Ég er sammála því að Garðar sé frekar spjaldaglaður maður og stundum með réttu, en í þessum leik, virkaði margt frekar skrítið hjá honum.
Mitt mat á þessum atriðum er þetta, menn geta svo verið ósammála því eða ekki, but here goes
1. Roddie lét sig falla þegar Þorsteinn var rekinn útaf, hann gat vel haldið áfram, en kaus að detta og með réttu átti að dæma aukaspyrnu þar sem að Þorsteinn kom honum úr jafnvægi, en gula spjaldið sem fylgdi í kjölfarið var ósanngjarnt gagnvart því að maður lét sig falla í grasið. Það var ekki eins og hann væri að komast einn í gegn, heldur var hann að komast í ágætis sóknarstöðu, og því engin skylda svo sem að reka karlinn útaf. Maður hefur séð svona atriði látið afskiptalaust, en Garðar kaus að spjalda fyrir þetta umdeilda brot.
2. Hann spjaldar svo 3 menn sem að vilja ræða málið aðeins við hann, enda var verið að reka félaga þeirra af velli, fyrir að þeirra mati litlar sakir, en í staðinn fyrir að vera maður of taka gagnrýni, þá kýs hann að spjalda þá alla saman líkt og hann gerði við Leiftursmennina 4 á Kópavogsvelli í fyrra. Maður hlýtur að spyrja sig að því hvort að hann þoli ekki mótmæli gegn sér og láti svona gagnvart aðilum sem að mótmæla. Það sjá það allir að þetta er ekki svarið gegn fullorðnum mönnum, sem einungis óska eftir svari við eðlilegum spurningum. í enska boltanum er það þekkt að menn kalla iðulega til dómarans “What´s that for” þegar hann flautar á aukaspyrnu. Eðlileg spurning og eðlilegt svar er það eina sem að menn vilja fá í þessarri aðstöðu.
3. Seinna rauða spjaldið er svo einnig skrítið, en þar túlkar Garðar það þannig að Guðmundur hafi verið að ráðast á Roddie og rekar hann útaf. Ef Guðmundur hefði ætlað sér að meiða Roddie, þá hefði hann ekki dregið úr högginu, með því að hægja á sér rétt fyrir áreksturinn. Viðbrögð Guðmundar voru síðan þannig, að maður hefði ekki orðið hissa á að hann hefði fengið gult spjald fyrir þau enda voru þau mun ófriðlegri en hinna þriggja fyrr í leiknum.
4. Vítaspyrnuna má svo deila um, en ég ætla ekki að ræða hana, enda finnst mér myndavélarnar ekkert hjálpa við þann úrskurð.

Síðan má bæta því við að það var Garðar sem að rak Bjarka Pétursson útaf ef ég man rétt fyrir að fara 2 sinnum of fljótt útúr varnarvegg þegar aukaspyrna var tekin frá miðlínu.

Ég er ekki bliki og hef enga samúð með þeim og er ekki heldur KR ingur, og hef þaðan af síður eitthvað á móti Garðari sem dómara og tel hann mjög efnilegan, en hann hefur þann galla að þola ekki gagnrýni og hafa fleiri góðir menn þann galla. Aðrir dómarar geta lært margt af Garðari, og ég vona að hann finni lausn á því að þurfa ekki að spjalda heilu liðin þegar að því er að skipta.