Kattakonan fyrir 20 árum, 11 mánuðum Fjöldi lestra: 598

Kisurnar mínar og ykkar

Sælir kattarvinir

Ég hef ekki skrifað hingað áður svo verið ekki mjög grimm við mig, annars vil ég meina að fólk sem elskar kisur sé upp til hópa gott fólk svo ég þarf vonandi ekki að hafa áhyggjur.
Mig langar að byrja á því að þakka fyrir skemmtilega síðu, skoða hana mjög
oft og hef gaman af.
En engu að síðu má alltaf gera betur og eitt finst mér vanta og það er að fá síður dýrabúðanna hingað og spjallsíðurnar hjá þeim. Finst svolítið pirrandi að þurfa að fara á hundasíðuna til að fara á þessar síður. Ekki það að ég hafi neitt á móti hundum.
Svo væri gaman að vita hvernig kisur þið eigið.
Ég á 2 ára bröndótta íslenska læðu. Hún er ekki mikið fyrir að láta vera með sig, er skapmikil og vill fá að vera að mestu í friði. Á það til að urra og hvæsa ef hún fær ekki að vera í friði. En við elskum hana og virðum þetta við hana.
Svo á ég aðra kisu sem er 1 árs og er af Abyssinukyni. Það er fress sem er algjört kelidýr. Hann er ánægðastur á öxlunum á manni og vill alltaf vera
þar sem fólk er. Sá alskemmtilegasti kisi sem ég hef átt.
Kisur hafa alltaf fylgt mér, átti reyndar hund um tíma sem ég bjargaði á
Dýraspítalanum en hvorki ég né kisurnar vorum neitt voða hrifnar svo við
komum honum í sveitina, honum til mikilar gleði.
Og Icecat takk fyrir, þitt er líka flott.

Kveðja
Kattakonan

P.s. Eigum við ekki að koma köttunum uppú þrítugastasætinu?

Pingvin fyrir 20 árum, 11 mánuðum

hérna eru slóðir á spjallsíður hjá dýrabúðum.

www.dyrarikid.is/spjall
www.tjorvar.is/s pjall
www.tritla.is

It's a cruel world out there…

Fyrra álit

Lotti fyrir 20 árum, 11 mánuðum

Kattakona….

Ég á högna sem er alhvítur, stór með afbrigðum og glæsilegur á að líta. Hann fæddist nokkrum dögum áður en Ólafur Ragnar var kosinn forseti 1996. Þegar hann fæddist var hann með blett á höfðinu sem var alveg eins á litinn og hárið á Ólafi. Því var honum því gefið nafnið Ólafur Ragnar til bráðabirgða sem var í anda kostningabaráttunar sem þá stóð yfir.
Ekki stóð til að halda honum, en læðan, mamma hans veiktist í kjölfar gotsins, þannig að það varð að lóga henni og þar sem Ólafur var einn eftir af 6 kettlinga hópi var honum að sjálfsögðu haldið eftir. Ekki hefur þurft að sjá eftir því. Geðbetri og þrifalegri köttur er vart til. Kattholt hældi honum sérstaklega hvað hann væri góður köttur þegar hann gisti þar í mánuð meðan við vorum á Spáni. Guli bletturinn á kollinum hvarf með tímanum en ekki kom til greina að breyta nafninu, því það ber hann með reisn, sannur eðalköttur.
Hann horfir á fjölskylduna þegar hún sest til borðs, teygir framfæturna og höfuðið upp á borðið og kíkir hvað er í matinn og er ekki til friðs fyrr en hann hefur fengið það sama og aðrir fjölskyldumeðlimir. En það þýðir ekki að gefa honum það fyrirfram, það verður að koma af matarborðinu. Og hann étur flest allt nema saltfisk og pasta.
Þegar honum finnst kassinn sinn orðin full, oj…. fer hann í sturtubotninn og pissar þar. Það eru skilaboð hans um að skipta um sand.
Hann er eins og nafni hans, … hmmm…alger draumur..!

