Ég var að enda við að horfa á leik Chelsea og Manchester United þar sem Gunnar nokkur Helgason sá um að lýsa leiknum.
Í framtíðinni vil ég EKKI SJÁ að hann lýsi öðrum leik þar sem Manchester United spilar, eða þá Chelsea eða bara yfir höfuð nokkrum leik í ensku deildinni!!!
Hvaða illi sem er gæti lýst leik betur en hann!
Hann talaði bara um leikmenn Chelsea, taldi upp hverjir voru með boltann hverju sinni (og þá bara hjá Chelsea) og talaði bara yfir höfuð um það lið og leikmenn þess.
Hann virtist ekkert vita um neina leikmenn ManUtd, talaði m.a. um að Solkskjaer gæti byrjað að leika um áramót (en eins og margir vita þá verður hann frá í allavega eitt ár).
Hann sagði sjálfur að hann ætti erfitt með að vera hlutlaus þegar íslendingar væru að spila, en hann væri að reyna (þó var það nú ekki að heyra).
Og svo til að bæta gráu ofan á svart þá var hann alltaf að reyna að vera fyndinn, talandi um hvernig þetta væri nú í þrótti, talandi um strákinn sinn í fótbolta, hvernig ætti ekki að taka innköst (hvernig honum hefði nú verið kennt þetta í fram o.þ.h.)

Ég mæli því með að hann verði látinn hætta sökum lélegheita (jájá ég veit alveg að það er örugglega erfitt að lýsa svona leik í fyrsta skiptið… en come on…. það er til svolítið sem heitir undirbúningur og í því felst að vita kannski eitthvað um liðin sem eru að fara að spila! og svo er líka til svolítið sem heitir að vera óhlutdrægur!)
Ég veit allavega fyrir víst að næst þegar ég fer að horfa á leik og Gunnar verður að lýsa, þá ætla ég frekar að horfa á leikinn ÁN hljóðs!
Hvað finnst ykkur??



p.s. finnst geggjað að horfa á leikina með ensku þulunum.. mun skemmtilegra!