Eina sem ég er sammála Atla með er það að velja ekki Guðna í landsliðið. Ekki vegna þess að hann sé ekki nógu góður heldur vegna þess að Guðni hefur sagst vera hætta í einhver 3 eða 4 ár. Líkt og í ár segist hann ætla að hætta í vor og þegar hann gerir það hvað á landsliðið að gera. Kjarninn tekinn úr vörninni en undankeppni EM rétt hálfnað, þá þarf að fara prófa menn en það er of dýrt að fara í tilraunastarfsemi í miðju móti. Sjáið til dæmis hvernig Eyjólfur var tekinn út á réttum tíma, það er ljóst að hann er að hætta og því þegar HM var búið þá hætti hann með landsliðinu. En hitt skil ég ekki hvernig hann lítur fram hjá Tryggva og Þórði aftur og aftur, ég sé t.d. ekki hvernig Bjarni gerir meira gagn en bróðir sinn eða að Marel sé betri en Tryggvi (þeir spila báðir með Stabek og er Tryggvi að spila þar mun betur en Marel). Það væri það besta sem myndi gerast fyrir landsliðið núna er að Atli sæi sómann sinn og hætti. Ég bara get ekki að því gert en á meðan hann er við stjórnvölinn þá hef ég blendnar tilfinningar til landsliðsins og ég held að sú litla stemning sem er á leikjum liðsins megi rekja til Atla því fólk getur bara ekki stutt manninn. Hversu mikið fór það í taugarnar á manni þegar hann gaf áhorfendum í gömlu stúkunni fingurkossa þegar Ísland skoraði á móti N-Írum? Bara það að hlusta á hann í viðtölum pirrar mann þvílíkt, hvernig hann beinir gagnrýninni á sig á landsliðsmennina og spyr alltaf hvernig þeir eigi að þola þessa gagnrýni. Hann svarar aldrei neinum spurningum heldur bullar eitthvað óskiljanlegt, en því miður er enginn góður íþróttafréttamaður tilbúinn að taka hann á beinið og láta hann ekki komast hjá því að svara spurningunum. Hvað hefur Atli gert sem þjálfari? Ég tel það ekki eitthvern árangur að stjórna KR til sigurs með yfirburðalið (og Bjarka Gunnlaugsson). Ég vil sjá einhvern Þórðarson taka við liðinu (ekki Bjarna Jó.) þ.e. Óla, Teit eða Guðjón, helst af öllum vil ég sjá Gauja koma aftur og redda þessu.

Áfram Ísland