Í goti geta komið allt frá 1 kettling upp í 10 kettlinga :)- Svona að meðaltali mundi ég segja að læða eigi ca 3-5 kettlinga í goti (nokkuð breið tala:). Best er að hafa læðuna ekki of lengi á pillunni enda óþarfi að láta hana vera sífellt að gjóta kettlingum og mun betra að taka hana þá úr sambandi.
Ætli maður hins vegar að “rækta” kettlinga (húsketti) þá er mælst til að læðan eigi ekki meira en þrjú got á ári.

Að mínu mati eiga húskattarræktendur að hafa það sama að leiðarljósi eins og þeir sem eru að rækta hreinræktaða ketti:

1.Hafa góða aðstöðu til að ala upp kettlinga og vera viðbúin að halda þeim kettlingum sem ekki ganga út
2.Kettlingastand er kostnaðarsamt - þeir éta mikið, þurfa gott fóður til að braggast vel, nota mikinn sand og helst ætti að láta þá af hendi bólusetta og lenti sá kostnaður þá á þeim sem tekur kettlinginn í fóstur (greiðir f. kettlinginn).
3.Hugleiða þarf að núþegar er mikið framboð af kettlingum og því vandasamt að velja góð fósturheimili.
4.Kettlingastand getur verið mjög skemmtilegt og oft langar fjölskylduna til að halda kettling undan læðunni sinni eða gefa vini/ættingja kettling undan henni og þá er freistandi að leyfa henni að gjóta einu sinni.

NB ! Margir ekki sammála mér hér og þykir ég etv. full dramatísk á skoðunum mínum - Held samt að fólk eigi að hugsa sig vel um áður en það tekur af skarið hvort það vilji got eða ekki :)