Já þetta er leiðinlegt að heyra að fólk hafi verið dónalegt við þig og um allt þetta fólk sem lenti í vandræðum.
Þessar konur/menn sem hafa byggt upp Kattholt hafa gert þetta allt á sinn kostnað og gjafafé og kannski er viðhorfið orðið þannig hjá þeim að þeim finnist mælirinn fullur vegna þess hve fólk huxar stundum illa um kettina sína og láta það bitna á öðru fólki.
Það sem mér finnst vanta þarna er t.d. tölva sem heldur utan um gagnabanka um kettina þeas númer, lit og svo framvegis. Núna er þetta allt gert í höndunum og eftir spjaldskrám.
Þegar kettir koma þarna inn sem ekki tekst að finna eigendur að eða sem skeður alltof oft að fólk vill ekki kettina sína aftur þá eru þeir undantekningalaust skoðaðir af dýralækni sem bólusetur þá og metur ástandið á þeim. Mér finnst það harla ótrúlegt að dýralæknir eða leikmenn sjái ekki hvort köttur er fárveikur eða kettlingafullur en ég ætla ekki að rengja þig samt.

Varðandi vinkonu þína sem fékk “útiköttinn” þá talar þú um að þetta hafi verið kettlingur. Ég er með einn 5 mánaða sem ég er að berjast við að halda inni þar sem ekki er búið að merkja hann né gelda og fær hann ekki að fara út fyrr en það verður gert. Kettir eru að eðli sínu forvitnir og vilja kanna allt sem þeim er bannað og munu alltaf reyna að t.d. komast út hvort sem þeir hafi verið úti eða inni sitt stutta líf. Vel gæti verið að hann hafi aldrei verið úti en langað út, í rauninni er aldrei hægt að fullyrða neitt varðandi það.

Varðandi að þig hafi langað í vinnu þarna er aldrei svo ég viti ráðið fólk utan af götu heldur yfirleitt fólk sem er á einhvern hátt innviklað í þessa grúppu sem heldur utan um Kattholt. Mér datt þetta sama einmitt í hug fyrir nokkrum árum og talaði beint við Sigríði Heiðberg formanninn sem er þarna öllum stundum og hún sagði að þau hefðu orðið illa úti vegna þess að fólkið ekki mætti eða sveikst um á annan hátt. Þannig að ekki væri möguleiki fyrir mig að fá vinnu á staðnum þótt mig langaði.

Ég er mjög undrandi á að konurnar (kellingar finnst mér niðurlægjandi orð yfir þessar hugsjónamanneskjur sem þarna eru) hafi ekki tekið eftir að læða væri kettlingafull og ætti að eiga eftir 2 vikur, kemur mér mjög á óvart en ekki ætla ég að rengja þig fremur en áður. Allavega hefur hún ekki verið þarna lengi þar sem ógeldum læðum er ekki hleypt innan um ógelda fressketti í Kattholti.

Mistökin sem urðu með kött ömmu þinnar trúi ég ekki að eigi sér oft stað en þegar fólk vinnur í sjálfboðavinnu og hefur ekki alminnilega aðstöðu eða tölvukunnáttu getur þetta skeð og það er mjög leitt, ég vona að þetta hafi ekki komið oft fyrir.

Ég veit ekki hvað ég á að segja um veika köttinn en hann getur ekki hafa hagað sér óeðlilega þegar hann fór frá Kattholti en vírusinn eða hvað sem þetta var hefur getað verið í honum.

Við verðum líka stundum að huxa um að það eru kostir og gallar á allri starfsemi sem stunduð er og þá verðum við að huxa um það góða sem Kattholt hefur gert fyrir kattaeigendur á höfuðborgarsvæðinu í gegnum tíðina. Það getur komið fyrir alla að kettir sleppi út eða týnist og þá er nauðsynlegt að hafa stað eins og Kattholt sem tekur á móti óskiladýrum og reynir að koma þeim aftur í hendur eigenda sinna.

Mér finnst að frumskilyrði allra eigenda inni eða útikatta sé að þeir séu eyrnamerktir ásamt því að þeir séu geldir, fress og læður. Það er alltof mikið af littlum kettlingum sem ekki er til heimili fyrir.
Að segja að allt sé illt í Kattholti er eins og að fullyrða að allir karlmenn séu ótillitsamir asnar eða að allar löggur séu ofbeldishneigðar. Maður verður að hafa opinn huga.

