“Ég á kærasta sem er atvinnumaður í fótbolta og glænýjan sportbíl, en er bara ánægð að búa hjá mömmu og pabba því ég er bara 17” segir Sammy Winward, stjarna í sápuóperunni Emmerdale sem er voða, voða vinsæl í Bretlandi.
Þó að hún hafi ekki fengið bílprófið ennþá er hún með lyklana af glænýjum og glansansdi bláum Rover MGZR í hendinni og brosir sætt framan í ljósmyndara Sunday Mirror, hann Nicky Johnson.
Þetta er nýja kærastan hans David´s Dunn, hins sparkvissa Blackburnpeyja.
“Ég var á uppistandi hjá grínaranum Peter Kay þegar ég hitti David og við fórum að spjalla. Ég hafði ekki hugmynd um að hann væri fótboltastrákur en fannst hann bara voða sætur” og þó hún fái fullt af pening fyrir að vera sápustjarna fær hann miklu meira fyrir að spila fótbolta, þannig að hún er bara hress.
Sammy var með kollega sínum úr Emmerdale, honum Kelvin Fletcher í heilt ár, heldur reyndar áfram að knúsa hann og kyssa í sjónvarpinu en segir að David hafi ekki komið upp á milli þeirra. Og David var með glæsimódelinu Jakki Degg en bráðnaði alveg þegar Sammy brosti svona sætt og var svona skemmtileg.
Persónan sem hún leikur í þáttunum lendir í ýmsu miður skemmtilegu, kynferðislegri misnotkun og verður svo ólétt en Sammy segir að það sé aldrei farið yfir strikið “því mamma les alltaf yfir handritið og passar upp á mig”.
Miðað við það sem hún lætur út úr sér í þessu viðtali held ég að Dunn hafi verið betur settur með módelinu sínu, henni Jakki.
“Mamma hefur verið að reyna að kenna mér á bíl á sveitabýlinu hjá afa en ég er alveg vonlaus. Ég klessukeyrði einn bíl og olli tjóni upp á mörg þúsund pund. Nú ætla ég í frí frá Emmerdale þáttunum og ætla í tveggja vikna æfingaprógramm því hvað er gaman að eiga svona glæsilegan sportara ef maður kann ekki að keyra” segir Sammy og Dunn getur þó allavega notið þess að kitla pinnan á glæsikerrunni næstu vikurnar.

Og til að réttlæta að þetta sé á enska bolta en ekki á áhugamálinu sorp, kemur hér ein ítölsk/ensk örsaga:

Alessandro Del Piero hefur biðlað til Juventusstjóra síns, Marcello Lippi, að bjóða eins og 20 millur punda í Kieron Dyer sem spilar í enskum Juventus búningi.
Piero segist viss um að Dyer myndi gera það gott í Seríu A og sé akkúrat maðurinn sem Juventus vanti til að halda dampi.
“ég veit að hann myndi kosta helling en hann myndi koma með eitthvað nýtt inn í liðið”. Jamm og jæja, segi ég.