þriðji sigur Hallarmanna þeirra er við Kristal eru kenndir í röð varð að veruleika er þriðju deildar liðið Leyton Orient var slegið út úr bikarkepninni af fimi og lipurleik…..

Málin litu heldur geigvænlega út fyrir Palace í hálfleik þar sem staðan var þá 2-1 fyrir galvaska Orientara, en leikmenn C.P. tóku sig hressilega á í síðari hálfleik og unnu á endanum 4-2.

Markaskorarar Palace í þessum leik voru þeir Tómas Svarti(Tommy Black) sem reyndi tvisvar á þolrif netmöskvana og Clint (Paddy) Morrison sem gerði sér ferð af barnum í tvígang og otaði tuðrunni í þartilgert gat í bæði skiptin einnig.

Í þessum leik klæddist einnig í fyrsta sinn Palace treyju Tony nokkur Popovic og lék hann allan leikinn í vörninni með afar takmörkuðum árangri og hafa samlíkingar á milli hans og sjö ára stúlku barna verið notaðar til að lýsa hans frammistöðu í þessum leik.

Crystal Palace hafa því unnið þrjá fyrstu leiki tímabilsins og skorað í þeim heil 11 stykki mörk. Þetta tal ég ótvíræða sönnun þess að þeir séu í raun besta lið í alheiminum og jafnvel þó víðar væri leitað þó svo að ég viti ekki hvar það ætti að vera þar sem alheimurinn er sennilega óendanlegur, en það er aldrei að vita.