Kveðja,
IceCat

Ég er gæslustjóri í kattholti og hef unnið þar í næstum 3 ár núna. Þessar neikvæðu sögur sem ég hef lesið hér eiga ekki nein rök við að styðjast. Við megum ekki gleyma því að Kattavinafélag Íslands rekur Kattholt og er þessi staður athvarf fyrir óskiladýr sem finnast eða eru skilin eftir í borgarlandinu okkar. Það er skylda okkar sem vinna þar að taka þessi dýr í okkar umönnun og ef engin eigandi er að köttunum þá ráðstöfum við þeim á ný og góð heimili. Ég er Dýraatferlisfræðingur að mennt og þess vegna mikill dýravinur. starfssfólkið sem þar vinnur með mér er mjög fært á sínu sviði og ekki hægt að kenna því um ófarir sem einstaka manneskjur lenda í þar í sínum samskiptum. Oft er um misskilning að ræða, til dæmis getum við ekki séð ef læður eru kettlingafullar, það kemur ekki í ljós fyrr en eftir nokkrar vikur þegar þær fara að fitna skyndilega. Í sambandi við veikindi þegar komið er með köttinn heim til sín úr Kattholti, það er nú þannig að þegar svona mörg dýr eru saman á einum stað minnkar varnarstaða kattanna og þeir geta fengið veirur, og stundum kemur það ekki í ljós fyrr en kötturinn er kominn á nýtt heimili. Ef fólk fær sér inniketti þá er best að dýrið sé mjög ungt, svo ekki komi til vandræða seinna meir ef kisi allt í einu vill fara út. Það er MIKIL ábyrgð að taka kött inná heimilið og alls ekki fyrir hvern sem er. Það er nauðsynlegt að kynna sér allar aðstæður áður en kötturinn er fenginn inn á heimilið. Ég vona að eitthvað af þessum vangaveltum skýrist við þetta innlegg annards er ykkur velkomið að spyrja um hvað sem er, hvort sem það snýr að Kattholti eða eitthvað annað í sambandi við ketti.Og við erum ekki að fanga neina ketti, Reykjavíkur borg kemur með villta og illa hirta ketti til okkar og við sinnum þeim vel og reynum að koma þeim inná góð og ástrík heimili.Og ekki kalla okkur kellingar, við erum flestar ungar konur á besta aldri. Takk fyrir.

Sæl, ég fór í Kattholt í desember til að athuga hvort hann Tóbías minn sem hvarf í október væri nokkuð á staðnum. Hann var mjög venjulegur svartur og hvítur tuxedo köttur sem var merktur fyrir löngu síðan og mér datt í hug að ekki hefði verið hægt að lesa tattooið. Þá sá ég skilti á dyrinni þar sem sagði einmitt þetta að það væri bara hægt að skoða ketti á ákveðnum dögum en mér var nú samt fyrir náð hleypt inn. Það var alltaf opið áður hjá þeim frá 2-5 á daginn. Ég fékk þá skýringu að það hefði verið stöðugur straumur af fólki sem væri bara að skoða og þetta tæki tíma af starfsfólki sem er ekki mjög margt og því hefði verið ákveðið að hafa þetta á sérstökum dögum og þá væru fleiri við til að afgreiða fólkið og það fengi þarafleiðandi betri þjónustu.
Fólk hefur samt náttla engan rétt á að vera dónalegt við þig þar sem þið gátuð ekki vitað af þessu fyrr en þið vorum komin á staðinn og þetta er ekki þannig staðsetning að maður eigi alltaf leið hjá. En ég er ánægð að vinkona þín hafi farið í DV og fengið kettling þar í gegn. Gerir alveg sama gagn ekki satt ? :o)

Kær kveðja,
IceCat

Já, í hvert skipti sem ég fer í Kattholt langar mig líka til að taka þá alla heim með mér og gefa þeim hlýju og gott heimili.
Auðvitað er þetta ömurleg aðstaða fyrir ketti að hanga í búrum, ef þeir eru geðgóðir fá þeir að valsa þarna um alla aftari bygginguna.
Ég vil samt minna á að þarna koma margir kettir alla daga í mjög mismunandi ástandi, eru hirtir upp við Rauðavatn og Heiðmörk. Kattholt á náttla bara að vera mjög svo tímabundin staður fyrir kisurnar og sem betur fer fara langflestir þeirra á endanum á góð heimili.
Eitt veit ég um Kattholt að þeim er gefið nóg að borða og settir eru þeir í bað ef þess þarf en eins og kattafólk veit þá er það ekki auðveldasti hlutur í heimi að baða kött. Yfirleitt er best að láta þá þrífa sig sjálfa, tekur smá tíma en er áhrifaríkast.
Ég var í Kattholti í desember og fékk að kíkja í kattabygginguna og þar voru kettirnir bókstaflega æstir í að vera teknir upp, klappað og að fá smá hlýju. Maður fékk nánast tár í augun þegar maður fór þaðan út, langaði í þá alla :o(
Kær kveðja,
IceCat

Mér þætti gaman að sjá þig setja 40-80 ketti í bað.Starfsmenn í Kattholti hafa ekkert allann sólarhringinn.Heldurðu að köttunum liði betur á götunni þar sem þeir eiga hættu á því að vera snúnir úr hálsliði eða keyrt á þá eða drepnir á annan hátt.Mamma mín vinnur í Kattholti og er hreint ekki dónaleg, heldurðu að henni langi ekki líka að taka þá með sér heim.

