Þetta var nú bara léttu djókur.

johanng skrifar:

“hver heldurðu að þú sért? einhver helvítis þjóðernissinni? Fólk á að fá að velja sjálft að sjálfsögðu og gífurlegur meirihluti knattspyrnuáhugamanna(þeir sem á annað borð skilja) ensku vilja enska þuli.”

Það þýðir víst ekkert að segja þér hvað “ad hominem” þýðir, er það nokkuð? Eða þá að lesa allt það sem maður skrifar, í stað þess að hoppa upp á nef sér við að lesa einungis fyrstu orð viðskrifanda og henda frá sér einhverjum svívirðingum í hans garð ALGJÖRLEGA AÐ TILEFNISLAUSU?

En allavega, til að svara spurningu þinni, þá er ég íhaldssamur að mörgu leyti, og sérstaklega gagnvart þeim fáu hlutum sem við Íslendingar getum kallað okkar eign. Þeir eru mun færri en fólk grunar, og stærstur þeirra er tungumál okkar. Mér þykir dapurlegt hvað fólk, sérstaklega unga fólkið eins og þú, er viljugt að skipta út 1000 ára gömlu tungumáli fyrir hina smávægilegustu hluti.

Hinir mörgu innflytjendur sem leggja tugþúsunda kílómetra ferðalag hingað, til að geta lifað betra lífi, gera sitt besta við að læra íslenskuna. Á sama tíma er æska landsins viljug til að brjóta (útvarps)lög til þess eins að gera helstu dægradvöl sína skemmtilegri. Er ekki kominn tími til að skoðina hlutina í stærra samhengi?

Þú segir að gífurlegur meirihluti knattspyrnuáhugamanna vilji enska þuli svo lengi sem þeir skilja þá. Þessa fullyrðingu geturðu illa sannað, nema þá að þú takir viðmið af þeim skoðunum sem eru í þessari grein hér á Huga.is, sem eru næstum undartekningarlaust frá fólki á þínum aldri. Aldurshópi sem hefur að miklu leyti verið heilaþveginn af bandarískri (með öðrum orðum, enskumælandi) menningu. Með þessa staðreynd í huga, þá er AUGLJÓST mál að meirihluti fótboltaunnenda vilji enska þuli á ensku knattspyrnuna.

En er það vilji meirihluta þjóðarinnar að “okkar ylhýra máli” sé ýtt til hliðar vegna þess að íslenskir þulir eru ekki að gera starf sitt nægilega vel?

Þetta var einfaldlega fíflalegt svar.