Í morgun var það ákveðið að upphafsleikur Símadeildarinnar, leikur Fylkis og KR mun fara fram á heimavelli Fylkismanna, í Árbæ, en ekki á Varmárvelli eins og til hafði staðið. Árbæjarvöllurinn er ekki upp á sitt besta enn sem komið er og má búast við því að boltinn skoppi eitthvað vitlaust til og frá, en það fylgir jafnan upphafi deildarinnar. Í fyrra þegar liðin mættust skyldu þau jöfn, 1:1 eftir að Einar Þór Daníelsson hafði komið KR-ingum yfir en Gylfi Einarsson jafnað á síðustu mínútum leiksins.