Ashley Cole lítur mikið upp til landsliðsþjálfara síns og vill vera eins og hann.
Hinn 21. árs Arsenal gæi hefur að undanförnu átt í heitu ástarsambandi við hina þokkafullu súludansmey, Michaelu Carey sem segir að þó hún viti vel að hann eigi kærustu sé hún engu að síður orðin ofsa ástfangin af pilti!
Hann skildi víst kærustuna til margra ára, hana Emmu, eftir á varamannabekknum er hann réðst til atlögu á Michaelu og tæklaði hana svo að hún segist aldrei hafa upplifað aðrar eins nætur! Ashley hinn ungi sagði víst Emmu sinni að hann væri að tjútta með félögunum í liðinu þegar hann bauð Michaelu á hvern uppastaðinn á fætur öðrum, t.d. Attica, Chinawhite, The Wellington og Café de Paris (ef það segir ykkur eitthvað. Er þó nokkuð viss um að ekki er verið að ræða um Kaffi París við Austurstræti).
Vinkona hennar segir að Michaela sé bara sæt ung kona sem vilji njóta “heilbrigðra ásta” en hafi væntanlega næstum gengið frá honum sem útskýri slappa frammistöðu hans í leiknum gegn Makedoníu um daginn!!!
Fyrr á árinu átti Cole í næturlangu sambandi við Playboy stúlku sem heitir Laura Key. Hann notar víst þá aðferð að senda stúlkunum eins og 20 SMS á einum degi og heillar þær þannig að þær bara geta ekki annað en hitt hann á vel völdum stað. Svo fær hann þær til að vorkenna sér með því að segja að kærastan hún Emma hafi ekkert gaman af fótbolta og skilji hann bara ekki!
En Cole er ekki í góðum málum því Emma er ekki að fíla þetta og Michaella er ekkert að halda þessu leyndu því hún stærir sig af því að leggja fótboltagæja, því áður en Cole kom til skjalanna var hún að laumast með varnarmanni Wimbledon, Des Byrne, sem er víst algjör perri og hefur verið dæmdur fyrir að berja einhvern með flösku á balli. Eitthvað var hann líka að hóta henni einhverju svipuðu ef hún blaðraði um samband þeirra en Michaella trúir því að Cole bjargi sér frá svona óþokka! Eða hvað.

En að allt öðru.
Smá uppákoma þegar Van der Saar, markmaður Fulham og Hollands var í sjónvarpsviðtali eftir sigurleik Hollands gegn Austurríki um daginn.
Jimmy Floyd Hasselbaink ætlaði eitthvað að stríða honum, læddist bak við Van der Saar og fór að gefa frá sér alls kyns óhljóð. Akkúrat þegar Jimmi var að gretta sig og geifla með ískri og kjánaskap, snéri Van der Saar sér skyndilega við og sló hann með hnefanum – beint í eyrað. Þetta átti nú ekki að vera svona fast en Jimmy þurfti til læknis vegna verkja (kannski farin að heyra allskyns óhljóð???) Þarna kom vel á vondan en sættir hafa tekist í málinu.