Svona út að labba ól? Ef hún er ekki nema átta vikna ætti ekki að vera mikið mál að venja hana á ólina.

Byrjaðu á að setja bara beislið, ekki taminn og leyfðu henni að venjast því, kannski klukkutíma daglega. Svo þegar hún er orðin þokkalega sátt við það geturðu sett tauminn á. Leyfðu henni að draga hann um, vertu viðbúinn nagi ;). Svo þegar hún er orðin nokkuð sátt með það þá geturðu farið að labba um húsið með henni.
Svona klukkutími á dag er fínt, ekki meira, þá gæti hún orðið pirruð út í þetta fyrirbæri.

En svo skaltu ekki fara með hana út fyrr en hún er búin að fá báðar fyrstu bólusetningarnar.

Vona að þetta muni ganga vel, hún Malla mín heitin vildi sko aldrei ganga við taum. Hún lagðist bara niður og neitaði að hreyfa sig. :)

Bætt við 11. október 2007 - 12:45
Bara svona að bæta við að þetta virkar á margar kisur. En sumar kisur, eins og hún Malla mín eru sjálfstæðisboltar og harðneita. Kisur eru bara með mismunandi persónuleika eins og við mennirnir.

En endilega prófaðu, þetta er ekki það dýrt og mjög góðar líkur á að þetta virki. :)

Mín þoldi ekki ólina og reif hana reglulega af sér fyrstu tvö árin. Var m.a.s. búin að læra að gera það úti svo ég finndi hana ekki.

Hún barðist alltaf um þegar ég setti ólina á hana. Haltu kisunni bara varlega en ákveðið svo hún viti að þú ætlar ekki að meiða hana en hún komist ekki upp með neitt múður.
Vertu viðbúin því að hún muni naga, bíta og klóra ólina, en kettir læra allir að lifa með ól. Og endilega kaupa annað hvort hólk eða lítið nafnspjald, því of stórt spjald getur virkilega pirrað köttinn.

Ætli þetta byggist ekki allt á trausti. Einu sinni þvældi mín aðra framloppuna alveg í gegnum hálsólina svo hún kom henni ekki til baka og fann virkilega til. Hún klóraði þegar ég reyndi að koma nálægt henni, en um leið og ég var búin að koma henni í fangið á mér og byrjuð að fikta í ólinni virtist hún vita að ég væri að reyna að hjálpa. Hún þekkti aðstæðurnar.

Ætli þetta sé ekki persónubundið eftir köttum, líka. Stalín er mjög þrjóskur og sjálfstæður köttur og var miklu erfiðari með þetta en nágrannakötturinn (sem er jafn gamall og eins á litinn XD). Kannski var þetta extra erfitt hjá okkur.

Því miður hef ég enga reynslu af beislum.

Stelpa sem ég þekki vandi köttins inn á svona taum og hann er orðinn alvanur þessu. Hegðar sér bara eins og hundur.
Ég reyndi þetta með minn kött en það gekk alls ekki þrátt fyrir ítrekaðar tilraunir. Ég þurfti að draga hann með mér og hann tók upp á því að leggjast bara niður og neita að hreyfa sig úr stað.