Hvernig vissi ég….. Við töpum alltaf og við munum aldrei ná í HM EM eða eitthvað svoleiðis. Sættum okkur bara við það :)

Já, það var mjög leiðinlegt að sjá Ísland tapa fyrir Skotum. Það vantaði alla einbeitningu í fyrri hálfleik og vönduðu þeir ekki sendingarnir eins vel og ónefndur leikmaður sagði að þeir myndu gera fyrir leik. En seinni hálfleikur byrjaði mjög vel fyrir Ísland og var allt annað að sjá til strákanna; markið var hreint meistarastykki. En síðan var eins og neistinn slokknaði og Ísland datt enn á ný í farveg fótboltameðalmennskunnar. Skotar skoruðu. Ísland náði ekki að jafna þrátt fyrir að dómarinn beið aðeins með að blása í flautuna. FÚLT.

Það er allt mögulegt ennþá… Við getum unnið Þjóðverja í báðum leikjum.. hehe.. Miklar líkur…

Árangur Íslenska landsliðsins frá september 2001:

314 2002 20-nóv VL Eistland EST Tallinn 0 : 2
313 2002 16-okt EM Litháen ISL Reykjavík 3 : 0
312 2002 12-okt EM Skotland ISL Reykjavík 0 : 2
311 2002 7-sep VL Ungverjaland ISL Reykjavík 0 : 2
310 2002 21-ágú VL Andorra ISL Reykjavík 3 : 0
309 2002 22-maí VL Noregur NOR Bodö 1 : 1
308 2002 8-mar VL Brasilía BRA Cuiabá 1 : 6
307 2002 10-jan VL Saudi Arabía KSA Riyadh 0 : 1
306 2002 8-jan VL Kúwait OMA Muscat 0 : 0
305 2001 6-okt HM Danmörk DEN Kaupmannahöfn 0 : 6
304 2001 5-sep HM N- Írland NIR Belfast 0 : 3

Ásættanlegt? Tveir sigrar í 11 leikjum, á móti Andorra og Litháen. Er þolinmæði KSÍ endalaus eða? Ég held að það sé tími til kominn að Eggert átti sig á því að Atli er ekki starfi sínu vaxinn.
Fjöldamótmæli, einhver?

ég verð að segja að við erum með mjög góða leikmenn en þeir get bara ekki spilað almennilega saman :-(

Jæja, Ég bjóst náttúrulega við tapi eins og margur hver. Alveg ótrúlega hlægileg frammistaða hjá okkar leikmönnum. Einu góðu og áberandi mennirnir voru Eidur, Brynar og Arnar Grétars.
Eins og venjulega koma bæði mörkin vinstra meginn varnarlega séð .. frír menn gefa boltann fyrir mark.
Þá er spurningin. Er Atli virkilega svo heimskur að hafa Arnar Þór inná þegar honum býðst að hafa aðra yngri og betri ? og Ívar ingimarsson með hörmulegan leik líka. Það þarf eitthvað að fara gerast við vörnina og það fljótt. Og lika fyrir soknarleikinn að koma með Tryggva svona seint inn ! Hvað var hann að hugsa.
Koma með varnarleik i huga gegn svona liði án Hermanns. Eina vonin var að sækja, enda sáum við það við skoruðum. Svo byrjuðum við að bakka smá og fengum á okkur hlægilegt mark.
Held það þurfi einhverja breytingu á liðinnu. Atli er mjög hæfur þjálfari en ég efast um að leikmennirnir hafi það álit á honum og langi að vinna fyrir hann.

Ef Hjálmar Jónsson hefði verið í liðinu hefði Íslandi gengið betur !!

ég væri til í að sjá vináttuleik milli íslands og senegals.

Djö.. þeir reyndu þó

Þegar seinna markið hjá skotum kom þá hugsaði ég með mér að nú vantar hann Eyjólf!

Ég hélt í alvörunni að við íslendingar værum að koma upp sem knattspyrnuþjóð. En guð minn góður segi ég nú bara. Þvílík spilamennska sem fyrirfannst í fyrrihálfleik. Sendingar rötuðu oftast aldrei rétta leið og mikill óstöðugleiki í vörninni. Ég spyr hvað er verið að hafa svona miðlungsleikmenn eins og Bjarna Þ og Arnar V þarna sem bakverðir. Eigum við virkilega enga aðra sem eru skárri. Ég meina þeir eiga að heita atvinnumenn en eru lítið skárri en leikmenn í annarri og þriðju deild hér heima. Eins og ég segi þá var þetta slakur leikur og enginn sem getur hjálpað krónprinsinum okkar þarna frammi honum Eið. Jói Kalli sýndi reyndar stundum ágæt tilþrif. Hætta þessu endalausa long ball leikstíl hann virkar ekki.

Arnar Viðarson á ekki að vera í hóppnum. Í leik eftir leik komast sóknarmennirnir alltaf upp hans kant og það kostar mark.

Ég segi nú bara þvílíkt disaster!! Það er alveg merkilegt að sjá menn sem eru að mestu leiti í atvinnumennsku breytast í byrjendur í hvert skipti sem þeir koma saman að spila með landsliðinu. Hvað er það sem veldur þessu?

Mér finnst alltaf jafn ömurlegt að sjá Íslendinga spila gegn liðum sem eiga að vera betri á pappírunum. Alltaf einhver hræðslu bolti og pakkað í vörn. Enginn þorir að fá boltann og ef þeir fá hann er hann bara kýldur fram beint til andstæðingsins aftur. Stöðug pressa og sorglegt að horfa á. Það er allt í lagi að spila vörn, en að reyna ekki einu sinni að halda boltanum í eina mínútu er fáránlegt. Ef lið ætlar að fá einhver stig verður jú að sýna sjálfstraust og vilja til að sækja svona einstöku sinnum.

Það er alveg merkilegt að Íslendingar byrja aldrei að spila fyrr en þeir eru komnir marki undir. Þetta er gersamlega óþolandi. Eina skiptið sem maður hefur séð jákvæð merki á landsliðinu var þegar Guðjón var stjóri. Það er nokkuð ljóst að Atli er ekki að fá þetta til að virka. Ég við fá annan þjálfara, helst Guðjón, og ef ekki hann þá einhvern góðan útlending. Að mér læðist þó grunur að Atli verði ekki látinn fara fyrr en við töpum fyrir Færeyingum. Þið heyrðuð það frá mér fyrst, Ísland mun tapa fyrir Færeyingum næst.

Sáuð þið Færeyjar spila á móti Þjóðverjum? Ég hefði verið stoltur ef Íslenska landsliðið hefði spilað svona. Þeir voru að gera mjög góða hluti og voru að spila mjög góðan bolta. Ef þeir geta þetta með sinn mannskap hljótum við að geta þetta líka með betri mannskap. Eitt er víst, við munum ekki ná neinum árangri með Atla við stjórnvölinn. Burt með Atla!!

- Cosmic