Alltaf eru tvær hliðar á hverju máli og konurnar og mennirnir (eru þarna líka) sem standa að Kattholti virðast ekki hafa málsvara líka og ég hef jafn mikinn rétt og aðrir, þar á meðal þú til að lýsa mínum skoðunum og viðhorfum til Kattholts. Til eru aðilar hér í Reykjavík, hvort sem þú trúir því eða ekki sem safna köttum og/eða fara illa með ketti, þetta á einnig við um hunda. Fólkið í Kattholti hefur orðið mjög illa úti vegna þessa, það hefur komið fólk sem lítur alls ekki út fyrir að vera dýraníðingar, fengið ketti og Kattholt hefur fengið þessi dýr til baka í hryllilegu ástandi.
Þau þurfa að hafa ættlæðingarferlið svona í dag, ekki var það svona fyrir t.d. þremur árum þegar pabbi minn ættleiddi fallegan og góðan högna sem var heimilislaus. Mér fyndist allt í lagi að fá fólk frá Kattholti heim til mín til að sjá að kettinum líður vel og svara öllum spurningum þeirra greiðlega, ég sé ekkert að því satt að segja en kannski er ég bara svona skrýtin !
Ástæðan fyrir þessu er ekki tilkomin af engu og fólkið í Kattholti hefur séð hluti sem okkur getur ekki einu sinni dreymt um í verstu martröðum, hvernig farið hefur verið með kisur.
Varðandi gjaldið sem tekið er fyrir ættleiðingu á kisum þá er þetta fyrir geldingu/ófrjósemisaðgerð, eyrnamerkingu og bólusetningu og er þetta ekki dýrt miðað við það.
Kveðja,
IceCat

Ég er einmitt farin af stað með svolítið til þess að styrkja Kattholt, upplýsi það seinna, þegar allt er tilbúið.
Ég hef átt samskipti við þau í Kattholti í mörg ár og hef ekkert nema gott um þau að segja. Fyrst fannst mér fostöðukonan vera fráhrindandi og fannst hún svara mér eins og ég væri fæðingarhálfviti (sem ég er, en það er óþarfi að láta það í ljós,hm?), en svo sá ég smám saman inn úr skrápnum og veit núna að hún er einmitt sú manneskja sem getur séð um þessa hluti. Hún er mjög ákveðin og lætur ekki hvern sem er fá kettina. Þegar ég fékk kettlingskrílið mitt, núna í desember, varð ég bara alveg gáttuð, þegar ég þurfti að lesa og fylla út alls konar pappíra, fékk bólusetningaskírteini o.fl. Mér finnst alveg frábært hvað þetta er að verða strangt og líka hvað það er orðið erfitt að fá kettling eða kött yfirleitt, það er af sem áður var, þegar erfitt var að losna við þessi litlu grey.
Ég veit að ég er hundleiðinleg, en ég tel að sumar af svona sögum séu orðnar til fyrir misskilning eða illkvittni. Sjálfsagt er eitthvað af þessu satt, en þetta fólk í Kattholti er nú bara mannlegt eins og aðrir og þau geta líka gert mistök. Ég er sem sagt mjög ánægð með þau, hvað sem aðrir segja.
rebsig.

Hmmm…nú ert þú að tala eins og ég nefndi ofar að fullyrða eitthvað út frá þinni reynslu en ekki reynslu allra. Kattholt er ekkert fullkomið og ekki er hægt að koma öllum köttum fyrir úti í sveit. Ef Kattholt væri ekki til væri sennilega merktu köttunum okkar stútað ! Svo að ég tali ekki um þá ómerktu sem sleppa út. Lögreglan hefur enga aðstöðu né tíma til að finna út hver eigandinn er, þeir eiga nóg með sig.
IceCat

Ég skal sko segja þér að ég er búin að fá nóg.Mjög margir kettir fá að fara út úr búrinu sínu ef þeir vilja.Og það er ekkert ömurlegt fóður þar,Kattholt kaupir sko ekkert fóður sem er hægt að kaupa í Nóatúni eða 11-11.Þau kaupa Proplan og Royal canin,hágæða fóður.