.k. sunnudag, 15. september, mun Meistarflokkur félagsins leika sinn mikilvægasta leik frá upphafi er þeir taka á mót KR í leik í 17. umferð Símadeildarinnar 2002. Staða liðanna í deildinni er með þeim hætti að sigri Fylkismenn eru þeir meistarar í fyrsta sinn en jafntefli eða tap færir spennuna yfir í 18. umferð sem fer fram sex dögum síðar.



Stærsti leikur hingað til.

KR hefur að skipa einum öflugasta stuðningsmannahóp landsins og hafa þeir verið duglegir við að fylgja sínum mönnum um allann heim. Reyndar hafa þeir hafa verið fyrirmynd annara liða í umgjörð og fleiru og höfum við t.d. horft oft í vesturbæinn í leit að góðum hugmyndum þegar við vorum að þróa okkar starf. Stuðningsmenn okkar eru einnig öflugir og sérstaklega þegar á reynir. Þess vegna má búast við gríðarlega mikilli stemmningu á vellinum þegar tvö efstu lið deildarinnar etja kappi á vellinum og tvö öflugustu stuðningsmannalið landsins keppast við að hvetja sína menn. Þetta er viðburður sem öllum knattspyrnuáhugamönnum dreymir um að fá að taka þátt í hér á landi.





Liðin
Liðin sem mætast á sunnudag eru að mörgu leiti byggð upp á svipaðan hátt.

Bæði lið hafa að skipa mjög breiðum og sterkum hópum. Margir leikmenn hafa leikið landsleiki og reynt fyrir sér í útlöndum. Einnig eru margir bráðefnilegir leikmenn í hópum liðanna, sem hafa leikið með yngri landsliðum. Engir útlendingar leika með liðunum en bæði lið hafa styrkt sig á undanförnum árum með innlendum leikmönnum. Þá hafa bæði lið “misst” unga og efnilega leikmenn í atvinnumennsku á undanförnum misserum. Mesti munur á liðunum liggur í sögunni. KR er fornfrægt félag sem önnur félög þurfa aldir til að ná sama árangri en aldrinum nær enginn. Fylkir er aftur á móti ungt félag sem að undanförnu hefur verið að stimpla sig hressilega inn í íslenska knattspyrnusögu. Einnig er stigsmunur á þjálfurum liðanna. .Þjálfari KR er Willum Þór Þórsson og er hann að stjórna liði í efstu deild í annað sinn. Áður hafði hann þjálfað Þrótt í nokkur ár og kom þeim m.a. upp í efstu deild 1998. Þá þjálfaði hann Hauka undanfarin tvö ár í neðri deildum með góðum árangri. Willlum ólst upp í vesturbænum og lék lengi með meistaraflokk KR. Einnig á hann leiki með Breiðablik og Þrótti.

Þjáfari Fylkis er akurnesingurinn Aðalsteinn Víglundsson og er hann að þjálfa í efstu deild í fyrsta sinn. Áður hafði Aðalsteinn verið aðstoðarþjálfar Óla Þórðar, bæði hjá Fylki og ÍA. Hann lék með Fylki á árunum 1993-1997 við góðan orðstýr. Áður hafði hann átt feril með ÍA og B1909 í Óðinsvé. Aðstoðarþjálfari er Þórir Sigfússon, en hann þjálfaði Fylki part úr ári 1996 en einnig hefur hann þjálfað ÍBK í efstu deild.

Jöfn deild
Á ofangreindu má sjá að ómögulegt er að spá í úrslit þessa leiks, sem og flesta leiki deildinnar í sumar. Mótið hefur verið einstaklega spennandi og dagsformið og forlögin ráðið úrslitum í mörgum þeirra. Einnig hafa jafntefli verið áberandi í deildinni í ár. 27 jafntefli hafa litið dagsins ljós og aðeins 1 jaftefli þarf í síðustu tveimur umferðum deildarinnar í ár til að slá jafnteflismet í 10 liða efstu deild sem var sett 1999.

Nú líður senn að Leiknum. Leiknum sem við höfum beðið eftir, þar sem það ræðst hverjir lyfta dollunni í haust. Vitaskuld treystum við KR-ingar á að við klárum þetta, enda undir okkur sjálfum komið. Það hefur líka hentað okkur betur undanfarin ár að þurfa sigur frekar en að jafntefli dugi okkur, sem við höfum farið flatt á alla vega tvisvar sinnum. Líklega munu KR-ingar flykkjast í Árbæinn og þeir sem ekki hittast í Frostaskjólinu fyrir leik eiga nú leik á borði og geta tekið daginn semma, skellt sér í sund í árbæjarlauginni og komið vel stemmdir, hreinir og fínir á völlinn. Ég hvet menn til að vera með hvatningarópin vel æfð og ekki væri verra að heyra köll svipuðum þeim sem heyrðust hér um árið undir lok síðustu aldar. Þar sem minnst var á einn David Winnie og þar fram eftir götunum. Það mætti vel skipta því út fyrir “það er aðeins einn Siggi Raggi, aðeins einn Siggi Raggi, einn Siggi Raggi……………” Fyrir mína parta er mig farið að hlakka jafnmikið til og mig kvíður þessum leik, en er samt ekki neitt svartsýnn á sigur, enda trúi ég alltaf á KR sigur uns annað kemur í ljós. Það er með það svona svipað og þessa sekt manna sem telst engin fyrr en hún hefur verið sönnuð. Ef við snúum okkur að leikmönnum þá hafa menn haft áhyggjur af meiðslum lykilmanna, en sem betur fer virðist vera að rætast úr því, Venni er víst tilbúin í slaginn ef það sem maður heyrir er rétt og Steini líka, helst spursmál með Einar Þór en ef fortíðin er eitthvað til að dæma eftir þá lætur hann bara sprauta sig niður og sleppir frekar síðasta leik fremur en þessum sem mun ráða úrslitum mótsins að flestra mati. Fylkismenn hafa verið að spila vel í sumar en hættir til “finnst mér” að hiksta svolítið í stórleikjum svona eins og taugarnar séu þandar til hins ýtrasta, vonandi verður það raunin á Sunnudag og KR nái stórleik. Hvað sem verður mun Sunnudagurinn verða stórskemmtilegur á alla kanta og enn skemmtilegri eftir leik því þá mun KR væntanlega vera komið á toppinn :-) Að lokum vil ég hrósa Fylkismönnum fyrir góðan undirbúning að þessum leik og jafnframt drengilega framkomu (svona oftast…….) Það er nefnilega þannig að þeir eru eina liðið að því er virðist sem ber ekki beint hatur til okkar KR-inga og við gjöldum jú líku líkt ekki satt, þannig að sýnum þeim þá virðingu sem þeim ber og berum sigurinn vel.
Áfram KR