Lotti.

Fyrra álit

icecat fyrir 20 árum, 11 mánuðum

Takk fyrir ábendinguna og kannski þegar ég hef tíma (er í prófum í Háskólanum) þá kem ég svona glugga upp með heimasíðum og spjallsíðum.

Ég á tvær læður, þær Matthildi og Veigu. Matthildur er svört og hvít í smóking og verður 11 ára 13. maí næstkomandi. Hún er nefnd eftir vinkonu minni sem reddaði mér henni á sínum tíma. Hún er alger drottning, spikfeit (er að setja hana í megrun) og mjög kelin köttur. Sá sem situr í Lazy boy stólnum hérna heima þarf að sitja með hana í kjöltunni þar sem hún fylgir stólnum :) Matta hefur fylgt mér í öll þessi ár, í gegnum þrjár sambúðir (er í þeirru þriðju og síðustu) og í gegnum allt það erfiða sem fylgir skilnaði.
Þegar ég skildi við fyrsta sambýlismann minn þá var ég svo voða einmana og leið og Matta svaf alltaf til fóta hjá mér. Ég snéri mér bara við í rúminu og hélt utan um hana alla nóttina og leið miklu betur.
Matta er mjög skapmikil og krefst mikillar athygli sem hún fær með glöðu geði.

Svo er það hún Veiga, hún er fædd þann 15. mars 2002 og verður því 2ja ára á næsta ári. Ég bjargaði henni frá lógun vegna ofnæmis þegar hún var 10 mánaða. Hún er svona ekta íslensk læða, grábröndótt með hvítt enni og hvítan maga. Þó svo að andlitið á henni sé hvítt þá er hún samt með svartan varalit og augnskugga, mjög flott :) Hún er ekkert sérstaklega kelin en mjög félagslynd og verður alltaf að vera þar sem fólk er. Mikill veiðiköttur og finnst skemmtilegast að sóla sig á góðum dögum á sólpallinum. Hún virðist sjá illa að einhverju leiti, sér oft ekki þegar verið er að stríða henni eða leika við hana. Hún heitir Veiga eftir dótturinni á heimilinu sem hún var á áður en við fengum hana.

Það er stundum svolítið þröng í hjónarúminu með 2 manneskjum, 2 köttum og svo tíkinni okkar henni Doppu en við elskum það samt :)

Ég hef svo gaman að því að lesa lýsingar á annarra manna köttum þannig að endilega setiði ykkar inn hérna :)

IceCat

Fyrra álit

betababe fyrir 20 árum, 11 mánuðum

Jamm skemmtilegar umræður :)
Ég á 2 ára högna sem heitir Tommi. Hann er beige og hvítur…svona eins og ljóst ljón ;) Hann er risastór og feitur, ábyggilega eini kötturinn á landinu með brjóstaskoru! hahaha
Hann er voðalega félagslyndur, er alltaf í kringum mig eða kærastann minn, en er ekki oft í fanginu á okkur, nema svona þegar honum sýnist ;)
Endalaust forvitin, en samt letiblóð, hann er einfaldlega æðislegur, og hann veit sko alveg að það er hann sem ræður á heimilinu.

Before you criticize someone you should walk a mile in their shoes…

Fyrra álit

Xtrimer fyrir 20 árum, 11 mánuðum

Gaman Gaman!! Það er alltaf gaman að heyra frá annara manna köttum(eiginlega það skemmtilegasta sem ég veit:)

Ég á eina kisu, hann snúð. Hann er grár og hvítur íslenskur fress. Hann er algjör krúsídúlla og rosalegur orkubolti:))

kveðju

Fyrra álit

lhg fyrir 20 árum, 10 mánuðum

Ég á gráa og hvíta læðu. Hún er með hvíta bringu og lappir, smá kraga um hálsinn og hvítt í kringum munninn og uppá nef. Svo er hún með gráan fegurðarblett á nefinu þannig að það er hálft svart og hálft bleikt.

