ég hef verið að fylgjast með þessarri grein á forsiðunni þar sem mig langaði sjálfri að sjá svörin við spurningunum þinum i þessarri finu grein …..

mér datt i hug að þar sem þú settir hana beint á forsiðu að hún fengi ekki réttar undirtektir þar sem hún er kannski ekki inni á gæluddýraáhugamálinu….. copypeistaðu greinina endilega þangað … ég er einhvernveginn viss um að þú færð betri undirtektir þar heldur en hér ….

Sæl, ég ætla að svara þér eftir bestu sannfæringu.
Pæling nr. 1.
Það er ekkert að því að hún sjúgi þá eldri, hún gæti jafnvel farið að framleiða smá vökva við þessa örvun á spenunum. Það að sjúga spenana er ekki endilega til að fá að drekka heldur er þetta nálægðin og hitinn frá læðunni sem fær kettlinginn til að gera þetta þar sem sú eldri leyfir það. Klórar kettlingurinn ekki með þófunum í magann á þeirri eldri á meðan ? Þetta finnst þeim voða gott. Ég er með eina 9 ára (aldrie átt kettlinga) sem er búin að “ala” þrjú fress sem hafa gert þetta frá byrjun og allt upp í tvö ár hjá henni og henni virðist finnast þetta jafngott og þeim. Svo er ég með einn ársgamlan sem fer reglulega ca. tvisvar á dag á spena á eyrnasnepilinn á mér og ruglar í hárinu á mér á meðan og malar eins og járnbrautalest. Okkur finnst þetta báðum gott því þetta er ákveðin nálægð.
Niðurstaðan er að ég myndi leyfa þeim þetta alveg hiklaust.

Pæling nr. 2
Ertu alveg viss um að kettlingurinn sé hræddur við þig ? Gæti verið að hann vilji bara ekki klapp og klór, gæti verið karakterinn, veistu hvernig hún var áður en hún kom til þín ? Óléttan getur mjög vel haft áhrif á þetta en samt svolítið skrýtið þar sem hún þekkir þig ekki öðruvísi en ólétta…eða hvað ? Hefur þetta verið svona alveg síðan að þú fékkst hana ?
Það er ákveðið traustleikamerki ef hún liggur til fóta hjá þér uppi í rúmi, hefur þú prófa að snúa þér hægt við í rúminu og teygja handlegginn til hennar og aðeins að snerta hana ? Ekki of nálægt samt svo hún fari ekki strax.

Pæling nr. 3
Hættu að huxa um þessa helv. kattapillu, var með mína á henni í þrjú ár þar sem ég ætlaði að láta hana fæða einhvern tímann og gaf henni hana alltaf á föstudögum. Ekki þýddi að setja hana í matinn því þá snerti hún hann ekki. Ég mátti setjast með hana á bakinu, opna munninn og láta pilluna detta oní kok. Kötturinn var farinn að forðast mig strax á fimmtudögum því þetta var mjög óskemmtileg aðgerð fyrir okkur báðar.
Það sem þú ættir að gera er að taka hana úr sambandi, henni líður miklu betur þannig sjálfri, trúðu mér.

Svo er annað mál ef þú ætlar að leyfa henni að verða kettlingafull einhvern tímann, þá er það annaðhvort pillan eða getnaðarvarnasprautan. Pillan er þannig að þú gefur hana einu sinni í viku eins og fyrr var getið en mér fannst kisa vera farinn að breima eftir aðeins 5 daga alltaf svo ég myndi sleppa henni. Veit ekki nóg um sprautuna en hún ætti að duga í 3-5 mánuði ef ég man rétt í hvert sinn.

Pæling nr. 4
Getur verið að eldri læðan hafi fjarlægst þig eftir að kettlingurinn kom eða passar það ekki ? Ef sú eldri er að fá ákveðna snertingu og félagsskap af kettlingnum þá hefur hún ekki jafnmikla þörf fyrir klapp og klór frá þér. Maður veit náttla ekkert hvað þessi kettir eru að huxa stundum en ég er með þriggja mánaða strák og var ólétt náttla fyrir það (auðvitað :) og kisurnar mínar breyttust ekkert, kom mér á óvart því ég hef heyrt þetta hjá óléttum konum.

