Graham Kavanagh hefur gefið það út að hann muni fara frá Stoke City í sumar. Þetta verður Stoke mikill missir vegna þess að Kavanagh hefur verið besti maður Stoke á miðjunni í vetur.

Kavanagh sagði að hann yrði að fara til að hætta ekki landsliðsferli sýnum með írska landsliðinu og hann yrði að spila með liði í betri deild og hann hafði lengi vel vonað að hann myndi spila með Stoke í 1.deild en allt varð fyrir ekki.

Brynjar Björn Gunnarsson hefur gefið það út að hann muni ekki fara frá Stoke í sumar þrátt fyrir að þeir hafi ekki náð að komast upp.
það verður gama að sjá hvort að leikmenn eins og James O´Connor, Ríkharður Daðason, Peter Thorn og Gavin Ward geri slíkt hið sama og Brynjar Björn og haldi áfram hjá félaginu, við vonum bara það besta.

Nýjasti leikmaðurinn sem er orðaður við Stoke er Neil Maddison sem hefur verið hjá Middlesbrough en samningur hans er búinn í sumar og honum hefur verið sagt að honum verði ekki boðinn nýr samningur hjá Middlesbrough.