Mikill missir

Samkvæmt áreiðanlegum heimildum gras.is þá verða KR-ingar að öllum líkindum fyrir miklum missi í ágúst næsta sumar þegar þeir Sigþór Júlíusson og Þórhallur Hinriksson hverfa á braut til Bandaríkjanna þar sem þeir hyggjast nema við Auburn háskólann í Alabama. Einnig er víst ekki lokum fyrir það skotið að Guðmundur Benediktsson fylgi í fótspor þeirra en samkvæmt okkar heimildum er nær öruggt að þeir Sigþór og Þórhallur fari utan en Guðmundur liggur enn undir feldi.

Með þessum háskóla leika Valsararnir Sigurður Sæberg og Martin Gustavsson við góðan orðstír og því hafa þjálfarar skólans verið að bera víurnar í nokkra leikmenn hér á Klakanum og því gæti hugsanlega farið svo að enn fleiri leikmenn héðan fari utan.

Þetta er að sjálfsögðu mikið áfall fyrir KR-inga þar sem þeir verða að fara utan um miðjan ágúst en tímabilinu hér heima lýkur ekki fyrr en í lok september eins og flestum er kunnugt.

Samkvæmt okkar heimildum mun þessi ákvörðun þeirra ekki breyta neinu um framtíð þeirra hjá KR en sögusagnir voru uppi um það að KR vildi ekki semja við þá þar sem þeir gætu ekki lokið tímabilinu hér heima, en þær sögusagnir eiga víst ekki við rök að styðjast.


Þessi grein var á Gras.is
Ég bara varð að senda hana hingað það er svo gaman að heyra neikvæðar fréttir um KR
He he he

ÁFRAM VALUR!!!