Ég er búinn að eiga hana núna í eitt ár og 3 mánuði en ég fann hana úti á vergangi, grindhoraða og með skemmda tönn. Dýralæknirinn sagði hana vera um 6 ára gamla. Hún hefur síðan fitnað mikið og ég er með hana á megrunarfóðri þó það virðist ekki gera mikið meira en að halda í horfinu. Hún er kattþrifin og notar alltaf kassann sinn og þurrkar af fótunum á eftir ef hún finnur eitthvað heppilegt á baðgólfinu. Hún ælir bara á gólfteppið og mér hefur ekki tekist að venja hana af því. Hún er ekkert hrifin af mannamat, étur bara sitt kex. Svo er hún stundum fyrir að kúra og þæfir þá með framlöppunum eins og kettlingur. Henni finnst voða gaman að sitja í glugganum og horfa út eða liggja ofan á ofninum. Hún var líka fljót að fatta það að þegar ég tek upp geisladisk eða DVD þýðir það að græjurnar verða heitar og þægilegar að liggja á þannig að um leið og hún sér mig opna disk er hún búin að taka sér stöðu þar ofan á. Svo finnst henni líka gaman að hjálpa mér með þvottinn. Þegar ég kem með hann heitan úr þurrkaranum hoppar hún í þvottakörfuna og reynir að koma í veg fyrir að ég steli honum frá henni til að brjóta saman og setja ofan í skúffur. Hún fagnar mér yfirleitt þegar ég kem heim og reynir þá að komast fram á gang í blokkinni og spóka sig aðeins þar og heldur að hún sé eitthvað merkileg :)

Fyrra álit

Kristall fyrir 20 árum, 10 mánuðum

Ég á nokkrar kisur.

Tína mín er hvít og svört, alger rófa og mjög ákveðin. Hún tuðar og er mjög hávær. Dóttir hennar, Beygla, úr goti númer 2 er grá, brún bröndótt og loðin mjög, skógarkattakyn eitthvað og er mjög mikið fyrir að leika sér, borðar allt frá kattamat til súkkulaðis, jafnvel flögur og hún elskar kokkteilsósu.

Síðan eru þrír litlir kettlingar líka, sem Tína á, það er 4 got. Að vísu það 3ja á einu ári, orðið svoldið þreytt.

Þetta er mjög skemmtilegt heimilishald oft, nema þegar Beygla tekur sig til og mígur í barnabílstólinn og svoleiðis.

Ein spurning, hvað get ég gert við dýrin mín yfir hátíðarnar, ég fer suður um jólin, er á Akureyri?

kristall

Fyrra álit

ragga86 fyrir 20 árum, 10 mánuðum

Hæhæ, ég bý líka á Akureyri, gaman að sjá kattavini héðan :) Ég á 7 kettir (veit, svolítið mikið, enda halda sumir að ég sé kolklikkuð ;) )

Fyrst er það Húfa sem er 10 ára, hún STJÓRNAR heimilinu með harðri loppu ;) Hatar karlana á heimilinu og er ekkert óhrædd við að sýna þeim það, ræfilsins strákunum.. Er mjög feit eða um 6 kíló. Búin að fá krabbamein í spenana og því spenalaus og búið að taka hana úr sambandi. Hún er svört, hvít og brún.

Buxi er albróðir hennar, kelin með eindæmum en vill ekki láta halda á sér, kemur bara eftir sínu klappi. Hann er alltaf að kyssa mömmu, rosalega sætur. Eina vandamálið með hann undanfarið er að hann hefur tekið upp á því að míga á húsgögn ef hann fær ekki að fara út á sömu stund og hann biður um það!! ;) Hann er rauðbröndóttur og hvítur.

