Eitthvað voru þeir á Sýn að tala um það um daginn að það væri óvenju lágt hljóðið í stuðningsmönnum Man Utd á Old Trafford því það væri svo ofboðslega mikið af ferðamönnum alltaf á vellinum sem kynnu ekki á alvöru enska stemningu.
Það er þó ekki eina skýringin því farið var að kanna allt liðið sem ætti ársmiða ár eftir ár – því þeir hafa forgang á svoleiðis sem eitt sinn hafa á annað borð keypt.
Kom í ljós að 1800, þ.e. eittþúsundogáttahundruð
ársmiðaeigendur eru einfaldlega látnir. Já, heyrist ekki mikið í þeim.
Hinsvegar haldast þessir miðar enn innan fjölskyldunnar því fólk tímir ekki að láta þetta fara frá sér. Þeir hjá Man Utd eru eitthvað að garfa í því að leiðrétta þetta, í það minnsta breyta nöfnum á eigendum miðanna og lofa að vera liðlegir með að famíliumeðlimir fái að halda ársmiðum en eru vinsamlegast beðnir að mæta á völlinn og styðja sitt lið.

Það er ekki beint lognmolla hjá Beckham famílíunni. Frúin passar nú upp á það.
Það var kannski ekki henni að kenna að einhverjir vondir kallar ætluðu að ræna henni en nú var David að gera samning upp á eina millu punda um að auglýsa einhverja gemsa, fékk 3,5 millur fyrirfram fyrir ævisögu sem einhver gella átti að skrifa en Viktoría ætlar sér heldur betur að býtta um ævisöguritara, og svo stendur hún í málaferlum við Peterborough um “Posh” nafnið en Peterborough hefur jú verið kallað Posh síðan 1920. Hún er frek kellingin, það vantar ekki.
Þeir eru að pæla í því hjá Sunday Times hvað gerist ef hún vinnur.
Þeir giska á að Gunnar Gíslason, Ásgeir Sigurvins og þeir hjá Stoke (The Potters) fái bréf frá J.K. Rowling!!!

Ferguson er ægilega fúll yfir 3-4 vikna fráveru Ferdinands en getur glaðst yfir því að Wes Brown er að verða til í slaginn og kemur nú inn í hópinn. Verður þó næsta örugglega á bekknum (í dag – sunnudag) gegn West Ham.
Svo var Ferguson svo ánægður með Quinton Fortune í leiknum gegn Leverkusen að hann segir hann framtíðarmann á miðjunni. Hafi nú aldeilis staðið sig vel því miðjan hafi verið vesen með Butt og Keane fjarverandi.