Sæl :)
I sambandi við útilöngunina, þá er ég nokkuð viss um að kettir sem þekkja ekki annað en að vera inni finnast það vera mjög fínt. Eg er með einn, sem hefur alltaf verið inni hjá mér, og hann hefur aldrei verið að reyna að komast út, eða neitt svoleiðis, bara mjög rólegur og góður :)
En ef þú ætlar að hafa innikött, þá verður þú að vera tilbúin til að eyða tíma með honum, og leika við hann. Köttur sem kemst ekki út líður ekki vel ef þeir eru mjög mikið einir, þeir þurfa mikla athygli og ást frá þér :)
Kostnaður, ef við reiknum með 2 kattarsandspokum á mánuði, af góðum sandi sem þarf ekki að skipta alveg um, heldur bara bæta á, einn poki kostar um 800-1000 kr, semsagt 2000 kr. á mánuði.
Matur…stór þurrmatspoki kostar um 600 kr.
Ef þetta er kettlingur, þá borðar hann ekki mikið til að byrja með, en þú mátt reikna með að kaupa 2 poka í mánuði allavegana, og meira eftir því sem kisam stækkar, en þá ábyggilega ekki meira en 3 pokar í mánuði, samtals 1800 kr á mánuði.
Svo er það sprautur, viðtal við lækni er 300 minnir mig, og með sprautinni er þetta um 1000-1200 kallinn, þú þarft að fara með köttin tvisvar, fyrst um 10 vikna aldurinn, og svo 4-6 mánaða, og gelding er gert um 6-8 mánaða aldurinn, og það kostar um 6000.
Svo eftir þetta er árleg sprauta og almennt heilsucheck hjá lækninum árlega.
Vonandi hefur þetta hjálpað þér eitthvað :)

Halló Staines,

Við erum með 2 ketti og eru báðir innikettir. Það hefur aldrei verið neitt vandamál að hafa þá inni, að því undanskyldu að þau hafa bæði dottið út um gluggann einu sinni, við erum komin með festingar á þá núna. Þau voru geld og bólusett og alle græjer um 6 mánaða aldurinn og eyrnamerkt með seinni bólusetningunni (til öryggis, maður veit aldrei)

Fyrst vorum við með Nikkí eina og henni fannst fínt að vera inni, enda vorum við mikið heima og hún fékk nóga athygli. Þegar við svo fórum að vinna í sumar fórum við í kattholt til að fá handa henni félaga svo hún væri ekki alltaf ein. Þau eru góðir vinir og skipta okkur bróðurlega á milli sín.

Hvað kostnaðinn varðar er hann ekki mikill. Ég kaupi kattasandinn í bláu kössunum sem fæst í dýrabúðinni í mjóddinni, hef prófað aðrar tegundir og enga betri fundið. Stór kassi kostar 1900 og endist von úr viti, enda þarf maður ekki að skipta alveg um nema svona á 2 mánaða fresti. Konan í Kattholti mælti með Royal Canin handa þeim og hann svínvirkar, flottur feldur, lítið hárlos og þeim finnst hann góður. Stór poki kostar 3000 og hann endist, fyrir tvo ketti, í 1 og 1/2 mánuð.
Dýralæknisheimsóknir eru svolítið dýrar en á móti kemur að ef þú ert með innikött þarftu ekki að hafa áhyggjur af því að hann lendi í slagsmálum eða slysum og þegar þeir eru geldir þarftu bara að fara með þá í skoðun 1 sinni á ári, nema eitthvað komi upp á.

Í heildina litið finnst okkur það ótrúlega ódýrt að eiga 2 ketti, þeir hafa félagsskap hvor af öðrum og geta verið einir heima í lengri tíma. Ég mæli með því að ef þú ert lítið heima þá íhugir þú að fá þér tvo, þegar þú ert komin með einn, þá munar lítið um hinn. En annars finnst mér það ekki spurning að þú ættir bara að skella þér á þetta, að ég tali nú ekki um fyrst þú ætlar að hafa vit á því að hafa hann/hana inni.

Láttu endilega vita hvernig þetta fer.

Kveðja,

inasif og kisubörnin kátu.