Valdi er 5 ára og hann fékk ég hérna á huga. Svartur og hvítur. Bjargaði honum þegar eigendurnir gátu ekki átt hann lengur. Valdi er mjög stór kisi, minnir á ljón. Hann er u.þ.b 6 kíló. Sefur allan daginn í rúminu mínu, nema þegar maginn kallar og hann þarf að pissa. Hann er soldið skapstór og verður fljótt MJÖG fúll ef maður stríðir honum eitthvað aðeins ;)

Gunni Palli er 4 ára, svartur og hvítur, og ég fékk hann sömuleiðis hér. Hann er svo kelinn að stundum er það einum of!! ;) ;) Nebbinn hans er alltaf mjög blautur og hann er alltaf að sleikja út um því hann slefar!! Svo þegar hann er að kyssa mann er maður rennandi blautur eftir hann. Mamma hefur því “skírt” hann Smjattpatta ;)

Sókrates er tæplega 2 ára, svartur og hvítur með mjög gul augu. Einstaklega fallegur og vel byggður köttur. Hann er ógeldur en hefur aldrei breimað og sýnir kvenkisum engan áhuga, reyndi einu sinni að fara upp á Buxa ;) ;) Ætli kettir geti ekki verið samkynhneigðir? ;) Hann er mjög blíður og góður, en á það til að bíta mann í lappirnar til að fá mat. Hann kann að opna útidyrnar og getur það verið ansi slæmt þegar það er kalt úti ;)

Nala og Kíara eru u.þ.b 8 mánaða.
Kíara er hvít og grábrúnbröndótt, uppáhald Húfu. Tók hana strax sem sína dóttur (en vildi ekki sín ekta börn á sínum tíma) Kíara er 1/4 síamsköttur og sést það greinilega. Hún er löng og mjó með stór eyru og stórar tær. Augun hennar eru fallega brún. Hún spjallar mikið við mann og elskar að ég klappi sér. Hún er nefnilega kisan mín og hún hefur alltaf tekið mig fram yfir alla aðra.

Nala er kisan hennar mömmu. Hún er grábrúnbröndótt, rosalega falleg læða. Lætur ekki mikið fyrir sér fara en finnst klappið gott eins og flestum. Hún er ekki næstum því eins mikill síamsköttur og systir sín í útliti. Hún svaf oft í handklæða skúffunni inn á baði, en núna er hún orðin of stór til þess. Hún reynir samt enn að komast þar inn ;)

Bestu kveðjur, eigið gleðileg jól með dýrunum ykkar ;)

Fyrra álit

mallard fyrir 20 árum, 10 mánuðum

Þessi lýsing hljómar eins og lýsing á kisunni minni. Hún verður 4 ára núna í maí og heitir Blíða. Hún er líka grá og hvít og hún er í alvöru talað með fallegasta feld sem ég hef séð. Hann er glansandi eins og silki og svo minna hárin á kettlingafeld, þau eru svona einhvernveginn mislöng, kann ekki að útskýra það. Hún hefur hvíta bringu og loppur og er með fallegan jafnan hvítan þríhyrning um hálsinn. Hún er með bleika snoppu en smá hluti af henni hægra megin er dökkgrár eða svartur og svo er hún með hvítan flekk vinstra megin á andlitinu og upp eftir nebbanum.
Ég hef átt hana síðan hún fæddist því tengdamamma átti mömmu hennar og ég fékk að eigna mér kettlinginn strax eftir got. Hún er alveg yndisleg kúrukisa og sefur alltaf hjá mér á koddanum mínum eða þá ofan á bringunni á mér.
Ég hef hana á þurrfæði og mat úr dós aðeins með en hún fær fisk til hátíðabrigða og verður þá alveg vitlaus. Ég er mjög ánægð með að hún étur ekki þangað til hún veltur út af líkt og bróðir hennar gerði heldur er hún mikil dama og borðar pent og er líka mjög pen í útliti. Hún elskar að liggja upp við heitan ofn og þegar hún er komin í djúpan svefn þá kemur stundum fyrir að hún missir jafnvægið og dettur af sófaarminum og er þá alveg steinhissa á svipinn. Annars er hún svolítil frekjudolla og skammar mig ef ég e of lengi í burtu að heiman að hennar mati. Síðan er eitt sem hún gerir sem okkur hjónunum finnst frekar skrýtið en það er að hún vill alltaf sleikja hárið á manninum mínum líkt og hún sé að snyrta hann til. Hún hefur reynt þetta við mig en ég er með svo sítt hár að það flæktist hreinlega í tönnunum á henni.
Endilega halda áfram svona skemmtilegum umræðum um dýrin, þau eru svo skemmtileg

