Ég held að þessi ummæli auki ekki möguleika Þórðar á að vera í byrjunarliðinu gegn Búlgörum.

Eitt er víst að hann eykur ekki möguleika sína á að komast í liðið með því að láta hafa þetta eftir sér…

Þetta er ekkert ólíkt Atla hann hefur í gegnum tíðina verið til vandræða, 42 leikir og 11 mörk, mjög duglegur, velti ég hér upp því að Atli sé að hefna sín á Þórði vegna ummæla Guðjóns um störf Atla sem landsliðsþjálfara ? Mín skoðun ekki spurning. Vafasamari landsliðsþjálfara höfum við vart átt. Skoðið hans sögu hún segir allt.

Ég veit það bara að landsliðinu hefur farið aftur eftir að Guðjón hætti með það og Atli tók yfir.

Ennþá er ég að deyja yfir snilldarbragðinu hjá honum, þegar hann ætlaði að klekkja taktískt á Tékkum með því að setja besta skallamanninn okkar (Hemma) á vinstri kantinn, í stað þess að hann passaði einn hættulegasta skallamann heims, þess í stað skoraði hann 2 mörk á fyrstu mínútum leiksins.

“Við ætluðum að reyna ákveðna taktík á móti Tékkum en hún mistókst” sagði Atli.

Þetta er svo mikil snilld að ég verð bara að segja “duh!” eins og gelgjurnar.

Hann fær bara ekkert að spila litli strákurinn og hann sem er alltaf svo þægur og góður og stendur sig alltaf svo vel. Þá á ég auðvitað ekki við um þrjá síðustu byrjunarleiki hans, frammistöðu hans þar og þau prímadonnuköst sem hann tók eftir að honum var skipt út af og svo furðar hann sig á því að hann sé ekki í liðinu. Hann ætti kannski að líta aðeins í eigin barm frekar en að vera að kvarta í blöðin yfir þjálfaranum. Þetta er aumingjaskapur af hæstu gerð, Atli er auðvitað búinn að gera þetta að ásættanlegum hlut, enda tók hann Tryggva og Helga Sig. inn í liðið aftur eftir að þeir höfðu kvartað í alla fjölmiðla landsins. Þetta virkaði fyrir þá og hví ekki þá fyrir Þórð. Ég held samt að Þórður sé að spila beint upp í hendurnar á Atla. Auðvitað er Atla illa við þessa Guðjónssyni. Persónulega finnst mér þetta allt væluskjóður: Atli, Þórður, Helgi, Tryggvi og Guðjón. Þetta eru helvítis væluskjóður og hegðun þeirra þegar að þeim er sótt er ekki til fyrirmyndar.
Auðvitað á Þórður að vera í byrjunarliðinu, það sér það hvaða heilvita maður. En hann er að valda mér og öðrum stuðningsmönnum sínum vonbrigðum með því að vera að væla í fjölmiðla. Þetta er það sem Atli vill, það er engin tilviljun að hann var látinn byrja að hita upp í fyrri hálfleik en svo ekki settur inn á, það er bara verið að taka hann í gegn. Svo til að bæta gráu ofan á svart var Helgi Kolviðsson settur inn á, en ekki Þórður.
Allir mínir draumar mundu rætast ef Helgi Kolviðs fengi aldrei aftur að spila með liðinu, Þórður væri í byrjunarliðinu og Atli mundi segja af sér. Ef það er einhver góður þjálfari þarna úti sem vill taka þátt í slíku samsæri með mér er ég til í það.

Það er sjálfsögð réttindi Atla að velja leikmenn í liðið Þórður hefur ekki verið að sýna neitt sérstakt að undanförnu en virðist halda að hann eigi fast sæti í liðinu af gamalli frægð og erfðafestu. Mér væra það alveg að meinalausu þó hann spilaði aldrei meir með landsliðinu en ég er líka viss um að ef Atla finnst hann eiga erindi í byrjunarliðið þá verður hann settur þangað. Og mig minnir að Þórður hafi ekki sagt hver ætti að fara úr byrjunarliðinu ef hann kæmi inn. Svona aumingjavæl ber vott um lélegan karakter.