Jæja, ég held að ég hefi svarað öllu sem mér datt í hug en þetta er náttla allt byggt á minni eigin reynslu, alltaf átt ketti og þá yfirleitt tvo.
Endilega spurðu meira ef eitthvað er ekki skýrt eða eitthvað, gott að geta hjálpað einhverjum :)
Kær kveðja,
Icecat

PS. kíktu á heimasíðuna mína sem er reyndar í smíðum en á forsíðunni eru linkar á Matthildur og svo Gráni sem þau skrifa sjálf :o)
www.simnet.is\kristinnh

Hvað varðar *pælingu þrjú er eina ráðið að fara með læðuna í geldingu.Það er svoldið dýrt en það borgar sig til langframa.Það er stundum sem læður komas út og láta sig hverfa í lengri eða skemmri tíma og geta komið ketlinga fullar heim þrátt fyrir að vera á pilluni.Teingdó reyndi að vera með sína læðu á pilluni og hún stak af og kom heim kettlinga full.
Einig getur verið svoldið sárt að fara með kettlinga til dýralæknis og láta lóga þeim ef ekki eiga að vera fleiri en tveir kettir á heimilinu.
Skapið í læðunni gæti líka breist.En það gerðist með læðuna sem ég á og var geld fyrir 1 og 1/2 viku síðan.Hún er farin að sækja til mínn meira en hún gerði fyrir aðgerð.
Ég vona að þetta hjálpi þér eitthvað.

Kveðja Tgei

Fékkst góð ráð hjá icecat,

Varðandi kettlinginn mundi ég varlega halda áfram að reyna að hæna hann að mér. Klappaðu honum og láttu hann venjast knúsi og því að vera meðhöndlaður.
Svo eru náttúrulega til kisur sem bara alls ekki eru fyrir það að láta knúsa sig og kremja heldur vilja heldur nærveru og félagsskap án mikilla atlota.

Stundum ganga kettir í gegnum ýmis tímabil á uppvexti sínum. Þetta gæti verið tímabil þar sem hann hefði litla þolinmæði í atlot.
Mæli með því að þú haldir áfram að venja hana við atlot án þess þó að ofbjóða henni (kisunni)

Sæl Zallý!
Mig langar til að senda þér smá ráðleggingar.

Pæling nr.1
Ef kisan þín væri geld/ófrjó hefði hún aldrei leyft þetta. Ég á einmitt líka 2 kisur, læðu 14 mán. og högna 8.mán. Læðan var geld og 9 mán. þegar hann kom. Þau slógust fyrst, en svo eru þau bestu vinir. Þau sleikja hvort annað, sérstaklega í framan og á þeim stöðum sem þau eiga erfitt með að ná til sjálf.

Pæling nr. 2
Kettlingurinn þinn er greinilega ekki kjöltukisa, þó hún lúlli hjá þér. En að venja hana á að vera strokin þegar þú gengur framhjá henni, eða hún framhjá þér, það er eitthvað sem virkaði hjá mér. Ekki reyna að taka hana, það er sennil. það sem hún er hrædd við því henni líkar það greinil. ekki. Mínir kettir eru hvorug kjöltukettir, svo ég reyni aldrei að þvinga þau til að koma til mín, en gæli alltaf við þau ef þau eru nálægt mér.

Pæling nr. 3.
Stutt og laggott, láttu gelda hana og þá yngri um leið og hún verður 6 mánaða. Þetta kostar eitthvað um 10 - 11. þús v/læðu, en er þess virði.

Pæling nr. 4.
Ég get ekki séð að kisum sé illa við óléttar konur. Hef að vísu aldrei verið ólétt sjálf, en dóttir mín er ólétt núna og tvíburasystir hennar, sem hún er heimagangur hjá, er með kött og ég með tvo og öllum þessum köttum er ekkert illa við hana.

Vona að þetta hjálpi eitthvað.

Steina

P.S. muna að reyna ekki að taka kisurnar og vita hvort keleríið lagist ekki þá.

Sælar!
Ég er starfsmaður í Kattholti og ætti kannski að geta gefið þér nokkur ráð, sem gætu gagnast.

Pæling 1: Það er ósköp eðlilegt að kettlingar fari á spena hjá eldri köttum, þau fara mas stundum á spena hjá fressum og hundum. Þetta er einstaklingsbundið eftir köttum en oftast eldist þetta af þeim. Þar sem þetta byrjaði þegar læðan byrjaði að breima, þá hefur læðan eflaust hvatt kettlinginn til þess og fá þannig “útrás” fyrir móðureðlinu, þar sem hún varð ekki kettlingafull. Þótt þetta haldi áfram þá er þetta sárasaklaust og hvorugt hefur meint af.

