Halló ég held að flestir hérna hafi tekið eftir því að Joe Cole hinn bráðefnilegi leikmaður West Ham ákvað bara að bjóða Sven Göran Eirkson landsliðsþjálfara að koma á leik West ham og Sunderland til þess að hann gæti séð að hann væri ekki efnilegasti maður deildarinnar fyrir ekki neitt. Svo þegar Sven Göran hafði séð leikinn þá hrósaði hann Cole í hástert og svo bætti hann við að honum hefði einnig litist mjög vel á félaga hans, þá Trevor Sinclair og Frank Lampard og þeir þrír eru næstum því samasem komnir í enska landsliðshópinn. Það er því ekki amalegt að gefa þjálfaranum frímiðana sína og koma þrem West Ham mönnum í landsliðið. Þannig að núna þegar West Ham menn eru komnir á kortið þá sé ég ekki betur en að hver einn og einasti enski leikmaður þeirra eigi eftir að komast í landsliðið fyrir HM 2002.