Bandaríski landsliðsmaðurinn, Claudio Reyna mun ekki spila fyrir Sunderland
á þessu tímabili vegna meiðsla sem hann varð fyrir í leik gegn Bolton á
mánudag. Reyna er einn af lykilmönnum Sunderland og er mjög sterkur
hlekkur í liðinu. Þetta er gríðarlegt áfall fyrir forráðamenn og áhangendur
liðsins. Sú gerð meiðsla sem hrjáir Reyna tekur venjulega um hálft ár að jafna
sig, að sögn lækna, en þar sem hné Reyna er bólgið þarf að fresta uppskurðinum.
Reyna mun því ekki hefða æfingar fyrr en í maí á næsta ári.
“Það er alltaf mikið áfall að missa góða leikmenn, en svona er víst lífið,”
sagði Howard Wilkinson, framkvæmdastjóri Sunderland og bætti við að eins dauði væri annars brauð og þetta gæfi öðrum leikmönnum tækifæri til að sanna sig.
Mikil meiðsli eru í búðum Sunderland og eru bæði aðalmarkvörðurinn Thomas Sörensen
og varamarkvörðurinn Thomas Myhre eru frá, svo og Jason McAteer.
Þá sneri argentínski varnarmaðurinn Julio Arca sig illa á ökkla í leik með varaliði Sunderland á dögunum, en óljóst er hversu lengi hann verður frá.