Væri líklega þess virði að fjalla um "Hið Vel Stillta Píanó", eftir hann, þar sem það er víða álitið eitt áhrifamesta tónbókmenntaverk sögunnar.

(ég vona að ég sé ekki að svara of seint)

Ensku svíturnar hans eru meðal bestu hljómborðsstykkja hans. Þetta eru sex þýskar svítur, sem skiptast allar í 6-7 kafla sem heita eftir dönsunum sem dansaðir voru við (kannski athyglisvert að fjalla um þessa tónlist því hér ertu með “partítónlist” fyrri tíma, dansasvítur voru alla jafna mest seldu nóturnar á fyrri hluta 18. aldar). Í hverju setti er forleikur, gíga, sarabanda (hægur mexíkóskur dans), couranta (eins konar forfaðir valsins) og allemanda. Allar gígurnar (Gíga var hraður dans, komin af Írska/Skoska “Jig-inu”) í þessu sex svítna setti eru mjög grípandi og prelúdíur (forleikir) svítna nr. 2 og 3 eru algjör meistaraverk.

Reyndar hljóma flest lögin hálf-asnalega á píanói, nema kannski svíta nr. 3 svo það gæti verð vesen að redda upptökum þó að sembalupptökur séu að verða æ algengari.


Eitt tónlistarform máttu alls ekki skilja eftir út undan þegar þú fjallar um Bach, en það er Kantatan, hann samdi yfir 200 stykki af þeim. Kantata er eins konar saga sögð með tónlist (svipað og Pétur og Úlfurinn) og var efnið yfirleitt kristinlegt, enda samið sem hluti af messu til að trekkja fólk í kirkjurnar. Kantötur eru fyrir einsöngvara, hljómsveit og kór. Mörg frægustu laga hans eru úr kantötunum, eins og þetta. Og ekki má gleyma einni elstu og víðfrægustu kaffiauglýsingu í heimi.