Pæling 2: Kettlingar eru oft smeykir við okkur stóra fólkið meðan þau eru lítil. Hún virðist vera frekar viðkvæm en það lofar góðu að hún sofi til fóta og borði úr hendinni, líklegt er að hún róist og verði hændari með tímanum. Þótt að börnin séu skynsöm í umgengni við kettina, þá þarf lítil sál lítið áreiti til að stressast. Ég myndi giska á, þar sem ég hef ekki hitt kettlinginn að hún lagist við 6-8 mán. aldur þegar hún fer að breima fyrst. Mikilvægt er að hafa það í huga að ef það er haldið á henni að sleppa henni um leið og hún biður um og standa helst kyrr með hana, krjúpa niður til hennar þegar talað er við hana og horfa sem minnst í augun, þetta byggir allt upp traust hjá henni.

Pæling 3: Pillan hjá konum er líka talin krabbameinsvaldandi og eru líkurnar á að læðan fái krabba álíka miklar og hjá okkur. Pillan er gefin læðunum einu sinni í viku og fer vel í flestar læður. Svo er líka annar valkostur og það er að láta taka úr sambandi. Það er lítil aðgerð sem í lengdina borgar sig, fjárhagslega séð. Aukaverkanir á pillunni eru litlar sem engar, en hætta er á því með aðgerðinni að hún verði gjarnari á að bæta á sig. Margar læður verða líka oft blíðari ef þær eru teknar úr sambandi.

Pæling 4: Hundar og kettir virðast einstaklega næm á það hvort kona sé ólétt eða á blæðingum. Hormónabreytingar sem eiga sér stað í konum við þungun valda oft breyttri líkamslykt hjá konum, sem dýrin finna þótt við gerum það ekki. Einn læknir sagði mér það að öll kvendýr(þmt konur) gæfu frá sér lykt sem héldi öðrum dýrum í vissri fjarlægð, hálfgerðri viðvörunarlykt. Hvort sem það er afbrýðisemi eða lyktarhormón þá er þetta algeng saga hjá þunguðum konum sem eiga læður. Þetta lagast oftast eftir fæðingu, en stundum þó ekki fyrr en eftir að brjóstagjöf er hætt.
Ég vona að þesssi svör hafi eitthvað gagnast þér, annars er þér velkomið að hafa samband ef fleiri spurningar vakna.
Kveðja

Hæ hæ.
Ég á sjálf þrjá ketti, tvær læður og lítinn högna sem við tókum að okkur. Þær eru eldri og eru systur og þær tóku ekkert sérstaklega vel á móti Hnoðra. Það er ennþá stríð stundum, sérstaklega þegar hann vill leika en þær ekki. Jæja, allavegana þá vill hann ekki mikið klapp og klór nema að hann fái að koma og biðja um það sjálfur. Hann vill ALLS EKKI láta halda á sér og er fremur taugaveiklaður. Leyfðu litlu lórunni þinni bara að koma til þín, þeim finnst æði að fá að liggja undir sæng meðan þú ert að lesa á kvöldin. Þannig vinnuru traust og trúnað. Sumir kettir eru að eðlisfari taugaveiklaðir og það er ekkert sem hægt er að gera í því nema að gefa þeim tíma og þolinmæði. (hef átt kött síðan ég fæddist og er frekar vön)

Reyndu að venja hana af spena sem fyrst. Annars held ég að þetta sé nú ekkert til að hafa áhyggjur af, bara svo að yngri kötturinn verði sjálfstæðari.

Ef þú átt innikött myndi ég ráðleggja þér að gelda hana, annars losnaru aldrei við breimið og nema að þú planir að hún eignist kettlinga einhverntíman þá borgar það sig. Hún er að vísu að verða svoldið gömul, það borgar sig ekki að vera alltaf að hugsa um pilluna ef kötturinn á ekki að fara út eða verða kettlingafull.

Kettir finna andrúmsloftið í kringum þig, spennuna fyrir nýja barninu o.s.frv. Það sem ég myndi gera er að leyfa henni að vera með í undirbúningnum, skoða rúmið, kerruna,vagninn, skiptiborðið og allt sem tengist þessu því annars verður hún afbrýðisöm og leiðinleg. Mamma gerði þetta við Tinnu (gömlu kisuna mína sem er 17 ára) áður en bróðir minn fæddist og hún (kisan) hefur elskað hann síðan hann kom í heiminn.

Það sakar ekki að gefa köttunum fisk 1x í viku eða á tveggja vikna fresti sem reglu. Þá vita þær að hugsað er um þær. Hjá okkur er t.d. nammidagur á laugardögum og þá er soðinn fiskur strax og við vöknum.

Vona að þetta hjálpi þér eitthvað.

3ja katta móði