Gott að sjá fleiri senda inn spár, ég var eiginlega kominn á þá skoðun að hætta þessu en fyrst það eru fleiri sem nenna að standa í þessu þá held ég bara áfram.

Aston Villa - Man City 3-1
Man.City átti frábæran leik um síðustu helgi og það á eftir að reynast Royle erfitt að koma þeim niður á jörðina fyrir leikinn. Það á eftir að koma þeim um koll og Villa verður búið að gera út um leikinn eftir hálftíma leik. City nær þó að klóra aðeins í bakkann í seinni hálfleik en það verður ekki nóg.

Derby - Coventry 2-0
Derby hefur vaxið ásmegin að undanförnu og náð að lyfta sér uppúr botnsætinu. Coventry náði loks að vinna leik eftir ansi langt tímabil án sigurs og að ætlast til tveggja sigra í röð er of mikið hjá þessu liði.

Everton - West Ham 2-2
Everton var kjöldregið í síðasta leik og vilja örugglega gleyma honum sem fyrst. Þeir munu koma mjög grimmir í þennan leik en það eitt og sér dugar þeim ekki. West ham er á mikilli siglingu og héldu jöfnu gegn Villa í síðasta leik. Þetta verður hörkuleikur og líklega munu liðin skipta með sér stigunum í leikslok.

Ipswich - Southampton 2-1
Það er löngu orðið ljóst að það þarf að taka Ipswich alvarlega enda liðið í þriðja sæti deildarinnar þegar keppnin er næstum hálfnuð. Þeim hefur samt ekkert gengið alltof vel á heimavelli en eiga samt að vinna Southampton.

Leeds - Sunderland 1-1
Sunderland hefur einhvern veginn tekist að læða sér í 4. sætið öllum að óvörum og það án þess að Phillips hafi skorað neitt sérlega mikið. Leeds hefur aftur á móti gengið upp og ofan í deildinni á meðan allt gengur þeim í haginn í Evrópu. líklegast verður jafntefli í þessum leik en Leeds gæti þó náð að tryggja sér sigurinn með góðri vörn.

Leicester - Charlton 2-0
Charlton sýndi mikinn karakter þegar liðið náði að vinna upp 2 marka forystu ManU í síðasta leik og þeir koma því fullir sjálfstraust í þennan leik. Leicester tapaði óvænt fyrir Coventry í síðustu umferð og vilja ólmir komast á beinu brautina aftur. Þetta verður tiltölulega þægilegt hjá Leicester en maður veit þó aldrei hversu mikil áhrif þetta jafntefli Charlton við ManU kemur til með að hafa á leik þeirra, með heppni gæti þeim tekist að krækja í stig.

Middlesboro - Chelsea 1-2
Ef Chelsea vinnur ekki botnlið deildarinnar á útivelli eru bara stórgóðar líkur á að þeir verði án útisigurs allt tímabilið. Fjarvera Hasselbaink hefur komið Eiði Smára til góða og hann á eftir að sýna það í þessum leik að hann er jafngóður og Hasselbaink en hefur það umfram hann að vera laus við stjörnustæla. 'boro 1 - Eiður 2.

Newcastle - Bradford 3-0
Bradford mun súpa seiðið af stórleik Arsenal um síðustu helgi því Newcastle á eftir að koma dýrvitlausir í þennan leik og sýna allar sínar bestu hliðar. Þetta verður einstefna allan leikinn og aldrei spurning hvorum megin sigurinn lendir.

Man Utd - Liverpool 1-1
Leikurinn sem allt snýst um um þessa helgi. Enginn enskur leikmaður hefur tekist að skora framhjá Barthez það sem af er leiktíðinni en með framlínuna alla enska hjá Liverpool og Barmby og Gerard í feiknaformi á miðjunni kemur það til með að breytast á sunnudaginn. Liverpool á eftir að komast yfir snemma í leiknum en síðan mun það velta á vörninni þeirra hvernig fer. ManU er, líkt og Ipswich, búið að skora í öllum leikjum sínum nema einum í deildinni og yfirleitt fleiri en 1 mark. Liverpoolvörnin hefur á sama tíma verið afar ósannfærandi svo ekki sé meira sagt en hefur þó verið að skána upp á síðkastið og hefur aðeins fengið á sig 1 mark í síðustu 5 leikjum. Út frá þessari tölfræði má því ætla að ManU vinni leikinn en ég ætla að vera hóflega bjartsýnn í spánni og spá 1-1.

Tottenham - Arsenal 2-1
Tottenham státar af einstæðum árangri á heimavelli og hafa enn ekki tapað leik þar. Arsenal er hins vegar komið með bullandi sjálfstraust á ný eftir niðurlæginguna á Newcastle og því getur í raun allt gerst í þessum leik. Fyrsta markið mun ráða úrslitum í þessum leik og ég hef það á tilfinningunni að það falli Tottenham í skaut