Fyrra álit

dha fyrir 20 árum, 10 mánuðum

Ég á eina kisu sem heitir Mía. Hún verður 1 1/2 árs eftir 3 daga en samt er hún alveg eins og kettlingur.
Hún er grá, með hvítan maga og loppur og smá í andlitinu og smá bröndótt.
Hún leikur sér mikið en á það til að bíta of fast ef hún verður æst. Hún bítur samt engan nema mig og systur mína (uddabudda). Hún er rosalega þæg og fer aldrei upp á borð nema þegar hún vill athygli, hún er nefnilega svo athyglissjúk ;)

Vinkona mín á kisu sem er systir hennar Míu og heitir Bella. Hún er ekki alveg eins þæg og Mía en hún er ótrúlega flott á litinn. Þegar vinkona mín fékk sér Bellu ákváðum við að fá okkur kisu líka.

Fyrra álit

[Notanda eytt] fyrir 20 árum, 10 mánuðum

Kettirnir mínir eru.. Bræla, hún er 10 ára læða með hvíta fætur og maga og háls, en með brúnt bak ,skott og hnakka. Svo er svona einhverskonar svört lína sem byrjar á hausnum svo niður bakið, og endar á skottinu. Bræla er mjög gæf og bítur aldrei nema einhver meiði hana. Hinn kötturinn er ca, 5 mánaða, hann heitir Herkúles. Hann er með 1 brúnt auga,(hann er með einhverskonar ský á hinu :o()Hann er gulurbröndóttur á litinn, og hann er allger bolla (og þá er ég ekki að grínast). Hann er sko allveg villtur, við fengum hann upp í sveit, og hann lætur Brælu ekki í friði. Hann á það líka til að stökkva á mann þegar maður labbar framhjá sófanum. Hann felur sig oft bakvið einn stólfót og heldur að enginn sjái hann ;o)

Fyrra álit

catpet fyrir 20 árum, 10 mánuðum

Ég á tvo kettir.

Dimma 2 ára læða. Hún er allveg svört (líka á þófunum) og augun hennar eru gul. Hún er svoldið kelin, og allveg til í leik með mús og band.Hún er fyrsti kötturinn minn og ótrúlega þæg, skemmir ekki sófan og er mikið úti en notar míkrafónin fyrir klærnar.

Tarzan 3 mánaða. Hann er bröndóttur með hvítar tær og bæði svarta og bleika þófa. Hann er alveg snar og klórar sófa settið, ræðst á Dimmu og o.s.f. Annars er hann mjög kelin.

Fyrra álit

Frostastelpa fyrir 20 árum, 10 mánuðum

Hæjj ég á 2 kisur skomm! önnur heitir Doppa og er hesthúsa kisa og er svört og hvít og hlaut nafnið doppa vegna þess að hún er með doppu á báðum aftur fótunum!hún fæddist í sumar og er allgjör dúlla þótt hún sé allgjör prakkari!!:D svo er það hann Bangsi gamli hann er heima kisa og er 10 ára og er LÍKA svartur og hvítur!!:) en hann fékk nafnið vegna þess að þegar hann var lítill þá faldi hann sig alltaf í bangsunum mínu og lékk sér með þá!! en gerir það ekki lengur:( en það eina sem hann gerir núna er að sofa og borða og kúka inni!!!!:'( en hann er svo góður að við viljum ekki láta hann frá okkur!!:D

Fyrra álit

Frostastelpa fyrir 20 árum, 10 mánuðum

Fyrra álit

Kettir

Kettir

Ofurhugar

Stjórnendur

Hverjir eru inni

Greinar

Kisurnar mínar og ykkar

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi